TITUS
Major Nomocanon
Part No. 768
Previous part

Section: Col.  
Page of edition: 543  
Ms. page: 240r 
Line of edition: 1   / ძეგლისწერაჲ წმიდისა და ღმრთივ შეკრებულისა კრებისაჲ,
Line of edition: 2   რომელი შემოკრბა ბრძანებითა კეთილად მსახურისა
Line of edition: 3   და ღმრთივ დაცვულისა მეფისა ჩუენისა დავით აფხაზთა
Line of edition: 4   და ქართველთა, რანთა და კახთა მეფისაჲთა,
Line of edition: 5   პირთათჳს, რომელნი ქუემო მოჴსენებულ არიან


Line of edition: 6        ყოვლისავე ხილულისა და უხილავისა სოფლისა და ყოველთავე
Line of edition: 7     საცნაურთა და გრძნობადთა ბუნებათა არაარსისაგან არსებად მომყვანებელმან
Line of edition: 8     ღმერთმან უხილავთა მათ და ზესთა სოფლისათა ძალთა ბუნებაჲ
Line of edition: 9     უკუდავებითა და უხრწნელებითა შეამკო, ხოლო ქუენაჲსა ამის
Line of edition: 10     სოფლისაგანნი ყოველნი ქმნისა და ხრწნილებისა შორის განაწესნა.
Line of edition: 11     ამისსა შემდგომად მოიგონა ახალი რაჲმე და უცხოჲ დაბადებული, რომელსა
Line of edition: 12     თჳთ მის თავადისაცა დამბადებელისა და სიტყჳერისა და პირუტყჳსა
Line of edition: 13     და ყოვლისავე აგებულისა ბუნებისა ზიარებაჲ თავსა შორის
Line of edition: 14     თჳსსა მოაქუნდეს და მის მიერ ვითარცა საზოგადოჲსა საკრველისა მიერ
Line of edition: 15     შეერთებად ღმრთისა შემოკრბებოდინ ყოველნი დაბადებულნი და თანად
Line of edition: 16     ხუთნივე სახენი ყოველთა არსთა განყოფილებისანი დაიჴსნებოდინ,
Line of edition: 17     რომელი ვითარცა მეორე რაჲმე სოფელი, მცირე დიდსა შინა, ანუ დიდი
Line of edition: 18     მცირესა შინა დაადგინა ქუეყანასა ზედა, ღმრთივ შუენიერი იგი და დიდებული
Line of edition: 19     სამოთხე დაასხა აღმოსავალსა ედემისასა. გარნა ვინაჲთგან მან
Line of edition: 20     ნივთად თჳთმფლობელობისა მიცემული მისდა სჯული წინაუკუმოდ საღმრთოჲსა
Line of edition: 21     ნებისა იჴუმია და შურითა ეშმაკისაჲთა და განმცდელობითა
Line of edition: 22     დედაკაცისაჲთა ცთომილი ძელისა მისგან ცხორებისა და სამოთხისა და
Line of edition: 23     ღმრთისა სიბოროტისათჳს ექსორია იქმნა და სიკუდილითა და ხრწნილებითა
Line of edition: 24     დასჯილი ბევრეულთა ვნებათა და ძჳრთა მიერ უფლებულ
Line of edition: 25     იქმნა. რამეთუ პირველად სისხლთა მიერ ძმისათა მეწამულმყოფელმან
Line of edition: 26     ჴელთამან კაინ კუალად მეორისა ღმრთისამიერისა წყევისა თანამდებყო
Line of edition: 27     ქუეყანაჲ, მერმე სიბოროტემან გმირთამან შენანებაჲ არწმუნა დამბა/დებელსა Ms. page: 240v 
Line of edition: 28     უცხოჲსა მის ცხოველისა კაცისა ესოდენ საკჳრველებით დაბადებისაჲ
Line of edition: 29     და წყლითა რღუნისაჲთა აღჴოცაჲ ყოვლისა აღმდგომისაჲ პირისაგან
Line of edition: 30     მიწისა. ამისსა შემდგომად სილაღითმან ჴელ-ყოფამან გოდლის
Line of edition: 31     მაშენებელთამან შერევნითა ენათაჲთა და მიმოდაყოფითა ნათესავთაჲთა
Line of edition: 32     მეოთხედ დასაჯა ნათესავი კაცთაჲ. ხოლო გამოჩინებამან კერპთა
Page of edition: 544   Line of edition: 1     სიბორგილისამან და ნაცვალად დამბადებელისა მსახურებამან დაბადებულისამან
Line of edition: 2     სრულიად განაშორა და უცხო-ყო კაცი შემოქმედისა ღმრთისაგან.
Line of edition: 3     მერმე ღაღადებამან სოდომელთა სიბილწით სლვისამან წუნწუბასა
Line of edition: 4     თანა აღრეულითა ცეცხლითა მოწუვად აიძულა სოფლები ხუთქალაქისაჲ.
Line of edition: 5     კუალად გულფიცხელობასა ფარაოჲსსა და უსახურებასა
Line of edition: 6     მეგჳპტელთასა უცხოთა მძლავრებათათჳს უცხოჲ მიეგო მისაგებელი და
Line of edition: 7     გუამთა მათთა უცხოდ დამმარხველი საფლავები.

Line of edition: 8        ამისსა შემდგომად დიდი მოსე, შჯული, მღდელობაჲ, მსხუერპლნი,
Line of edition: 9     სალხინებელნი თითოსახენი, მსაჯულნი, მეფობაჲ, წინაწარმეტყუელებაჲ,
Line of edition: 10     ყოფადთა წინაწარი ცნობაჲ, სახის შეცვალებითნი ღმრთის გამოცხადებანი.
Line of edition: 11     მერმეცა კუალად კერპთმსახურებაჲ თჳთ მის მოსეს მიერ
Line of edition: 12     ეგჳპტით გამოყვანებულისა და სჯულდებულისა და ესოდენთა პატივთა
Line of edition: 13     ღირსქმნულისა და პირმშოდ ძედ აღსაარებულისა ერისაჲ. ამისსა შემდგომად
Line of edition: 14     კუალად მძლავრებაჲ, კუალად ტყუეობაჲ მრავალგზის მრავალთა
Line of edition: 15     ნათესავთა და უკუანაჲსკნელ ბაბილოვნელთამიერი, რომელთა
Line of edition: 16     მეფისა ღმრთის წინააღმდგომსა მოგონებასა საქმით ამხილეს სამთა მათ
Line of edition: 17     ჭაბუკთა ისრაიტელთა, რაჟამს საკრველთა რკინისათა განმლეველმან
Line of edition: 18     საჴუმილმან შეუხებელად დაიცვნა მათნი ადვილად განსალევნელნი თმანი
Line of edition: 19     და შესამოსელნი. მერმეცა კუალად ქალაქი და ტაძარი, კუალად
Line of edition: 20     სჯული და მღდელობაჲ და რაოდენნი-რაჲ იყვნეს სჯულისანი და საკჳრველისა
Line of edition: 21     მის სჯულიერისა მსახურებისანი, გარნა ვერცა ერთი რაჲ პირველთქუმულთა
Line of edition: 22     ამათგანი შემძლებელ იქმნა კურნებად ბუნებისა, გინა/თუ Ms. page: 241r 
Line of edition: 23     მტანჯველობითთა და საშინელებათა, ანუ ქველისმოქმედებითთა
Line of edition: 24     სიტკბოებათაგანი, რომელთა თანა სჯულნიცა უქმ იყვნეს, ბუნებითსა
Line of edition: 25     ვიტყჳ და დაწერილსა, და უძლიერესი საჴმარ იყო წამალი სალმობათათჳს
Line of edition: 26     უბოროტესთა.

Line of edition: 27        ამისთჳს თჳთგუამოვანი იგი სიბრძნე და ძალი და თანაარსი ღმრთისა
Line of edition: 28     მამისა სიტყუაჲ, რომელი დასაბამად იყო და ღმრთისა თანა იყო და
Line of edition: 29     მარადის იყო, მოვიდა, ხატისა თჳსისა და უხრწნელთა მათგან და ყოვლად
Line of edition: 30     უბიწოთა სისხლთა ჭეშმარიტებით და საკუთრად ღმრთისმშობელისა
Line of edition: 31     მარადის ქალწულისათა ჴორცნი შეიმოსნა ჴორცთათჳს და სულსა
Line of edition: 32     გონიერსა და სიტყჳერსა შეეზავა სულისათჳს ჩუენისა მსგავსითა მსგავსსა
Line of edition: 33     განწმედად, რამეთუ მიუღებელი უკურნებელცა არს და თჳსისა ქმნულისა
Line of edition: 34     წილ თჳთ მიითუალა ბრძოლაჲ. და ესრეთ ყოველივე ჴორცთამიერი
Line of edition: 35     განგებულებაჲ ჯუარისა თანა ვნებათა საფლავსა და ღმრთივ შუენიერსა
Line of edition: 36     აღდგომასა სრულ-ყო რაჲ ქუეყანასა ზედა, დიდებით აღმავალმან
Line of edition: 37     ზეცად წარავლინნა ათორმეტნი მოწაფენი თჳსნი, რომელთაცა მოციქულად
Line of edition: 38     უწოდა, რაჲთა ღმრთის მეცნიერებისა ნათლითა ყოვლით კერძო
Line of edition: 39     სოფლისაჲთ განჴადონ ბნელი უღმრთოებისაჲ და სახელისა მიმართ წმიდისა
Page of edition: 545   Line of edition: 1     სამებისა ნათლისცემითა ასწაონ თაყუანისცემაჲ თანაარსისა ერთღმრთეებისაჲ
Line of edition: 2     და დამარხვითა საცხორებელთა მცნებათაჲთა კუალადაგნენ
Line of edition: 3     კაცნი პირველსავე ნეტარებითსა დიდებასა.

