TITUS
Apothegmata Patrum (alph.)
Part No. 21
Previous part

Collection: Eul.  
Migne page: 169  
De Eulogio presbytero
Line of edition: 29  
ევლოგისთჳს ხუცისა


Text: 1.  
Migne number: ?  
Line of edition: 30        ევლოგი ვინმე Ms. page: A_33v  ხუცესი, რომელი მოწაფე ყოფილ იყო
Line of edition: 31     
ნეტარისა იოვანე ებისკოპოსისაჲ, მმარხველი იყო ესე. და იმარხვიდა
Line of edition: 32     
ორ-ორით და მრავალგზის შაბათიცა დაიმარხის. პურსა ხოლო
Line of edition: 33     
ჭამდა და მხალსა და იდიდებოდა კაცთაგან. მივიდა ოდესმე ესე პამისა
Page of edition: 51   Line of edition: 1     
იოსებისა პანეფოდ და ჰგონებდა, ვითარმედ უფიცხლესი რაჲმე
Line of edition: 2     
იხილოს მის თანა ცხორებაჲ. ხოლო ბერმან შეიწყნარა იგი სიხარულით
Line of edition: 3     
და რაჲ-იგი აქუნდა განსასუენებელი, მზა-ყოფად სცა.
Line of edition: 4     
ხოლო მოწაფეთა ევლოგისთა ჰრქუეს მას: არარაჲ ჭამის ეგე ხუცესმან,
Line of edition: 5     
გარნა პური და მარილი. ხოლო მამაჲ იოსებ დუმნა და ჭამდა.
Line of edition: 6     
და დაყვეს სამი დღჱ და არა ესმა მათ ფსალმუნებაჲ, არცა
Line of edition: 7     
ლოცჳაჲ, რამეთუ ფარულად იყოფოდეს საქმენი მათნი. და გამოვიდეს
Line of edition: 8     
გულ-კლებულნი, რამეთუ არარაჲ სარგებელი სულისაჲ იხილეს.
Line of edition: 9     
ხოლო მოღუაწებითა ღმრთისაჲთა მოეფინა ნისლი და შესცთეს
Line of edition: 10     
გზასა და მიიქცეს მუნვე ბერისა. და პირველ მათ დარეკამდე
Line of edition: 11     
ესმა მათი, რამეთუ ფსალმუნებდეს და ჰგებდეს მრავალ ჟამ და მერმე
Line of edition: 12     
დაჰრეკეს. ხოლო იგინი დადუმნეს Ms. page: A_40r  ფსალმუნებისა მისგან
Line of edition: 13     
და შეიწყნარნეს იგინი სიხარულით, და სიცხისა მასგან აღიდეს
Line of edition: 14     
ევლოგისთა მათ სარწყული და მიუპყრეს: ხოლო წყალი იგი
Line of edition: 15     
შეეზავა ზღვისაჲ მდინარისასა მას. ვითარცა მიიღო, ვერ უძლო
Line of edition: 16     
სუმად. და მოეგო გონებასა თჳსსა და შეუვრდა ბერსა, რაჲთა უთხრას
Line of edition: 17     
მას, ვითარ-იგი ცხონდებიან. და ჰრქუა მას: რაჲ არს, მამაო,
Line of edition: 18     
რამეთუ პირველ არა ჰფსალმუნებდით და სარწყული ესე ვითარცა
Line of edition: 19     
მოვიღე, ვპოე წყალი ესე, რამეთუ ძმარი არს. ჰრქუა მას ბერმან:
Line of edition: 20     
ძმაჲ ესე სულელი არს და ცთომით შეურთო მას ზღჳსაჲ. ხოლო
Line of edition: 21     
ევლოგი ევედრებოდა მას, რაჲთა უთხრას მას ჭეშმარიტად. მაშინ
Line of edition: 22     
ჰრქუა მას ბერმან: იგი მცირითა სასუმლითა ღჳნოჲ სიყუარულისაჲ
Line of edition: 23     
იყო, უკუეთუ არა ძმანი ოდესვე მაგას წყალსა სუმენ. და ასწავა
Line of edition: 24     
მათ გულის-სიტყუათა განკითხვაჲ. და განაყენა მას ყოველი
Line of edition: 25     
კაცობრივი საქმჱ და იქმნა ზიარ ყოველთა და მიერითგან ჭამდა
Line of edition: 26     
ყოველსავე წინა დაგებულსა. და ისწავა მან ფარულად საქმჱ და
Line of edition: 27     
ჰრქუა ბერსა: ნანდჳლვე ჭეშმარიტ არიან საქმენი თქუენნი.



Next part



This text is part of the TITUS edition of Apothegmata Patrum (alph.).

Copyright TITUS Project, Frankfurt a/M, 10.2.2010. No parts of this document may be republished in any form without prior permission by the copyright holder.