ARMAZI
Kartlis Cxovreba II
Part No. 413

Page of edition: 413  Line of edition: 1    ხილო ცოლი მოურავისა და შვილი მისი იორამ დარჩა აზრუმს ქუეყანსა, ხოლო
Line of edition: 2    ძენი მუხრანის ბატონის თეიმურაზისანი და ქაიხოსროსანი წარმოვიდნენ იმერეთიდამე
Line of edition: 3    და მოვიდნენ. მუხრანს რა სცნა ბატონმან თეიმურაზ ამათი მოსვლა მუხრანს დაუწყო
Line of edition: 4    მტერობა და არა დაანებეს \ მშურანი, და იყვნენ ერთს გლახაკის კაცისა ღარიბად
Line of edition: 5    და გლახაკობითა.

Line of edition: 6    ამა ჟამსა შინა \ უფრო განდიდნა ზურაბ ერისთავი და არღარა დაუდვა ბატონს
Line of edition: 7    თეიმურაზს თავი და ამას შინა დაუწყო საქმობა სჳმონ მეფეს პატარასა და იყო სჳმონ
Line of edition: 8    მეფე ციხესა შინა ტფილისისასა. და მისცა ზურაბ ერისთავმან საფიცარი დიდი და
Line of edition: 9    გამოიყვანა ციხიდამე და მოუდგა ზურაბ ერისთავი და გააბატონა და მოუყენა ქართლი.

Line of edition: 10    და წამოიყვანა ზემო ქართლს და მუნ იყოფებოდა. მაშინ სჳმონ მეფე მამასა ეძახდა
Line of edition: 11    ზურაბს და იყო მისი მორჩილი და არას იქმოდა მის გარდაუალსა.

Line of edition: 12    და რა ნახა ბატონმან თეიმურაზ საქმე და განდგომილება ერისთვის ზურაბისა,
Line of edition: 13    მოკლებულ იქმნა ძალისაგან და არა სადა ჰქონდა მისალტოლველი. მაშინ წინა. აღრჩევით
Line of edition: 14    განიგულა წარსვლა ყაენთანა, განემზადა და წარვიდა, და შთავიდა უფადარს,
Line of edition: 15    მუნითგან აღწერა ქარტასა ზედა წარმომთქმელმან ესრეთ: "არა ჯერ არს განწირვა
Line of edition: 16    სიძისა მიერ სიმამრისა, ვინათგან \ შვილი ხართ და სიძე ჩემი. და აწ მე წარვსრულვარ
Line of edition: 17    ყაენთან, ამიერითგან ვიხილო ერთობა თქუენი და მეფის სჳმონისა".

Line of edition: 18    და ვითარცა ესმა ზურაბ ერისთავსა სიტყუა ესე და წარსვლა ბატონის თეიმურაზისა
Line of edition: 19    ყაენთანა, განიზრახა თჳსაგან, რამეთუ ესრეთ იყო წადილი ზურაბ ერისთვისა,
Line of edition: 20    რათამცა ბატონი თეიმურაზ კახეთსა ზედან უფლებდეს, და სჳმონ მეფე ქართლსა ზედა;
Line of edition: 21    და თჳთონ ორთავე ზედა კადრებდეს და ვერარას მოქმედებდენ თჳნიერ მისსა, და
Line of edition: 22    მოსწრაფე იყო წარმართებასა საქმისა თჳსისასა, და, უკეთუ რომელიმე არა იყოს
Line of edition: 23    ნებისმყოფელი მისდა, იგი მეორე მეტოქად ეპყრას, და, რომელიცა არს მორჩილ
Line of edition: 24    მისდა, იგიცა იყოს უფალ მისა და არს საქმე ესე წინააღმდგომი ბრძანებისა ღმრთისა,
Line of edition: 25    ვითაცა იტყჳს: "ვერ ჴელ ეწიფების ორთა უფალთა მონებად".

Line of edition: 26    და ვითარცა სარწმუნო იქმნა წარსვლასა ბატონის თეიმურაზისასა, მაშინ იზრახა
Line of edition: 27    ზრახვა ბოროტი, წარსაწყმედელი \ თავისა თჳსისა, შურითა ეშმაკისათა, და აღდგა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.