Line of edition: 4        ესენი ვითარცა შარავანდედნი მზისა მის სიმართლისანი განეფინნეს
Line of edition: 5     რაჲ კიდეთა ქუეყანისათა, ყოველი ნივთი კერპბორგნეულისა უღმრთოებისაჲ
Line of edition: 6     მახჳლითა სულისაჲთა მოჭრეს და ცეცხლითა სარწმუნოებისაჲთა
Line of edition: 7     მოწუეს და ერქუნითა ჯუარისაჲთა მოიორნატნეს გულნი შემწყნარებელთა
Line of edition: 8     კაცთანი და დასთესეს მათ შორის თესლი კეთილად მსახურისა
Line of edition: 9     სარწმუნოებისაჲ და მხოლოჲსა და ჭეშმარიტისა ღმრთისა მსახურებითი
Line of edition: 10     თაყუანისცემაჲ მრავალთა და სიცრუვით მოპოვნებულთა ღმერთთა
Line of edition: 11     წილ ღმრთივ შუენიერებით ასწავეს და საკერპოთა მათ წილ ტაძართა
Line of edition: 12     და ბომონთა სიმრავლენი ეკლესი/ათა Ms. page: 241v  და საკურთხეველთანი აღუმართნეს
Line of edition: 13     ღმერთსა ყოვლით კერძო ქუეყანისაჲთ და სიძულილი სოფლისაჲ
Line of edition: 14     და მტერობაჲ ჴორცთაჲ რწმუნებით ასწავეს მათ, რომელთა-იგი
Line of edition: 15     ღმრთად შეერაცხა სოფელი და ჴორციელთა გემოთა მძლავრებისადა მონად
Line of edition: 16     მიეცნეს თავნი და განცოფებული იგი სიბრძნე ელლენებრისა სიჩქურისა
Line of edition: 17     ვიეთისაჲმე სიმარტივითა ღმრთივ სწავლულისა მათდა სიბრძნისაჲთა,
Line of edition: 18     რომლისათჳს-იგი პავლეს ჰბასრობდეს ათინელნი, ყოვლად სიბრძნით
Line of edition: 19     მხილებულ ყვეს და არცა ერთისა სიტყჳსა ღირსად გამოაჩინნეს
Line of edition: 20     მათნი იგი ზღაპართმწერლობითნი ჴელოვნებანი. და დიდისა კლიმინტოსის
Line of edition: 21     მიერ დასხნეს კანონნი საეკლესიონი რიცხჳთ ოთხმეოცდახუთნი. რომელთაგანი
Line of edition: 22     ერთი პირველწოდებული ანდრია, ძმაჲ თავისა მოციქულთაჲსა
Line of edition: 23     პეტრესი, ვიდრე ჩუენდამდეცა მოიწია და ქადაგა საცხორებელი
Line of edition: 24     ქადაგებაჲ სახარებისაჲ ყოველსა ქუეყანასა საქართველოჲსასა და ურიცხუნი
Line of edition: 25     სიმრავლენი ერთანი განაშორნა საცთურისაგან მრჩობლ ეშმაკეულებისა
Line of edition: 26     და ერთისა ღმრთისა და ქრისტეს მისისა თანაარსით მათით
Line of edition: 27     სულითურთ რწმუნებით თაყუანისცემაჲ ასწავა, დაღათუ უმრავლესმან
Line of edition: 28     ერმან ქართლისამან სიმრავლესა შინა ჟამისასა დაივიწყა ქადაგებაჲ იგი
Line of edition: 29     მოციქულისაჲ და საცთურისავე მიმართ კერპთაჲსა მიაქცია. ამათისა ქადაგებისა
Line of edition: 30     ნაყოფად აღმოეცენნეს ყოვლით კერძო ყოვლისა სოფლისაჲთ
Line of edition: 31     სიმრავლენი ღუაწლისა დამდებელისა ქრისტეს სიკუდილსა მიმსგავსებულთა
Line of edition: 32     მოწამეთანი, ვინაჲთგან სამასნი მცირედთა სხუათა თანა ვიდრე
Line of edition: 33     მეფედ ქადაგებადმდე დიდისა კოსტანტინესსა შორის გარდაჴდეს წელიწადნი,
Line of edition: 34     რომელი-იგი პირველად ქრისტეანე იქმნა მეფეთა შორის და
Line of edition: 35     თჳთ მოციქულ და ქადაგ საცხორებელისა ქადაგებისა და ნათელსა თავისუფლებისასა
Line of edition: 36     მიმფენელ ქრისტეანეთა ღმრთივ შუენიერისა
Line of edition: 37     მოქალაქობისა.

Line of edition: 38        ამისთავე უკუე ჟამთა სრულიად მომხედნა ჩუენცა აღმოსავალმან
Line of edition: 39     მაღლით და დედაკაცისა ვისმე მიერ ტყუექმნულისა, რომელსა-იგი ნუნნად
Page of edition: 546   Line of edition: 1     კაპპადუკიელად აქა სადმე პოვნილ/ნიცა Ms. page: 242r  ქადაგებენ წიგნნი საეკლესიოთა
Line of edition: 2     მოთხრობათანი, სარწმუნოებისა მიმართ თჳსისა მიიზიდა ყოველი
Line of edition: 3     სავსებაჲ ყოვლისა ქართველთა ნათესავისაჲ საკჳრველთმოქმედებითა
Line of edition: 4     ნიშებშემოსილთა სასწაულთაჲთა, რაჟამს-იგი ქართველთა მეფემან მირიან
Line of edition: 5     მეფეთა შორის დიდისა კოსტანტინესსა მივლინებითა და მისგან
Line of edition: 6     გამოთხოჲთა მეფობისა თჳსისა ქალაქად მცხეთად შთამოიყვანა ევსტათი
Line of edition: 7     დიდი საყდრისმპყრობელი ანტიოქელთა ეკლესიისაჲ და წმიდათა
Line of edition: 8     მიერ ჴელთა მისთა ნათელ-იღო მან და ყოველმან ერმან ქართლისამან.
Line of edition: 9     და თჳთ პატრიაქთა შორის სახელგანთქუმულმან ევსტათი ჴელითა
Line of edition: 10     თჳსითა შთადვა საფუძველი მაშინ სადმე მცხეთას აღშენებულისა ეკლესიისაჲ,
Line of edition: 11     რომელიცა ფრიადისა თანა გულსმოდგინებისა განასრულეს რაჲ
Line of edition: 12     მათ, განწმიდა იგი და ჴელთდასხმულ-ყო მას შინა მათთჳს
Line of edition: 13     ეპისკოპოსიკათოლიკოსი.

Line of edition: 14        ამან საუკუნოდ ჴსენებულმან მეფემან კოსტანტინე შეკრიბა პირველი
Line of edition: 15     და მსოფლიოჲ წმიდაჲ კრებაჲ ნიკეას სამას ათრვამეტთა წმიდათა
Line of edition: 16     მამათანი, რომელთა დასხნეს კანონნი რიცხვით ოცნი, რომლისა პირველად
Line of edition: 17     ქმნილ-იყვნეს სხუანიცა ადგილობითნი კრებანი, პირველი ანკჳრიას,
Line of edition: 18     რომელსა დაესხნეს კანონნი ოცდაოთხნი, მეორე ნეოკესარიას, დამსხმელი
Line of edition: 19     კანონთა ათოთხმეტთაჲ, ხოლო შემდგომად დიდისა მის და მსოფლიოჲსა
Line of edition: 20     კრებისა სხუანიცა იქმნნეს ადგილობითნი კრებანი, ვითარ-იგი
Line of edition: 21     ღანგრისაჲ, რომლისა კანონნი არიან ოც და კუალად ანტიოქიისაჲ,
Line of edition: 22     დამსხმელი კანონთა ოცდახუთთა, ამათ თანა ლაოდიკიისაჲ ფრიგჳისაჲ
Line of edition: 23     და კანონნი მისნი ოცდაერთნი. ამათსა შემდგომად მეორე წმიდაჲ და
Line of edition: 24     მსოფლიოჲ კრებაჲ კოსტანტინოპოლის ას ერგასისთა წმიდათა მამათაჲ,
Line of edition: 25     რომელთა კანონნი არიან რიცხჳთ შჳდ. მერმე მესამე ეფესოჲსა წმიდაჲ
Line of edition: 26     და მსოფლიოჲ კრებაჲ მცირისა თევდოსის მეფისა მიერ შეკრებული,
Line of edition: 27     რომელმან დასხნა კანონნი რვანი. მეოთხე ხალკიდონს ექუსას ოცდაათთა
Line of edition: 28     წმიდათა მამათაჲ მსოფლიოჲ კრებაჲ კეთილად მსახურისა მარკიანე
Line of edition: 29     მეფისა მიერ შემოკრებული და განმაწესებელი კანონთა რიცხჳთ/ Ms. page: 242v  ოცდარვათაჲ.
Line of edition: 30     მერმე ადგილობითი კრებაჲ კართაგენისაჲ და კანონნი მისნი
Line of edition: 31     ასთცდაათრვამეტნი.

Line of edition: 32        ხოლო მეხუთემან წმიდამან და მსოფლიომან კოსტანტინოპოლის
Line of edition: 33     შეკრებულმან კრებამან მცირედ იზრუნა საეკლესიოთა კანონთა განწესებისათჳს.
Line of edition: 34     არამედ მეექუსემან წმიდამან და მსოფლიომან კრებამან
Line of edition: 35     იუსტინიანეს ზე კეთილად მსახურისა მეფისა გუმბადსა შინა სამეუფოჲსა
Line of edition: 36     პალატისასა შეკრებულმან აღავსო დაკლებული მისი, რამეთუ დასხნა
Line of edition: 37     კანონნი რიცხჳთ ას და ორნი. კუალად ნიკიისა მეორემან წმიდამან
Line of edition: 38     კრებამან დასხნა კანონნი ათრვამეტნი. ამისსა შემდგომად არიან სხუანიცა
Page of edition: 547   Line of edition: 1     ორნი მასვე სამეუფოსა ქალაქსა ეკლესიასა შინა წმიდათა და ყოვლად
Line of edition: 2     ქებულთა მოციქულთასა შეკრებულნი კრებანი, რომელთა განუჩენიან
Line of edition: 3     კანონნი რიცხჳთ ათშჳდმეტნი. ხოლო წმიდასა და მეშჳდესა წმიდათა
Line of edition: 4     ხატთათჳს შეკრებულსა მსოფლიოსა კრებასა განუწესებიან კანონნი
Line of edition: 5     რიცხჳთ სამნი ოდენ.

