TITUS
Nonnos, Scholia in orationes Gregorii Nazianzeni
Part No. 94
Previous part

Scholion: 21  
Line of ed.: 12       21. სოლონ სჯულისმდებელი იყო ათენელთაჲ, რომელმან იგი სთხოვა
Line of ed.: 13    მის მიერ სჯულდებულთა მათ ფიცით დასარწმუნებელი, რაჲთა ათ წელ ოდენ
Line of ed.: 14    არა გარდაჰჴდენ სჯულისდებასა მისსა და მერმე, უკუეთუ ენებოს დაჴსნაჲ,
Line of ed.: 15    დაჰჴსნან. უწყოდა, რამეთუ შემდგომად ესოდენთა წელთა ვერღარა განეყენნენ
Line of ed.: 16    ჩუეულებად შექმნილსა მას საქმესა. ესე რაჲ სჯულ უდვა, განეშორა მიერ ათ
Line of ed.: 17    წელ და მიმოვჰლიდა რაჲ სოფლებსა, იხილა ქორწინებად კრისსონ, მეფე
Line of ed.: 18    ლუდთაჲ. ხოლო კრისსონს ენება, რაჲთა გ[ანაკჳრ]ვოს სოლონ. ამისთჳს მიავლინა
Line of ed.: 19    იგი დიდთა მათ ზედა საუნჯეთა ოქროჲსა თჳსისათა. და მოიქცა რაჲ
Line of ed.: 20    მიერ, ჰკითხვიდა, ვითარმედ ვის ჰგონებს იგი უმდიდრე ყოველთა კაცთა?
Line of ed.: 21    (ჰგონებდა, ვითარმედ მისთჳს თქუას უპირატესობაჲ ყოველთაჲ). ხოლო მან
Line of ed.: 22    თქუა, ვითარმედ "[ტე]ლლონ ათინელი უმდიდრეს არს ყოველთა: [არცა სი]მდიდრესა,
Line of ed.: 23    არცა წარჩინებულებასა უწესს დღე-კეთილო[ბა]დ, არამედ უვნებელობით
Line of ed.: 24    ცხორებასა". ვინაჲცა სოლონ [უძღე]ბ იწოდა კრიოჲსგან, ვითარცა
Line of ed.: 25    უმეტესსა სიმდიდრესა ხ[ილვად] წადიერი, უფროჲს ლუდთა საფასეთაჲსა, ვინა[ჲთგან]
Line of ed.: 26    საფასეთაცა დღე-კეთილობა უწოდიან გარეშეთა [მაო], რამეთუ
Line of ed.: 27    სამნი დღე-კეთილობანი უწყნი სიტყუანი: პირველად სულისა უვნებლობისაჲ,
Line of ed.: 28    მეორედ ჴორცთა აზნაურებისა ანუ სიმრთელისაჲ, მესამედ მონაგებათა
Line of ed.: 29    სიმრავლისაჲ. ჯ[ერ იყო] სოლონ[ი]სდა ზედა დართავად ესეოდენ სიტყ[უ]ად
Line of ed.: 30    კრჳსსონის მიმართ, ვითარმედ "უკუეთუ ოდენ სულითა მდიდარ ხარ, კმა არს
Line of ed.: 31    შენდა საფასე ესე უხუებად გარეშეთა მიმართ სიმდიდრეთა".

Next part


This text is part of the TITUS edition of Nonnos, Scholia in orationes Gregorii Nazianzeni.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.