TITUS
Arseni Sapareli, Ganqopisatws
Part No. 2
Previous part

Chapter: I 
Page: 77 
Line: 5       კაცნო ღმრთის-მოყუარენო, რომელნი იშვებით ემბაზისაგან
Line: 6    ცხოველისა, ყოვლად * წმიდისა და დიდებულისა კათოლიკე ეკლესიისა *,
Line: 7    სარწმუნოებასა ზედა წმიდისა სამებისასა, რომელი დადვეს
Line: 8    წმიდათა მოციქულთა შეურყეველად, და ძირ-უბნ * დათესულსა მათსა,
Line: 9    ყოვლად ქებულთა წმიდათა და მღდელთ-მოძღუართა, ჭეშმარიტითა
Line: 10    და მართლითა სარწმუნოებითა, და წამეს, ვითარცა * ერთითა
Line: 11    პირითა, ექუსთა მათ შინა კრებათა *, რომელთა მიერ პირველ ზრახვიდა
Line: 12    თჳთ თავადი ღმერთი, და განაწესეს * ესრეთ და გუასწავეს ჩუენ:

Line: 13       მამაჲ * ყოვლისა მპყრობელი, დამბადებელი ყოველთა არსთა _
Line: 14    ხილულთა და უხილავთაჲ; * ძე მხოლოჲ *, მამისაგან შობილი უწინარეს
Line: 15    ყოველთა საუკუნეთა, ნათელი ნათლისაგანი, ღმრთისაგან ჭეშმარიტისა
Line: 16    შობილი * და არა ქმნული, სწორი მამისა * და თანა-მოქმედად მამისა
Line: 17    ყოველსავე, რომელმან აღსასრულსა ჟამთასა შეიმოსა სიმდაბლით
Line: 18    უძლური კაცებაჲ * ჩუენი საშოსა შინა წმიდისა ქალწულისასა,
Line: 19    ჯუარს-ეცუა * და მოკუდა ჭეშმარიტად და არა საოცრად, ბუნებითა
Line: 20    ჴორცთაჲთა, და ღმრთეებისა * ძალითა აღდგა და თანა-აღადგინა დაცემაჲ *
Line: 21    ჩუენი პირველი *, ამაღლდა მუნვე მამისა, და კუალად * მოვიდეს
Line: 22    განსჯად ცხოველთა და მკუდართა დიდებითა *, ჴორცითა მით, რომელ
Line: 23    ჩუენგან მიიხუნა; და სული წმიდაჲ, უფალი ცხოველს-მყოფელი *,
Line: 24    მამისაგან გამომავალი და ძისა თანა თაყუანის-ცემული,
Page: 78  Line: 1    თანასწორი მამისა და ძისაჲ *, თანა-მოქმედად საუკუნეთა, რომელი იტყოდა
Line: 2    პირითა წინაწარმეტყუელთაჲთა * ყოველსავე მომავალსა; და
Line: 3    ერთი წმიდაჲ * და დიდებული კათოლიკე ეკლესია, რომლისაგან განიდევნნეს
Line: 4    ყოველნი მწვალებელნი სიბრმითა უკეთურებისაჲთა *, რომელსა
Line: 5    შინა იდიდების წმიდაჲ სამებაჲ მარადის მართლითა *
Line: 6    აღსარებითა.

Next part


This text is part of the TITUS edition of Arseni Sapareli, Ganqopisatws.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.