Line of edition: 6        ამათ წმიდათა კრებათა მიერ განჩინებულთა კანონთა თანა არიან
Line of edition: 7     სხუანიცა თითოეულთა მამათა მიერ განწესებულნი და თანააღრიცხულნი
Line of edition: 8     კანონნი:

Line of edition: 9        დიონჳსიოს ალექსანდრიელ მთავარეპისკოპოსისა კანონნი ოთხნი;

Line of edition: 10        პეტრე ალექსანდრიელთა მღდელთმთავრისა და მოწამისა კანონნი
Line of edition: 11     ათხუთმეტნი,

Line of edition: 12        გრიგოლი ეპისკოპოსისა ნეოკესარიელისა საკჳრველთმოქმედისა
Line of edition: 13     ეპისტოლე კანონიანი;

Line of edition: 14        დიდისა ბასილის კანონნი ოთხმეოცდახუთნი;
Line of edition: 15        მისივე ეპისტოლე კანონიანი დიოდორეს მიმართ;
Line of edition: 16        მისივე ეპისტოლე კანონიანი გრიგოლის მიმართ ხუცისა;
Line of edition: 17        მისივე ეპისტოლე კანონიანი ხორეპისკოპოსთა მიმართ;
Line of edition: 18        მისივე ეპისტოლე კანონიანი მისქუეშეთა ეპისკოპოსთა მიმართ;
Line of edition: 19        მისივე ამფილოქეს მიმართ სულისა წმიდისათჳს მიწერილთა მათ
Line of edition: 20     თავთაგან;

Line of edition: 21        გრიგოლი ნოსელისა კანონნი რვანი;
Line of edition: 22        ტიმოთე ალექსანდრიელისა კანონნი ათხუთმეტნი;
Line of edition: 23        ფილოთეოს ალექსანდრიელისაჲ ღმრთის გამოცხადებისათჳს
Line of edition: 24     თქუმულისაგან;

Line of edition: 25        მისნივე სხუანი კანონნი ათნი;
Line of edition: 26        მისივე ეპისტოლე აფიგიონის მიმართ ეპისკოპოსისა;
Line of edition: 27        მისივე ეპისტოლე აგათონის მიმართ ეპისკოპოსისა;
Line of edition: 28        მისივე ეპისტოლე მინაჲს მიმართ ეპისკოპოსისა; / Ms. page: 243r 
Line of edition: 29        კჳრილე ალექსანდრიელთა მთავარეპისკოპოსისა კანონნი შჳდნი;
Line of edition: 30        გენნადი წმიდისა პატრიარქისა კოსტანტინეპოლელისა და მის თანა
Line of edition: 31     წმიდისა კრებისა ეპისტოლე მიტროპოლიტთა მიმართ გარემოთა
Line of edition: 32     სამთავროთაჲსა.

Line of edition: 33        ესე არიან შეკრებანი წმიდათა და საეკლესიოთა კანონთანი დაბეჭდულნი
Line of edition: 34     და დამარხულნი თჳნიერ ყოვლისა შემატებისა და მოკლებისა
Line of edition: 35     და ამათი მეცნიერებაჲ და შედგომაჲ და მტკიცედ პყრობაჲ უჴმს
Line of edition: 36     ყოველთა წინამძღუართა ქრისტეანობითისა მადიდებლობისათა მღდელთმთავართა
Line of edition: 37     და მღდელთა და დიაკონთა და ჩუენ შორის მოძღურად სახელდებულთა
Line of edition: 38     მათცა მონაზონთა და ერთბამად ყოველსა სავსებასა
Line of edition: 39     მართლმადიდებელთა ეკლესიისასა. ხოლო ჩუენ ესე ამისთჳს მოვიჴსენენით,
Line of edition: 40     რაჲთა პირველითგან პირი სიტყჳსა ჩუენისაჲ განვჰმარტოთ.

Page of edition: 548  
Line of edition: 1        ვინაჲთგან დაჰბადა ღმერთმან დასაბამსა ხატებად და მსგავსებად
Line of edition: 2     თჳსსა კაცი, ვითარცა პირველ ვიტყოდეთ, რაჲთა მის მიერ ვითარცა საზოგადოჲსა
Line of edition: 3     საკრველისა მიერ ხილულთა და უხილავთაჲსა თავსა თჳსსა
Line of edition: 4     შეაერთნეს ყოველნი საცნაურნი და გრძნობადნი დაბადებულნი, სათნოებით
Line of edition: 5     რაჲ საკუთარ ექმნას იგი შემოქმედსა თჳსსა, ხოლო იგი ეგევითარისა
Line of edition: 6     მის მადლთა სიმდიდრისაგან განშიშულდა ცთომისა მის მიერ
Line of edition: 7     და განდგომილთა და რისხვეულთა მონათა მონებაჲ მოატყუა თავსა.
Line of edition: 8     არამედ არა სახიერმანცა დამბადებელმან მისმან, რამეთუ ვითარმცა
Line of edition: 9     თავს-იდვა უგულებელს-ყოფაჲ ესოდენისა ჴელთა მისთა საქმოსაჲ, რომელ
Line of edition: 10     არს კაცი, არამედ უხრწნელსა შინა საშოსა ყოვლად წმიდისა
Line of edition: 11     ღმრთისმშობელისა და მარადის ქალწულისასა არღარა პირველისაებრ
Line of edition: 12     იჭჳსა მადლით, არამედ გუამოვნებით შეაერთა იგი თავსა თჳსსა და ზესთა
Line of edition: 13     ბუნებისა განაღმრთო მის მიერ მიღებული იგი და მის თანა ერთგუამქმნილი
Line of edition: 14     კაცი და რომელი-იგი იყო პირმშოჲ ყოვლისა აგებულისაჲ,
Line of edition: 15     თავს-იდვა პირმშო მრავალთა ძმათა შორის ყოფაჲ, რაჲთა სახელისა მისისა
Line of edition: 16     მიმართ წოდებულნი და მადლით ძმად მისსა აღსაარებულნი, რომელი-იგი
Line of edition: 17     ყრმათაცა ეზიარა ჴორცითა და სისხლითა და გუამად ერთისა
Line of edition: 18     მის ყოველთა / Ms. page: 243v  თავისა გამოჩინებულნი მუნ აღმიყვანნეს კუალად
Line of edition: 19     განჴორციელებითა თჳსითა, სადა-იგი თჳთ არს თავი სასოებისა ჩუენისაჲ,
Line of edition: 20     და თანამოქალაქე მყვნეს წმიდათა და სახლეულ ღმრთისა და სამკჳდრებელად
Line of edition: 21     მისსა გამომაჩინნეს სულითა, რაჟამს თავისა მიმართ შემოკრბეს
Line of edition: 22     თითოეულებაჲ ასოთა განყოფილებისაჲ და თბისა მიმართ გარდაინივთოს
Line of edition: 23     ვითარებაჲ ყოვლისა აღსუარულისაჲ.

Line of edition: 24        ვინაჲცა ამისთჳს მოგუეცნეს პირველად ბუნებითი და მერმე დაწერილი
Line of edition: 25     სჯული, ამისთჳს იქმნა განკაცებაჲ ღმრთისაჲ, ამისთჳს -- ქალწულისაგან
Line of edition: 26     შობაჲ, ბაგაჲ, წარგრაგნაჲ, ანგელოზნი მადიდებელნი, ვარსკულავისა
Line of edition: 27     სრბაჲ, მოგუთა ძღუნისმომრთუმელობაჲ, წინადაცუვთაჲ, ნათლისღებაჲ,
Line of edition: 28     ზეცით წამებაჲ, განცდაჲ, ქოლვაჲ ჩუენთჳს და ვნებანი
Line of edition: 29     უვნებელისანი, განცემაჲ, შემსჭუალვაჲ, დაფლვაჲ, აღდგომაჲ, აღსლვაჲ
Line of edition: 30     ზეცად, ამისთჳს -- ქადაგებანი მოციქულთანი, სისხლი მოწამეთანი,
Line of edition: 31     სწავლანი მოძღუართანი, ოფლნი ღირსთა მამათანი, გულსმოდგინებანი
Line of edition: 32     კეთილად მსახურთა და მორწმუნეთა მეფეთანი, წადიერებანი ღმრთისმოყუარეთა
Line of edition: 33     მთავართანი, კადნიერებანი ღმრთის სახისა მღდელთმთავრობისა
Line of edition: 34     რწმუნებულთანი წინამბრძოლისა თჳსისა თანა, სიმჴნით თანამბრძოლებანი
Line of edition: 35     მღდელთა და სამღდელოთანი, ცოდვისა მიმართ სიმჴნით
Line of edition: 36     წინაგანწყობანი ნივთთაგან განშიშულებულისა მონაზონთა დასისანი და
Line of edition: 37     მათ თანა ერთჴმობანი ქრისტეს მოყუარისა ერისანი.

