ARMAZI
Kartlis Cxovreba II
Part No. 185

Page of edition: 185  Line of edition: 1    რა შინა ბრძოლა უყვეს თათართა, მყის ჴელთი იგდეს და შიგან ქალაქსა შევიდეს,
Line of edition: 2    მოაოჴრეს, და მრავალი სული მოსწყჳტეს, რამეთუ საძაგელ უჩნდათ სჯული მოამედის
Line of edition: 3    მიერ ქადაგებული.

Line of edition: 4    ამისი მცნობელი სულტანი მსწრაფლ აიყარა დედაწულითა და ივლტოდა საბერძნეთად.

Line of edition: 5    ხოლო თათართა დევნა \ უყვეს და მიეწივნეს ბასიანს; იხილეს რა, განიბნივნეს.

Line of edition: 6    ესოდენ სულტანი მარტო დაშთა, სადა-იგი მიიწია სოფელსა რომელსამე შეურაცხსა
Line of edition: 7    და დაიძინა ხეთა ძირსა. იხილა იგი კაცმან ვინმე შეურაცხმან და მოაკუდინა, რომლისა
Line of edition: 8    სარტყელი და უნაგირი და კაპარჭი უფასოთა თუალთა მიერ შემკული იყო და
Line of edition: 9    მის ძალითა მოიკლა კაცი იგი მაღალი და სახელოვანი ჴელმწიფე. ვინა დაუდგრომელ
Line of edition: 10    არს მინდობა სოფელსა ამის ამაოსა, ვითარ იტეჳს ბრძენი ეკლესიასტე: "ამაოება
Line of edition: 11    ამაოებათა და ყოველივე ამაო არს". ამისთჳს ამაო იქმნეს სპანი და სიმტკიცე ქედ\ისა,
Line of edition: 12    წყობათა შინა მძლეობა და გარდარეული სიმდიდრე. და ყოველივე ამაო არს, გარნა
Line of edition: 13    საუკუნო იგი უკუდავი ცხოვრება დაულევნელი.

Line of edition: 14    ესე რა ხუარაზმელნი განიბნივნეს და უმრავლესნი ივლტოდეს გარმიანსა და
Line of edition: 15    სულტანი ჯალალდინ მოიკლა, და აქა შინა დასრულდა სრულიად ჴელმწიფობა მაღალი.

Line of edition: 16    ცნა რა მოკუდინება სულტნისა ხუარაზმელის ძისა, ყიასდინ სულტანმან მოიყვანა
Line of edition: 17    კაცი იგი, რომელმან მოიღო სარტყელი, უნაგირი და კაპარჭი \ სულტნისა, ძნიად


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.