ARMAZI
Kartlis Cxovreba II
Part No. 399

Page of edition: 399  Line of edition: 1    არა მეწყალვის მეფობა და შარავანდედობა ჩემი, არცა შუენიერობა, ჰაეროვნება და
Line of edition: 2    და ახოვნება სიჭაბუკისა ჩემისა, არცა უებრობა და ყუავილი სიორძილისა ჩემისა, არცა
Line of edition: 3    კისკასად მორბედობა ასპარეზობისა და ქუელ-ყოფილობა ჰასაკობისა ჩემისა, არცა
Line of edition: 4    ბრძოლასა შინა მჴნეობა და სიმაგრე მკლავისა, და \ არცა თეატრონსა შინა \ მორბენადობა
Line of edition: 5    ცხენითა და მსწრაფლმალვობა და მარჯვედ სრვა მჴეცთა, დაუშრომლობა მკლავთა
Line of edition: 6    და ყოველთა მოსავთა ჩემთა უზეშთაეს ყოფა, არცა დიდება, პატივი და სანოვაგენი
Line of edition: 7    მრავალფერი ტაბლანი და გამოჩუენებითი ლხინნი და მხიარულითა პირითა მეტყუელებანი,
Line of edition: 8    ზმანი და მღერანი და მეფობრივი ცხედარი და ტახტ-გჳრგჳნოსნებანი. ესე
Line of edition: 9    ყოველივე დამიტევებიან სიყუარულისა შენისათჳს, და აწ გევედრები მეუფეო,
Line of edition: 10    სული, გული და გონება ჩემი შენდა მომართ აღამაღლო, რამეთუ საშუებელნი და
Line of edition: 11    გემონი სოფლისანი არარად შემირაცხიეს, ქუესკნელად შტამჴდელნი და ამაონი, რამეთუ
Line of edition: 12    შენდა შუენის დიდება, პატივი და თაყუანისცემა მამისა და ძისა და წმიდისა სულისა,
Line of edition: 13    აწ და მარადის და უკუნითი უკუნისამდე ამინ".

Line of edition: 14    და ვითარცა დაასრულნა სიტყვანი ესე, მაშინ მიავლინა მტარვალნი თჳსნი
Line of edition: 15    მძლავრმან შაჰაბაზ და წარგზავნეს იგი ტყუედ ციხესა მას \ გულაბყალისასა და მუნ
Line of edition: 16    ტყუედ ყვეს. და შემდგომად მცირედისა ჟამისა კუალად წარავლინა კაცი და მიუმცნო
Line of edition: 17    ხანსა მუნ მყოფსა, რომელსაცა ჰყვა პყრობილად მეფე ლუარსაბ, რათამცა მოაშთოს.

Line of edition: 18    და ვითარცა ესმა ხანსა მას სიკუდილი მეფისა ლუარსაბისა, დიდად მწუხარე
Line of edition: 19    იქმნა, რამეთუ ეწყალოდა სიჭაბუკე და ახოვანება მისი. და მაშინღა შევიდეს მტარვალნი
Line of edition: 20    და აუწყეს სიტყუანი მძლავრისა შააბაზიანისანი მეფესა ლუარსაბს. და რა ესმა, იტყოდა
Line of edition: 21    ფსალმუნსა ამას: "იყავნ სახელი უფლისა კურთხეულ ამიერითგან და უკუნისამდე", და
Line of edition: 22    ევედრებოდა მრავალ-მოწყალესა ღმერთსა. შემდგომად ამისა რქუა წმიდამან ლუარსაბ
Line of edition: 23    მტარვალთა მათ: "აღასრულეთ ბრძანებული თქუენი". და მოიღეს საბელი მშჳლდისა,
Line of edition: 24    მოაბეს ყელსა და მით მოაშთუეს. და ესრეთ სრულ ყო წამება თჳსი და შეირაცხა წმიდათა
Line of edition: 25    მოწამეთა კრებულთა თანა, და აწ იხარებს სიხარულსა მას მოუკლებელსა \ და
Line of edition: 26    გამოუთქმელსა. და აწ სხენან წმიდანი ნაწილნი მის მეფისა და მოწამის ლუარსაბისანი
Line of edition: 27    \ მუნ ციხესა გულაბყალისასა.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.