Line of edition: 38        ამისთჳს იქმნნეს ქრისტეს მოყუარეთა და ღმრთივ დაცვულთა მეფეთა
Line of edition: 39     მიერ ჟამად-ჟამადნი კრებანი ღმრთისმოყუარეთა ეპისკოპოსთა
Page of edition: 549   Line of edition: 1     და ღმრთისა სათნოყოფილთა მამათანი, რაჲთა საქმეთა მიერ განსრულებულითა
Line of edition: 2     სარწმუნოებითა შეაერთნეს ღმერთსა ქრისტეანენი, რომელთასა
Line of edition: 3     კეთილად ებაძვა შურსა ჩუენიცა ესე გჳრგჳნოსანი მრჩობლ მარჯუენე
Line of edition: 4     და შეყუარებული გჳრგჳნი თავისაჲ და სასურველი ძე დავით,
Line of edition: 5     რომელი-ესე ერთბამად მჴნეცა არს და ბრძენ, მართალ და წმიდა, იგივე
Line of edition: 6     მყუდროცა და მშჳდ, სახიერ და ტკბილ, მოწყალე და ძჳრუჴსენებელ და
Line of edition: 7     მიმსგავსებულ სახიერებასა / Ms. page: 244r  ღმრთისასა, რომელი აღმოუბრწყინვებს
Line of edition: 8     მზესა კეთილთა და ბოროტთა და ზრდის ყოველთა წჳმითა სწორებით.
Line of edition: 9     ესე ვინაჲთგან გარეშეთა ბრძოლათა შინა წინადაუდგომელობით უბრძოლელ
Line of edition: 10     და გარეშისა სახისა ქმნულებითა სხუათა კაცთაგან შესწორებად
Line of edition: 11     შეუძლებელ იყო, რამეთუ კეთილ დიდ არს ვითარცა გმირი, შუენიერ
Line of edition: 12     არს ვითარცა სიძე, ბრწყინვალე არს ვითარცა ცისკარი, ნაყოფიერ არს
Line of edition: 13     კეთილთა მიერ ვითარცა აღმოსავალი, ყუავილოვან წარმატებათა მიერ
Line of edition: 14     ვითარცა სამთოხე ღმრთისაჲ. არა თავს-იდვა, რაჲთა არა უმეტეს მოღუაწე
Line of edition: 15     იქმნეს განბრწყინვებად შინაგანთაცა სიკეთეთა სულისათა, ვინაჲთგან
Line of edition: 16     იგინი წარმდინარ, ხოლო ესენი დაუსრულებელობასა თანა
Line of edition: 17     ღმრთისასა თანადაუსრულებელ არიან.

Line of edition: 18        ამისთჳს შემოკრბა კრებაჲ ღმრთისმოყუარეთა ეპისკოპოსთა, პატიოსანთა
Line of edition: 19     მღდელთა და ღირსთა დიაკონთაჲ, ქრისტეს მოყუარეთა მონაზონთა,
Line of edition: 20     დაყუდებულთა და მეუდაბნოეთაჲ, სანახებთა ქართლისათა
Line of edition: 21     მახლობელად ორთა საეპისკოპოსოთა რუისა და ურბნისისა. გარნა არათუ
Line of edition: 22     უბიწოებასა ქართველთა სარწმუნოებისასა ბიწი რაჲმე შეჰხებოდა, ნუ
Line of edition: 23     იყოფინ ესე! არა გეცრუვნეთ შენ, სიწმიდით მშობელო ჩუენო კათოლიკე
Line of edition: 24     ეკლესიაო, არცა განგცეთ შენ, სიქადულო ჩუენო მართლმადითებლობაო,
Line of edition: 25     რომლისა არცა განმცემელქმნილ ვართ, ვინაჲთგან შემეცნებასა
Line of edition: 26     შენსა ღირსქმნილ ვართ -- მოწამე არს ჭეშმარიტებაჲ. არამედ სხუათა
Line of edition: 27     საეკლესიოთა და სამღდელოთა და საქრისტეანოთა ძიებათათჳს, რომელთა
Line of edition: 28     თავ და წინამძღუარ და პირ წმიდისა მის კრებისა იყო ღმრთისა
Line of edition: 29     მიმართისა საკუთრებისა თანა სიმშჳდითაცა სულისაჲთა მიმსგავსებული
Line of edition: 30     მოსესი და მსგავსად დიდისა სამოელისსა წინამლოცველა ერისაჲ და
Line of edition: 31     მცხებელი მადლით სრულყოფადთაჲ იოანე ყოვლად ღირსი მთავარეპისკოპოსი-კათოლიკოსი
Line of edition: 32     და ყოვლისა საქართველოჲსა დიდი მამათმთავარი
Line of edition: 33     და მის თანა სიმრავლე პირველჴსენებულთა მათ სავსებისაჲ. / Ms. page: 244v 

Line of edition: 34        1. და პირველად ეპისკოპოსნი ვინმე ვერ ღირსებით შემოსრულნი
Line of edition: 35     პატივსა მღდელთმთავრობისასა და უღირსნი ქრისტეს პირველისა მის
Line of edition: 36     მწყემსთმთავრისანი განვკუეთენით და უცხო ვყვენით მღდელობისაგან,
Line of edition: 37     ვინაჲთგან არაწმიდისა შეხებაჲ სიწმიდეთაჲ არა უცთომელობა არს და
Line of edition: 38     მახლობელი ღმრთისაჲ მახლობელ ცეცხლისა არს და უჴმს, რაჲთა ყოვლითურთ
Page of edition: 550   Line of edition: 1     ოქრო იყოს. ხოლო არა კრულ ვყვენით და არცა შევაჩუენენით,
Line of edition: 2     ნუ იყოფინ! არამედ ლიტონთა ერისკაცთა თანა ზიარებად ფლობილ
Line of edition: 3     ვყვენით, უკუეთუ ოდენ ამიერითგან მმარხველ იყვნენ სიწმიდისა.
Line of edition: 4     და ნაცვალად მათდა სხუანი დავადგინენით, რომელთა ჰასაკისაგანცა და
Line of edition: 5     საქმეთაგან აქუნდა წამებაჲ და კეთილად განეწუართნეს ჴორცნი დამორჩილებად
Line of edition: 6     სულისა.

Line of edition: 7        2. ამას თანა სულმოკლებაჲცა ჴელთდასხმათაჲ ვითარცა უწესოჲ
Line of edition: 8     და უკანონოჲ დავჰჴსენით და განვაწესეთ, რაჲთა ამიერითგან არღარავინ
Line of edition: 9     იკადროს ქმნად თჳნიერ, ვითარ-იგი განაწესებს კანონი, რაჲთა ეპისკოპოსი
Line of edition: 10     ოცდაათხუთმეტისა წლისაჲ, მღდელი ოცდაათისა წლისაჲ, დიაკონი
Line of edition: 11     ოცდახუთისა წლისაჲ და წიგნისმკითხველი რვისა წლისაჲ ჴელთდასხმულ
Line of edition: 12     იქმნებოდინ.

Line of edition: 13        3. ამას თანა სხუაჲცა უწესოჲ წესი ჴელთდასხმათაჲ დაჴსნად განვაჩინეთ,
Line of edition: 14     ვითარმცა მასვე და ერთსა დღესა ჴელნი დაესხნეს ვისმე წიგნისმკითხველად,
Line of edition: 15     კერძოდიაკონად, დიაკონად და მღდელად, ანუ თუ ეპისკოპოსადცა,
Line of edition: 16     რომელი-ესე უკუეთუ იქმნასღა სადა ამიერითგან, ჴელთდამსხმელი
Line of edition: 17     და ჴელთდასხმული ერთბამად განიკუეთნენ მღდელობისაგან.
Line of edition: 18     რამეთუ პირველად წიგნისმკითხველად და კერძოდიაკონად ოდენ ჯერარს
Line of edition: 19     ჴელთდასხმაჲ და ორისავე ამის ერთსა დღესა შესაძლებელ არს
Line of edition: 20     ქმნაჲ და მერმე დიაკონად. და ვითარცა დაყვნეს დღენი დიაკონობასა
Line of edition: 21     შინა და ჰმსახუროს მღდელთა არა მცირედთა დღეთა, მერმეღა მოიყვანონ
Line of edition: 22     მღდელობად. ხოლო უკუეთუ ეპისკოპოსობად მომავალი იყოს, შემდგომად
Line of edition: 23     შჳდთა დღეთა / Ms. page: 245r  ჟამისწირვისა მოიყვანონ ჴელთდასხმად ეპისკოპოსობისა.
Line of edition: 24     და ამას ვიტყჳთ მათთჳს, რომელთა საჭიროჲ რაჲმე მიზეზი
Line of edition: 25     ასწრაფობდეს, ხოლო რომელთა არცა ერთი რაჲ აქუნდეს სათანადოჲ
Line of edition: 26     მიზეზი მასწრაფობელად, მათ წელიწადი და წელიწადნი დაყვნენ
Line of edition: 27     თითოეულსა ხარისხსა შინა და უფროჲსღა დიაკონობისასა, ვინაჲთგან
Line of edition: 28     თჳნიერ დიაკონთა სიმრავლისა ვერაჲ მიიღებს შუენიერებასა საეკლესიოთა
Line of edition: 29     წესთაგანი. ამისთჳს ვამცნებთ ყოველთა ეპისკოპოსთა, რაჲთა
Line of edition: 30     უფროჲსღა დიაკონთა განმრავლებისათჳს მოღუაწე იყვნენ ეკლესიათა
Line of edition: 31     შინა მათთა. ხოლო მონაზონთა, რომელნი მღდელობად და ეპისკოპოსობად
Line of edition: 32     მომავალ იყვნენ, პირველად სრულიად მონაზუნად დიდითა სქემითა
Line of edition: 33     უბრძანებთ განსრულებასა და ეგრეთღა მღდელობად მოსლვასა.

Line of edition: 34        4. ხოლო წესი ჴელთდასხმადთა სრულებისაჲ ეგრეთ აღესრულებოდედ,
Line of edition: 35     ვითარცა ახალთა შინა კურთხევათა ნეტარებით მოჴსენებულისა
Line of edition: 36     მამისა გიორგი მთაწმიდელისათა დაწერილ არს. ეგრეთვე კურთხევაჲ
Line of edition: 37     ეკლესიისაჲ და დამყარებაჲ საკურთხეველისაჲ და წმიდა-ყოფაჲ ღმერთმყოფელისა
Page of edition: 551   Line of edition: 1     მიჰრონისაჲ ეგრეთ სრულ-იქმნებოდედ, ვითარცა მუნ შინა
Line of edition: 2     მოჴსენებულ არს.

