TITUS
Major Nomocanon
Part No. 766
Previous part

Section: 30  
Page of edition: 539  
Line of edition: 1   ლ^ (30) ეპისტოლე დაწერილი კოსტანტინოპოლით მარტჳრი
Line of edition: 2   ეპისკოპოსისა ანტიოქელისაჲ, თუ ვითარ ჯერ-არს
Line of edition: 3   შეწყნარებაჲ მწვალებელთაჲ, რომელნი მოუჴდებოდინ
Line of edition: 4   წმიდასა და კათოლიკე ეკლესიასა


Line of edition: 5        მეზრახა უკუე რათმე მე ყოვლად ღმრთისმოყუარე ხუცესი ანტონი
Line of edition: 6     მათთჳს, რომელნი მწვალებელთაგან მოუჴდებოდინ და შეეძინებოდინ
Line of edition: 7     მართლმადიდებლობასა და ნაწილსა ცხოვნებულთასა, თუ ვითარ შევიწყნარებთ
Line of edition: 8     მათ, და პირისპირ უკუე წარმოუთხარ მე ყოველი მას ესე აქა
Line of edition: 9     აღწერილი წესი და ჩუეულებაჲ, რომლისაჲ საჭიროდ შევჰრაცხე უწყებაჲ
Line of edition: 10     თქუენისაცა სიწმიდისაჲ, რომელი-ეგე მამაჲ ხარ მამათაჲ და შვილისწული
Line of edition: 11     წმიდისა იოანე ღმრთისმეტყუელისა მთავარეპისკოპოსისა
Line of edition: 12     ჩუენისაჲ. ვითარმედ არიანოსთა და მაკედონიანოსთა და ნავატიანოსთა,
Line of edition: 13     რომელნი წმიდად და უფროჲს განწმედილად სახელ-სდებენ თავთა თჳსთა,
Line of edition: 14     და მეათოთხმეტელთა და მეოთხეეთა და აპოლინარელთა შევიწყნარებთ
Line of edition: 15     მოჴდითა ჴელითწერილისაჲთა და შეჩუენებითა ყოვლისა წვალებისაჲთა,
Line of edition: 16     რომელი არა აღიარებს ესრეთ, ვითარცა აღიარებს წმიდაჲ კათოლიკე
Line of edition: 17     და სამოციქულოჲ ეკლესიაჲ, რომლისა შენ წინამჰღუარი და
Line of edition: 18     თავი ხარ, ყოვლად ნეტარო. და ესრეთ დავჰბეჭდაჳთ, ესე იგი არს
Line of edition: 19     ვსცხებთ წმიდასა მიჰრონსა პირველად შუბლსა და ცხჳრთა და ყურთა და
Line of edition: 20     მკერდსა და ყოველთა საგრძნობელთა და, დავჰბეჭდვიდეთ რაჲ მათ, ვიტყჳთ:
Line of edition: 21     საბეჭდავი ნიჭისა სულისა წმიდისაჲ. და ამისსა შემდგომად ვითარცა
Page of edition: 540   Line of edition: 1     მოსწრაფენი ერისკაცნი ჴელთდასხმულ იქმნებიან მათვე ხარისხთა
Line of edition: 2     შინა, რომელთაცა იყვნეს მათ მიერ ჴელთდასხმულნი პირველად, გინათუ
Line of edition: 3     ხუცობისა, ანუ დიაკონობისა, ანუ კერძოდიაკონობისა, / Ms. page: 238v  ანუ მგალობელმკითხველობისათა.
Line of edition: 4     ხოლო ევნომიანოსთა, რომელნი ერთითა შთაყოფითა
Line of edition: 5     ნათელსცემენ, და მუნტანელთა, რომელთა აქა ფრიგუელ სახელ-ედების,
Line of edition: 6     და საბელიანოსთა, რომელნი ძე-მამიანობასა ასწავებენ და სხუათა რათმე
Line of edition: 7     უშუერებათა ჰყოფენ, და ყოველთა სხუათა წვალებათა, ვინაჲთგან მრავალნი
Line of edition: 8     არიან აქა უფროჲსღა გალატელთა სოფლით მომავალნი, ყოველთავე
Line of edition: 9     მათგანთა, რომელთა ენებოს შეწყნარებაჲ ჭეშმარიტებისაჲ, ვითარცა
Line of edition: 10     წარმართთა შევიწყნარებთ მათ და პირველსა დღესა ვჰყოფთ მათ ქრისტეანე
Line of edition: 11     და მეორესა კათაკუმეველ. ამისსა შემდგომად მესამესა დღესა შევაფიცებთ
Line of edition: 12     მათ სამგზისისა თანაშებერვისა პირისა და ყურთაჲსა და ესრეთ
Line of edition: 13     ვასწავებთ მათ და მოცალე-ვჰყოფთ მოსლვად ეკლესიად და სმენად
Line of edition: 14     საღმრთოთა წერილთა და ეგრეთ ნათელ-ვსცემთ მათ. ამათი, ვითარცა
Line of edition: 15     ყოვლითურთ თქუენმან, ვისწრაფე უწყებაჲ თქუენი.




Next part


This text is part of the TITUS edition of Major Nomocanon.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.