Line of edition: 3        5. ხოლო ქრთამისათჳს და საფასისა, რომელსა მიიღებენ ჴელთდამსხმელნი
Line of edition: 4     ჴელთდასხმადთაგან, ზემოჲთგანისა წმიდათა მოციქულთა
Line of edition: 5     და მამათა მოცემისაებრ განჩინებად ვიკადრებთ ჩუენცა, რაჲთა მოისპოს
Line of edition: 6     ეგევითარი იგი ეკლესიისაგან და აღიჴოცოს მღდელობისაგან მაკურთხეველისა
Line of edition: 7     თჳსისა თანა, რომლისა ქმნაჲ ამიერითგან ნუღარამცა ვის
Line of edition: 8     უკადრებიეს, რაჲთა არა იგიცა შევსძინოთ, ვითარმედ შეიჩუენოს, ვითარცა
Line of edition: 9     სჳმონ მოგჳ პეტრე მოციქულისაგან*. და ნუმცა მიიღებენ რაჲთურთით
Line of edition: 10     ნურარას ნუ ოდეს, ნუცა პირველ ჴელთდასხმისა, ნუცა თჳთ
Line of edition: 11     მას ჴელთდასხმასა შინა, ნუცა შემდგომად ჴელთდასხმისა, ნუცა ქრთამსა,
Line of edition: 12     ნუცა ძღუენსა, ნუცა ევლოგიასა, ნუცა კათოლიკოსი ეპისკოპოსთაგან,
Line of edition: 13     გინა ხუცეს-დიაკონთა და ხორეპისკოპოსთა, ნუცა ეპისკოპოსნი დიაკონთაგან
Line of edition: 14     და მღდელთა და ხორეპისკოპოსთა, ნუცა რათ/ Ms. page: 245v  სხუათა სამღდელოთასა
Line of edition: 15     დასისაგანთა, ანუ რომელთავე საეკლესიოთა მნეთაგან.

Line of edition: 16        6. მერმეცა სამღდელოთა ჭურჭელთა და ღმრთისადა შეწირულთა
Line of edition: 17     სიწმიდეთათჳს, რომელ არიან ბარძიმ-ფეშხუემ-სამწერობელნი და ყოველივე
Line of edition: 18     ეკლესიათადა შეწირული და ერთგზის ღმრთისადა მიცემული
Line of edition: 19     ოქროჲ, ვეცხლი, თუალი. მარგალიტი, ჭიქაჲ, სტავრაჲ, ნაქსოვი, სინი,
Line of edition: 20     რვალი, რკინაჲ, ძელი, კეცი, ქვაჲ. ამას განვაწესებთ შედგომითა წმიდათა
Line of edition: 21     კანონთაჲთა, რაჲთა არავის ჴელ-ეწიფოს ჴმარებად მისსა არარად,
Line of edition: 22     არცა ტყუეთა საჴსრად, დაღათუ ცუდადცა და უჴმრად მდებარე იყვნენ
Line of edition: 23     და ფერჴითა დასათრგუნველად ისხნენ ეკლესიასა შინა და საჭურჭლესა
Line of edition: 24     მისსა. ხოლო უკუეთუ ვინმე იკადროს ამათგანისა რაჲსაცა გარეგნით მის
Line of edition: 25     ეკლესიისა და თჳნიერ მისსა, ვითარ-იგი განწესებულ იყოს და ვითარსახედცა
Line of edition: 26     სამსახურად ეკლესიისა, ანუ საკურთხეველისა შექმნილ იყოს
Line of edition: 27     სხუად რადცა ჴმარებად, მოელოდეთ აქა უკუე ბაბილოვნელთა მეფისა
Line of edition: 28     ბალტასარის** და ანანიაჲს და საპფირაჲს სასჯელსა***, ხოლო მუნ ცეცხლსა
Line of edition: 29     საუკუნესა განმზადებულსა ეშმაკთათჳს და ანგელოზთა
Line of edition: 30     მისთათჳს.

Line of edition: 31        7. ამას თანა ესეცა მოვიჴსენეთ, ვითარმედ თჳნიერ ეკლესიისა და
Line of edition: 32     საკურთხეველისა არცა ნათლისცემაჲ შესაძლებელ არს, არცა გჳრგჳნთა
Line of edition: 33     კურთხევაჲ, არცა მონაზუნისა ეპისტოლითა, გინა სქემითა კურთხევაჲ
Line of edition: 34     და არცა მონაზონსა ხუცესსა გჳრგჳნთა კურთხევად ჴელეწიფების, არცა
Line of edition: 35     ერისაგანსა მღდელსა მონაზონისა კურთხევად.

Line of edition: 36        8. ხოლო შემდგომად გჳრგჳნთა კურთხევისა პირველთა და მეორეთა
Line of edition: 37     ცოლ-ქმართა წმიდათა საიდუმლოთა ზიარებაჲ უჴმს მას დღესა; რომელსა
Page of edition: 552   Line of edition: 1     იკურთხნენ უეჭუელად, არა თუ გარდარეულითა რაჲთმე ბილწებითა
Line of edition: 2     შებღალულ იყვნენ, დაღათუ უზიარებელობითაცა განკანონებულ
Line of edition: 3     იყვნენ და მერმე აღსრუღუბაჲ კანონსა უზიარებლობისა მათისასა.

Line of edition: 4        9. ხოლო მეორ/ეთა Ms. page: 246r  გჳრგჳნთა მაკურთხეველი ხუცესი სამხრობად
Line of edition: 5     ნუ მივალს მათ თანა, ნუცამცა მეორეთა ცოლ-ქმართა პირველნი
Line of edition: 6     გჳრგჳნნი ეკურთხევიან. ხოლო სხუებრ და არა ესრეთ მოქმედი ამათი
Line of edition: 7     ხუცესი უკუე განკუეთისა, ხოლო ერისკაცი უზიარებლობისა
Line of edition: 8     თანამდებიყოს.

Line of edition: 9        10. კუალად ამასცა განვასაზღვრებთ, რაჲთა ამიერითგან არღარა
Line of edition: 10     ეკურთხეოდინ გჳრგჳნი ჩჩჳლთა ქალ-ყრმათა, არამედ უკუეთუ საჭიროდ
Line of edition: 11     რადმე იყოს მშობელთა მათდად, დაუწინდნენ იგინი ურთიერთას და,
Line of edition: 12     რაჟამს ჰასაკად მოვიდენ ორნივე, მაშინ იქორწინნენ. და ქალი ათორმეტისა
Line of edition: 13     წლისასა უმცროჲსი ნუმცა შეყოფილ არს ქორწინებით მეუღლისადა.
Line of edition: 14     ხოლო ამის განჩინებისა დამჴსნელი თანამდებ იყავნ ზემოჴსენებულისა
Line of edition: 15     მის განჩინებისა.

Line of edition: 16        11. კათოლიკოსისა და ეპისკოპოსთაგან ხორეპისკოპოსი სჯულისა
Line of edition: 17     და საღმრთოთა წიგნთა მეცნიერი გამოირჩეოდედ მღდელი ანუ დიაკონი
Line of edition: 18     და შიშითა ღმრთისაჲთა ემცნებოდედ მას უბიწოდ დაცვაჲ ყოველთავე
Line of edition: 19     საქრისტეანოთა წესთაჲ, რაჲთა არარაჲ მათგანი განსცეს ქრთამისათჳს,
Line of edition: 20     არცა რაჲ განყიდოს ვეცხლად, ვითარცა იუდა უფალი, რაჲთა
Line of edition: 21     არა შიშთვილიცა მისი დაიმკჳდროს.

Line of edition: 22        12. შემდგომად ამათსა ამისიცა სათანადოდ ვჰგონეთ მოჴსენებაჲ,
Line of edition: 23     ვინაჲთგან მოძღურად წოდებულთა მათ მონაზონთაჲ ფრიადი და აღურიცხუველი
Line of edition: 24     არს სიმრავლე და ერთსა მონასტერსა შინა ხუთნი და ათნი,
Line of edition: 25     მრავალგზის ოცნიცა და ოცდაათნი იპოებიან, დიდი თუ იყოს მონასტერი,
Line of edition: 26     და მრავლისა შფოთისა და განხეთქილებისა მიზეზსა შემოიღებს
Line of edition: 27     სიმრავლე მათი. ამისთჳს განვაჩინებთ, რაჲთა ამიერითგან დასცხრეს
Line of edition: 28     ესევითარი ესე უწესოებაჲ. და პირველად ამას განვასაზღვრებთ, რაჲთა
Line of edition: 29     უმღდელოსა არა ჴელეწიფებოდის განმკითხველობად სულთა, არათუ
Line of edition: 30     ეპისკოპოსი იყოს, ანუ მღდელი, ანუ დიაკონი, რამეთუ პირველად შეკრვისა
Line of edition: 31     და განჴსნისა ჴელ/მწიფებასა Ms. page: 246v  უჴმს ქონებად და ეგრეთღა განკითხვისა
Line of edition: 32     სულთაჲსა ჴელ-ყოფად. ამას თანა რაჲთა დიდთა მონასტერთა
Line of edition: 33     შინა ორ-ორი, ხოლო მცირეთა შინა თითოჲ ხოლო კმა იყოს მოძღუარი
Line of edition: 34     და უკუეთუ ვინმე ამას განჩინებასა გარდაჰჴდეს, უეჭუელად ესმეს მას,
Line of edition: 35     ვითარმედ ხოლო ჴდომისაგანთა მათ და ურჩთა ჭეშმარიტებისათა და
Line of edition: 36     მორჩილთა სიცრუვისათა -- რისხვაჲ და გულისწყრომაჲ, ჭირი და
Line of edition: 37     იწროებაჲ და შემდგომი.

Line of edition: 38        13. წესი იგი, რომელსა კრებულთა დასხდომად უწესენ, ნუღარამცა
Page of edition: 553   Line of edition: 1     კადრებულ არს ქმნად ამიერითგან, ნუცა მონასტერთა შინა შექმნაჲ
Line of edition: 2     სავაჭროთა ერის კრებათაჲ, ნუცამცა რაჲ სხუაჲ სამოქალაქოჲ და სოფლითჲ
Line of edition: 3     წესი ქმნილ არს მონასტერთა შინა ოდესცა, რაჲთა არა სალოცველთა
Line of edition: 4     მათ ადგილთა ქუაბ ავაზაკთა შექმნითა სულთაცა თქუენთა საფარდულები
Line of edition: 5     საღმრთოჲსა სიტყჳსა მიერ დაიქცეს, ვითარცა მეკერმეთა
Line of edition: 6     მიერ ტაბლები*, და წმიდათა მამათა და კრებათა მიერ განკანონებისა
Line of edition: 7     თანამდებ იქმნნეთ.

Line of edition: 8        14. ხოლო ერთსა საკურთხეველსა და მასვე და ერთსა წინადაგებასა
Line of edition: 9     ზედა წმიდისა შესაწირავისასა მრავალთა სულთათჳს მრავალთა
Line of edition: 10     მღდელთა მიერ ქმნაჲ წმიდისა ჟამისწირვისაჲ უწესო არს და განგდებულ,
Line of edition: 11     რომელი-ესე ნუღარამცა სადა ქმნილ არს. უფროჲსღა თავადსა
Line of edition: 12     საკურთხეველსა ზედა დიდისა ეკლესიისასა საეპისკოპოსოჲსა გინა მონასტრისასა
Line of edition: 13     ერთისა არავისთჳს წეს არს ჟამისწირვად არა ოდეს არცა
Line of edition: 14     ცოცხლისა, არცა მიცვალებულისათჳს თჳნიერ აღაპთა და სულისა საჴსენებელად
Line of edition: 15     განჩინებულთა დღეთაჲსა, არამედ მის ეკლესიისა მაშენებელთა
Line of edition: 16     და შემომწირველთა და ერთბამად ყოველთა სულთა ქრისტეანეთა
Line of edition: 17     ცოცხალთა და მიცვალებულთათჳს ჯერ-არს ჟამისწირვაჲ. ხოლო ერთისა
Line of edition: 18     კაცისათჳს, ანუ ერთისა სულისათჳს ეგუტერთა სადმე შინა, ანუ
Line of edition: 19     შტოთა ეკლესიისათა ჯერ-არს თითოეულისა ხუცისაგან ჟამისწირვაჲ.

Line of edition: 20        15. რომელნიცა ღმრთის მავნებელობითისა მის წვალებისაგან/ Ms. page: 247r  ხაჩეცართაჲსა,
Line of edition: 21     რომელ არიან სომეხნი, მართალსა და უზაკუველსა სარწმუნოებასა
Line of edition: 22     მოუჴდებოდინ და წმიდასა კათოლიკე ეკლესიასა შეერთებოდინ
Line of edition: 23     და ბილწსა მას წვალებასა ერთბუნებიანთა და ერთისა ნებისა და
Line of edition: 24     ერთისა მოქმედებისა ღმრთეებისაგან და კაცებისა შეზავებულისა და
Line of edition: 25     არცა საღმრთოჲსა, არცა კაცობრივისა, არამედ შერეულისა რაჲსმე და
Line of edition: 26     უცხოჲსა ქრისტეს ჭეშმარიტისა ღმრთისა ჩუენისა ზედა სიჩქურით მეტყუელთასა
Line of edition: 27     შეაჩუნებდენ, ესრეთ განვაწესებთ მათთჳს, რაჲთა სრულიად
Line of edition: 28     ნათელ-სცემდენ ვითარცა წარმართსა, ვინაჲთგან სხუათაცა დიდთა
Line of edition: 29     ეკლესიათა ვჰპოებთ მოქმედად ამისსა, ვითარ-იგი არს საპატრიაქოჲ
Line of edition: 30     საყდარი ანტიოქიისაჲ და ყოველნი მიმდგომნი მისნი ეკლესიანი ყოვლისა
Line of edition: 31     აღმოსავალისანი.

Line of edition: 32        16. კუალად განვაწესებთ, რაჲთა არცა მართლმადიდებელი მამაკაცი
Line of edition: 33     მწვალებელსა გინა წარმართსა დედაკაცსა, ანუ დედაკაცი მამაკაცსა
Line of edition: 34     შეეუღლნენ, ვინაჲთგან ყოველი მართლმადიდებელი ტაძარი არს
Line of edition: 35     ღმრთისაჲ დამკჳდრებულისა მის მიერ სულისა მისისა ჩუენ შორის,
Line of edition: 36     ხოლო ყოველი ბოროტად მადიდებელი, ანუ ყოვლად არა მადიდებელი
Line of edition: 37     ტაძარი არს ეშმაკისაჲ. ხოლო ვითარმედ არცა ერთი ზიარებაჲ არს ტაძრისა
Line of edition: 38     ღმრთისაჲ კერპთა თანა, ვითარ-იგი ბნელისაჲ ნათლისა თანა, მოწამე
Line of edition: 39     არს საღმრთოჲ მოციქული. ხოლო რომელმან ამიერითგან იკადროსღა
Page of edition: 554   Line of edition: 1     ქმნაჲ ამათი, განიკანონოს იგი პირველთქუმულითა მით
Line of edition: 2     კანონითა.

Line of edition: 3        17. ვინაჲთგან ესეცა უწესოებაჲ მრავალთა მიერ აღსრულებულად
Line of edition: 4     გუესმა უფროჲსღა დიდთა ვიეთმე და წარჩინებულთა და არა ლიტონად
Line of edition: 5     კაცთაგან ქმნილად, რომელ არს კიდეს-კიდე და არა ერთგან კურთხევაჲ
Line of edition: 6     გჳრგჳნთაჲ ქორწინებით ერთჴორცთქმნადთა მეუღლეთაჲ, ვითარიგი
Line of edition: 7     ჰყოფენ უსჯულოებით დედაკაცისასა უკუე სხჳსა ვისმე უცხოჲსა
Line of edition: 8     მამაკაცისა თანა კურთხევასა, ხოლო მამაკაცისასა მამაკაცისაკე სხჳსა
Line of edition: 9     თანა, რომლისასა რაჲმცა იყო სხუაჲ უუწესოესი და უსაცინელესი, ანუ
Line of edition: 10     არა ყოვლითურთ მსგავს არსა მარკიონის მოწაფეთა მიერ მკუდრისა
Line of edition: 11     წილ ნათლისცემასა / Ms. page: 247v  ცოცხლისასა? რამეთუ ესე ერთგან კურთხეულნი
Line of edition: 12     მამაკაცი და დედაკაცი ნუუკუე შეირაცხნენ ნახევარ მემრუშედ ცოლქმრად,
Line of edition: 13     ვინაჲთგან სხჳსაჲ იჴსენების სახელი და სხუაჲ წარმოდგომილ
Line of edition: 14     არს მუნ. ხოლო ორთა მათ ერთგან კურთხეულთა მამაკაცთათჳს რაჲ ვინ
Line of edition: 15     მოიგონოს სახელი, გარნა თუ ვინმე ვრცელითა სიცილითა განბასროს
Line of edition: 16     ესევითარი ესე სჯულისა და კეთილისა წესიერებისა ჩუენისა და კაცობრივისა
Line of edition: 17     ქცევისა და ჩუეულებისა გარეგანი უსჯულოებაჲ, რომლისათჳს
Line of edition: 18     ამას განვასაზღვრებთ, რომელნიცა მოაქამდე ესრეთ კურთხეულნი ყოფილ
Line of edition: 19     არიან და გარდასრულ არიან, იგინი შენდობილ არიან უმეცრებისათჳს,
Line of edition: 20     ხოლო უკუეთუ აწ სადმე იპოვნენ ვინმე ეგევითარნი, იგინი
Line of edition: 21     სჯულიერად ცოლ-ქმრად ნუმცა შერაცხილ არიან. ამიერითგან კულა
Line of edition: 22     ნუღარამცა ვისგან კადრებულ არს ქმნაჲ ამისი და უკუეთუ იქმნას სადა,
Line of edition: 23     ოთხნი იგი კურთხეულნი და ორნი მაკურთხეველნი მათნი ხუცესნი
Line of edition: 24     ექუსნივე განიკანონნენ.

Line of edition: 25        18. მერმეცა ღმრთის მოძაგებულისა მის და ღმრთის განმამწარებელისა
Line of edition: 26     ცოდვათა უბილწესისა საძაგელებისა სოდომელთაჲსა, რომლისაჲ
Line of edition: 27     არა უწყით, თუ ვითარ შეეთჳსა იგი უბადრუკსა ამას ნათესავსა და
Line of edition: 28     სრულიად განაშორნა და უცხო ყვნა ღმრთისაგან, ვიეთთანაცა პოვა თავისა
Line of edition: 29     მისადრეკელი, ამას განვასაზღვრებთ სიტყჳთა ღმრთისაჲთა და სამოციქულოჲთა
Line of edition: 30     ჴმითა და მამობრივითა განჩინებითა: დაღათუ მრავალგზის
Line of edition: 31     ქმნილ არიან მრავალთა ნათესავთა მიერ მრავალნი და რიცხჳსა
Line of edition: 32     მძლენი ცოდვანი, ვითარ-იგი მტერობანი, შურნი, სიძულილნი, კაცისკლვანი,
Line of edition: 33     მრუშებანი, ცრუფიცებანი და უკუანაჲსკნელი და თავი ყოველთა
Line of edition: 34     ბოროტთაჲ კერპთმსახურებაჲ და თაყუანისცემისა შეცვალებაჲ დამბადებელისაგან
Line of edition: 35     დაბადებულთა მიმართ, გარნა არცა ერთისა მათგანისათჳს
Line of edition: 36     აღძრულ არს აღუძრველი იგი, ვითარცა თჳთ იტყოდა აბრაჰამის
Line of edition: 37     მიმართ, ვითარმედ -- ღაღადებაჲ სოდომისა და გომორისაჲ* მოიწია
Line of edition: 38     ჩემდა და გარდამოვჴედ ხილვად, უკუეთუ ღაღადებისაებრ მათისა არიან
Page of edition: 555   Line of edition: 1     საქმენი / Ms. page: 248r  მათნი, რომლისა შემდგომად იხილეთ, თუ რაჲ იქმნების და
Line of edition: 2     თუ ვითარ ნივთნი ესე სამსახუროდ კაცთათჳს დაბადებულნი ღმრთისაგან
Line of edition: 3     წინაუკუმო ბუნებისა თჳსისა შესცვალებენ ბუნებითსა ძალსა თჳსსა
Line of edition: 4     და უცხოჲსა ცოდვისა აღსაჴოცელად უცხოსა მოიპოებენ მოქმედებასა,
Line of edition: 5     რამეთუ მარადის აღმართ მოძრავი და სუბუქი ბუნებაჲ ეთერისა ცეცხლისაჲ,
Line of edition: 6     ვითარცა ზრქელი რაჲმე და მძიმე დაღმართ ჰყოფს დამოდინებასა
Line of edition: 7     და სახედ მძაფრისა წჳმისა საშინელებით მჩქეფროჲს აღრეული
Line of edition: 8     წუნწუბასა თანა მრისხანედ განსალევნელად უკეთურთა მათ სიბილწითა
Line of edition: 9     მრავლითა კაცთა. ხოლო წულილი და თხელი უფერული ბუნებაჲ ჰაერისაჲ,
Line of edition: 10     მიზეზი ცხოველთა აღმოფშჳნვისა და სიცოცხლისაჲ სიზრქედ
Line of edition: 11     ალმურისა ჴშირისა და ფერად ჴელით საძიებელისა ბნელისად და შემაშთობელად
Line of edition: 12     კუამლად სასწაულად რისხვისად შესცვალებს თავსა თჳსსა
Line of edition: 13     მათ ზედა. ამათ თანა ქუეყანაჲ მყარი და მტკიცე დამტჳრთველი სიმძიმესა
Line of edition: 14     მას ზედა მდებარეთა გუამთასა ვერღარა იტჳრთავს სიმედგრესა
Line of edition: 15     ბილწებათა მათთასა, არამედ პირველად შესძრავს საფუძველთა თჳსთა
Line of edition: 16     და სიღრმით იატაკთა თჳსთაჲთ აღმომდუღარე ჰაერად აღმოიხუამს სიღრმეთა
Line of edition: 17     საფუძველისა მათისა სიმტკიცეთასა და მიწად გარდამოიხუამს
Line of edition: 18     სიმაღლეთა გოდოლ-ტაძრებისა მათისა სიმაგრეთასა. მერმე განაღებს
Line of edition: 19     ვიდრე მუნ ჟამადმდე განუღებელსა პირსა და თანად ქალაქებითურთ და
Line of edition: 20     სახლებით შთანსთქამს არღარა კაცებასა, არამედ დამწურებსა რასმე
Line of edition: 21     ძუალებსა და ოდესმე ყოფილთა კაცთა საწყალობელსა ნეშტებსა. ხოლო
Line of edition: 22     წყალი იგიცა უცხოდ იხილვების შეცვალებულად მათთჳს და არღარა
Line of edition: 23     საშუებელად და საჴმრად, არამედ სხუათა ნივთთაგან დაშთომილისა
Line of edition: 24     ნეშტისა მათისა აღსაჴოცელად პირსა ზედა მათეულისა ქუეყანისასა,
Line of edition: 25     უფროჲსღა საფლავ მათდა ქმნილისა ჯოჯოხეთისა იხილვების მოდინებულად
Line of edition: 26     / Ms. page: 248v  ეგოდენ შეცვალებული სხუათა წყალთაგან ბუნებითა, რაოდენ
Line of edition: 27     იგინი სხუათა კაცთა ჰმატდეს ბილწებისა გარდარეულებითა. ამან უსჯულოებამან
Line of edition: 28     ასურასტანელთა იგი უმრავლესთა ნაწილთა ქუეყანისათა
Line of edition: 29     დამპყრობელი მეფობაჲ ტყუედ წარუქცია სპარსთა და მიდთა და სრულიად
Line of edition: 30     აღმოჰფხურა ქუეყანით საჴსენებელი არა ხოლო მეფე და მძლავრი,
Line of edition: 31     არამედ კაც-ყოფისაცა მათისაჲ. ამან ცოდვამან დიდი იგი და ყოვლით
Line of edition: 32     კერძო ყოვლისა ქუეყანისაჲთ ჴმაგანსმენილი ნათესავი სომეხთაჲ
Line of edition: 33     მეფობითურთ და მთავრობით მათით არა ოდენ დაამდაბლა და დაამჴუა,
Line of edition: 34     არამედ სრულიად აღიღო კაცთაგან სახელი მათი, რომელთაჲ ვერვინ
Line of edition: 35     პოოს დღეს ერთიცა მეფე ანუ მთავარი მქონებელი დაუმონებელისა
Line of edition: 36     თავისუფლებისაჲ, დაღათუ ყოველიცა ვინ პირი მიწისაჲ მოიხილოს. ამან
Line of edition: 37     ბილწებამან სპარსთა იგი მაღალი და მარადის ჰრომთა მეფობისა მჴდომი
Line of edition: 38     ფლობაჲ, მჴეცის ბუნებათა ვიეთმე კაცთა ავაზაკურითა ზედამოსლვითა
Page of edition: 556   Line of edition: 1     მიწადმდე დამდაბლებულ ყო და ვიდრე მოაქამდე მქლავრებისა მათისა
Line of edition: 2     მორჩილ ყო. ესე არა უწყით, თუ ვინაჲ უკეთურებით შემოეხრწნა მოქალაქობასა
Line of edition: 3     ქრისტეს მოსახელისაცა ერისასა, რამეთუ "რაჲ ზიარებაჲ
Line of edition: 4     იყო ბელიარისი ქრისტეს თანა?"*. და ჴელსა უცხო-თესლთასა მიცემითა
Line of edition: 5     დასასრულ მახჳლისა მათისა ქმნითა ნეშტნი ოდენღა დამიტევნა
Line of edition: 6     ისრაჱლისანი. რომელნი უკუეთუ ვეგნეთღა მასვე უკეთურებასა ზედა,
Line of edition: 7     ჵ ჩემდა, დავიდუმო ძნელ სიტყუაჲ, რომელი ყოველთადა ცხად არს,
Line of edition: 8     დაღაცათუ ჩუენ ვჰრიდოთ. ამისთჳს ვამცნებთ ყოველსა -- დიდსა და
Line of edition: 9     მცირესა, მდიდარსა და გლახაკსა, მეფესა და მთავარსა, აზნაურსა და
Line of edition: 10     მდაბიორსა, მღდელთა და უმღდელოთა, მოწესეთა და ერისკაცთა, ბერთა
Line of edition: 11     და ჭაბუკთა და შუაკაცთა, ყოველსა პატივსა და ყოველსა წესსა და
Line of edition: 12     ყოველსა ჰასაკსა განყენებად ამის ვნებისა უფროჲსღა საძაგელისა ბილწებისა.
Line of edition: 13     და ესრეთ დაუმტკიცებთ სახელითა უფლისა ჩუენისა იესუ
Line of edition: 14     ქრისტესითა: ყოველმან სულმან ქრისტეანემან მართლმა/დიდებელმან Ms. page: 249r 
Line of edition: 15     ამათ სიტყუათა მსმენელმან, რომელმან შემდგომად ამის ძეგლისა წარკითხვისა
Line of edition: 16     არა იჯმნას ბილწისა მის სოდომურისა ცოდვისაგან და არა
Line of edition: 17     ხოლო საქმით ქმნისა მისისა, არამედ რეცა ლაღობით ფერებისა და
Line of edition: 18     სიტყჳთ თქუმისა რათაცა სამისოთა და მისთა დამსახველთა სიტყუათა
Line of edition: 19     და საქმეთაგან, უეჭუელად მოიწიოს მის ზედა ამას უკუე საწუთოსა საშინელი
Line of edition: 20     რაჲმე და ცოცხლივ ჯოჯოხეთად შთამჴღელი რისხვაჲ მსგავსად
Line of edition: 21     წუნწუბასა თანა აღრეულისაჲ მის სოდომელთა ცეცხლისაჲ ხოლო მუნ
Line of edition: 22     იგი მიმთუალველ ექმნეს მას, რომელი ვალს წინაშე პირსა უფლისასა
Line of edition: 23     და შესწუავს გარემოჲს მისსა მტერთა მისთა, ვინაჲთგან სიყუარული
Line of edition: 24     ჴორცთაჲ მტერობაჲ არს ღმრთისა და რომელმან განხრწნას ტაძარი
Line of edition: 25     ღმრთისაჲ, განხრწნეს იგიცა ღმერთმან და ამას თანა და ჩუენგან, უღირსთა
Line of edition: 26     მონათა საღმრთოჲსა მონებისა ღირსქმნულთაჲსა, ჵ ჩუენდა არღარა
Line of edition: 27     კურთხევაჲ, არამედ კდემაჲ და მხილებაჲ დაიმკჳდროს საუკუნოჲ.

Line of edition: 28        19. ხოლო ვინაჲთგან მიზეზად ურთიერთას პატივით თაყუანისცემისა
Line of edition: 29     ჩუენ შორის მყოფი ხატებაჲ ღმრთისაჲ აღსაარებულ და ქადაგებულ
Line of edition: 30     არს დიდთა მოძღუართა და მამათა ჩუენთაგან, ცხად არს, ვითარმედ
Line of edition: 31     თაყუანისმცემელი ხატისა ღმრთისაჲ ღმერთსა თაყუანის-სცემს მის
Line of edition: 32     მიერ, მაგინებელიცა სადმე ხატისა ღმრთისაჲ ღმერთსა აგინებს უეჭუელად,
Line of edition: 33     ვითარცა წმიდათა შორის დიდი ბასილი ესრეთ დასწერს ამას.
Line of edition: 34     ამისთჳს განვასაზღვრებთ, რაჲთა ესეცა ღმრთის შემაწუხებელი და
Line of edition: 35     ღმრთისა შეურაცხისმყოფელი ცოდვაჲ სრულიად მოისპოს ყოვლისაგან
Line of edition: 36     ენისა და ნათესავისა ჩუენისა და რომელმან ამიერითგან შეაგინოსღა
Line of edition: 37     სული, გონებაჲ და პირი თჳსი უსახურითა გინებითა ზემოწერილისა
Line of edition: 38     ამის, თანამდებ იყოს იგიცა განკანონებისა. / Ms. page: 249v 


Page of edition: 557  
Line of edition: 1   მეფესა დავითს მონაზონი არსენი


Line of edition: 2        ამათდა მომართ რასა იტყჳ, რასა სიბრძნის ჰმოყუარებ შენ, უფროჲსად
Line of edition: 3     ბრწყინვალეო თუალო ყოვლისა სოფლისა მეფეთა ერთგუამოტისაო
Line of edition: 4     რომელი-ეგე ჰაეროვან ხარ ვითარცა სამყაროჲ ხილულისა სოფლისა
Line of edition: 5     შორის, საჩინო ვითარცა მზე ვარსკულავთა შორის, ბრწყინვალე
Line of edition: 6     ვითარცა ეთერი ნივთთა შორის, ნათლისფერ ვითარცა ელვაჲ ღრუბელთა
Line of edition: 7     შორის, ცისკროვან ვითარცა აღმოსავალი კერძოთა შორის, ტკბილ
Line of edition: 8     ვითარცა არე ჟამთა შორის, ღმრთის სახე ვითარცა სიყუარული სათნოებათა
Line of edition: 9     შორის, გულისსათქუმელ ვითარცა ოქროჲ მიწათა შორის,
Line of edition: 10     ელვარე ვითარცა ჳაკინთი ქვათა შორის, მაღალ ვითარცა ფინიკი ნერგთა
Line of edition: 11     შორის, შუენიერ ვითარცა ვარდი ყუავილთა შორის, აღმატებულ
Line of edition: 12     ვითარცა სამოთხე ქუეყანისა შორის, ძლიერ ვითარცა ლომი მჴეცთა
Line of edition: 13     შორის, მტკიცე ვითარცა ანდამატი განუკუეთელთა შორის, სახელგანთქუმულ
Line of edition: 14     ვითარცა ნებროთ გმირთა შორის, ახოვან ვითარცა ისო წინამბრძოლთა
Line of edition: 15     შორის, მოშურნე ვითარცა ფინეზ მღდელთა შორის, მჴნე
Line of edition: 16     ვითარცა სამფსონ მსაჯულთა შორის, უბრძოლელ ვითარცა აქილევ
Line of edition: 17     ელლენთა შორის, ბრძენ ვითარცა სოლომონ მეფეთა შორის, მშჳდ ვითარცა
Line of edition: 18     დავით ცხებულთა შორის, შურის-მეძიებელ ვითარცა იოსია შარავანდედთა
Line of edition: 19     შორის, უზარო ვითარცა მაკედონელი მფლობელთა შორის,
Line of edition: 20     განმადიდებელ ფლობისა ვითარცა ავღჳსტოს კეისართა შორის, კაცთმოყუარე
Line of edition: 21     ვითარცა ჩემი იესუ ღმერთთა შორის, ბუნებით ღმერთი მადლით
Line of edition: 22     ღმერთქმნულთა შორის, მჴურვალე ვითარცა პეტრე მოწაფეთა შორის,
Line of edition: 23     საყუარელ ვითარცა იოანე მეგობართა შორის, მკჳრცხლ ვითარცა
Line of edition: 24     პავლე მოციქულთა შორის, სახის დასაბამ უცთომელისა ქრისტეანობისა
Line of edition: 25     ვითარცა დიდი კოსტანტინე თჳთმპყრობელთა შორის, სიმტკიცე კეთილად
Line of edition: 26     მსახურებისა ვითარცა თეედოსი სკიპტრის მპყრობელთა შორის, / Ms. page: 250r 
Line of edition: 27     სათნო-უჩნან ესენი მყუდროებასა* შენსა? განსუენებულ არსა ამათ ზედა
Line of edition: 28     სიბოროტისა სულთაჲ მდევნელი დავითიანი სული შენი* რომელნიიგი
Line of edition: 29     აწ ძღუნად მოგართუნა შენ მწყობრმან შენთა ამათ ნაზირეველთა
Line of edition: 30     სიმრავლისამან, რაჲთა შენ მიართუნე ესენი ღმერთსა და მოწყალი ჰყო
Line of edition: 31     ამათ მიერ წყალობისმოყუარე უფალი, რომელ მოსწრაფებით შემოკრებაჲ
Line of edition: 32     უბრძანე შენ და დიდისა ამისდა ღმრთისა სათნოჲსა წარმართებისა
Line of edition: 33     თანა შუამდგომელაღ ღმრთისა მიმართ მოიგენ, ვითარცა საკუთარნი მონანი,
Line of edition: 34     რაჲთა რომელიმე ღმრთის სახისა მღდელთმთავრობისა მიერ მახლობელ
Line of edition: 35     ექმნებოდის შენთჳს ღმერთსა, ხოლო რომელიმე მღდელშუენიერითა
Line of edition: 36     მეოხებითა შეესაკუთრებოდის დამბადებელსა. სხუასა სულთქუმანი
Line of edition: 37     მოაქუნდენ, სხუასა -- განდნობაჲ ცრემლითა, სხუასა -- ღამეყოველობითნი
Line of edition: 38     მღჳძარებანი, სხუასა -- ჴმელსარეცელობაჲ, სხუასა -- რაჲთურთით
Page of edition: 558   Line of edition: 1     არარას ქონებაჲ, კეისრისასა -- ყოველსავე, ღმრთისასა --
Line of edition: 2     მხოლოდ ჴორცთა ოდენ და მათცა მარხვითა განლეულთაჲ, სხუასა სიტყუაჲ
Line of edition: 3     დაღათუ მდაბალი და უნდოჲ, გარნა არავე უერმოჲ, არცა უმუსიკელოჲ
Line of edition: 4     მიმზიდველ-ყოფად სმენისა. ამის თანა შემსგავსებულიცა ძალისაჲ,
Line of edition: 5     ყოველთა ვედრებაჲ, ყოველთა ლიტანიობაჲ, ყოველთა ერთჴმობაჲ,
Line of edition: 6     ვითარმედ -- დავით კეთილად მსახურისა და ღმრთივდაცვულისა
Line of edition: 7     მეფისა ჩუენისა მრავალმცა არიან წელიწადნი.

Line of edition: 8        კეთილად მსახურისა და ღმრთივ დაცვულისა მეფისა ჩუენისა გიორგი
Line of edition: 9     მეფეთა მეფისა და ყოვლისა აღმოსავალისა და დასავალისა კესაროსისა
Line of edition: 10     მრავალმცა არიან წელნი.

Line of edition: 11        კეთილად მსახურისა და ღმრთისმოყუარისა დედოფლისა ჩუენისა
Line of edition: 12     მართა ავღჳსტინაჲსნი მრავალმცა არიან წელნი.

Line of edition: 13        დავით ღმრთისმსახურისა და ღმრთივ დაცვულისა მეფისა ჩუენისა
Line of edition: 14     აფხაზთა და ქართველთა, რანთა და კახთა თჳთმპყრობელისა მრავალმცა
Line of edition: 15     არიან წელნი.

Line of edition: 16        წმიდისა დედოფლისა და ღმრთივ სულიერისა დედისა ჩუენისა / Ms. page: 250v  მარიამ
Line of edition: 17     მონაზონისა საუკუნომცა არს ჴსენებაჲ.

Line of edition: 18        იოანე წმიდისა მთავარეპისკოპოსისა ჩუენისა კათოლიკოსისა და
Line of edition: 19     ყოვლისა საქართველოჲსა ყოვლად ღირსისა მამათმთავრისა მრავალმცა
Line of edition: 20     არიან წელნი.

Line of edition: 21        წმიდისა ბერისა და სულიერისა მამისა ჩუენისა ევსტრატი მონაზონისა
Line of edition: 22     მრავალმცა არიან წელნი.

Line of edition: 23        ღირსისა მეუფისა ჩუენისა და თუალად წმიდისა ამის კრებისა ცნობილისა
Line of edition: 24     გიორგი მონაზონისა და მწიგნობართა უხუცესისა მრავალმცა...

Line of edition: 25        ყოვლად ღირსთა კრებისა ამის ყოველთა მამათა მღდელთმთავართა,
Line of edition: 26     მღდელთა და მონაზონთა მრავალმცა...

Line of edition: 27        სჯულიერისა მოღუაწისა არსენი მონაზონისა კალიპოსელისა
Line of edition: 28     მრავალმცა...

Line of edition: 29        ყოველნიმცა მართლმადიდებელნი კურთხეულ არიან.
Line of edition: 30        ყოველნიმცა მწვალებელნი შეჩუენებულ არიან.
Line of edition: 31        კეთილად მსახურთა და მართლმადიდებელთა პირველაღსრულებულთა
Line of edition: 32     სანატრელთა მეფეთა ჩუენთა საუკუნომცა არს ჴსენებაჲ და კურთხევაჲ
Line of edition: 33     მათი.

Line of edition: 34        სანატრელთა და წმიდათა კათოლიკოსთა და ნეტართა მღდელთმთავართა
Line of edition: 35     და მღდელთა საუკუნომცა...

Line of edition: 36        საუკუნოჲსა ნეტარებისა ღირსთა და დიდთა მნათობთა ჩუენთა
Line of edition: 37     ეფთჳმი და გიორგი მთაწმიდელთაჲ საუკუნომცა...

Page of edition: 559  
Line of edition: 1        ღირსთა მამათა ჩუენთა დავით ტბელისა და სტეფანე სანანოჲსძისაჲ
Line of edition: 2     საუკუნომცა...

Line of edition: 3        დაუსრულებელისა ნეტარებისა მკჳდრთა ბერთა ჩუენთა საბა სულაჲსძისა
Line of edition: 4     და ანტონი ტბელისა და ეფრემ მცირაჲსაჲ საუკუნომცა...

Line of edition: 5        ღირსებით მოჴსენებულთა მამათა: ეფთჳმი გრძელისა იოანე რეხუესძისაჲ
Line of edition: 6     შვილითურთ მიქაელ ჭუაჲსაჲ და გიორგი ბერისაჲ
Line of edition: 7     საუკუნომცა...

Line of edition: 8        კუალადცა ვიტყჳთ: ყოველნიმცა მწვალებელნი შეჩუენებულ არიან.
Line of edition: 9        ყოველნიმცა მართლმადიდებელნი კურთხეულ არიან.
Line of edition: 10        ყოველთა მართლმადიდებელთა წელნიმცა მრავალ არიან.
Line of edition: 11        ყოველთა მართლმადიდებელთაჲ საუკუნომცა არს ჴსენებაჲ.
Line of edition: 12        ყოველნი მწვალებელნი საუკუნოდმცა შეჩუენებულ არიან.
Line of edition: 13        ყოველთა მწვალებელთაჲ საუკუნომცა არს წყევაჲ და დაუსრულებელი
Line of edition: 14     შეჩუენებაჲ.



This text is part of the TITUS edition of Major Nomocanon.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.