ARMAZI
Kartlis Cxovreba II
Part No. 414

Page of edition: 414  Line of edition: 1    მკვლელდ მეფისა სჳმონისა: და მძინარე სარეცელსა ზედა ღალატად მოკლა იგი,
Line of edition: 2    წარკუეთა თავი და წარსცა ბატონს თეიმურაზს, და აქა დასრულდა თესლი დიდის
Line of edition: 3    მეფის ლუარსაბისა. ხოლო ზურაბ ერისთავმან, რა წარგზავნა თავი მისი, და მიიყვანა
Line of edition: 4    ბატონი თეიმურაზ და უფალ-ყო ქართლსა და კახეთსა ზედა.

Line of edition: 5    და ვითარცა გამოჰჴდა, მცირედი ხანი რამე, მაშინ მოიჴსენა ძჳრი იგი წახეთისა
Line of edition: 6    სულთნისა ბატონმან თეიმურაზ, რამეთუ მას ჟამსა ოდეს შააბაზ ყაენი მოიწია იავარყოფად
Line of edition: 7    კახეთისა და მოაოჴრა სრულიად კახეთი, მაშინ თანა-მწე ეყო სულთანი იგი
Line of edition: 8    წახეთისა და ქმნა მრავალი ბოროტი მან კახეთსა ზედა. ამისთჳს იდუმალ მოუწოდა
Line of edition: 9    სპათა ქართლისა და კახეთისათა ბატონმან თეიმურაზ, განილაშქრა და წარემართა
Line of edition: 10    წახეთსა ზედა, და, ვითარცა მიიწია ალონსა შინა, უბრკმა ცხენსა მას, რომელსა
Line of edition: 11    მჯდომარე იყო ბატონი თეიმურაზ, \ და იქმნა მომტეხელ ჴელისა და თჳთ ვერღარა
Line of edition: 12    ეძლო და უთავა ზურაბ ერისთავი და გაატანნა სპანი თანა. და წარვიდეს და მიიწივნეს
Line of edition: 13    უგრძნობელად და დაესხნეს თავსა სულთანსა წახეთისასა, და მოსრეს პირითა
Line of edition: 14    მახჳლისათა ყოველნი მუნ მყოფნი, მოაოჴრეს და იავარ-ყვეს ყოველივე სანახები და
Line of edition: 15    თემნი სულტანისანი და თჳთ იგიცა სულტანი შეიპყრეს და მოკლეს და წარმოიღეს.

Line of edition: 16    მრავალი ნატყუენავი და იავარი მათი, შემოიქცეს გამარჯუებულნი და მოვიდეს ბატონს
Line of edition: 17    თეიმურაზსა თანა. და იამა ბატონს თეიმურაზს და დიდად მხიარულ იქმნა.

Line of edition: 18    და ამას შინა გამოჰჴდა ჟამი რამე და მოიქცნა პირველი ძჳრი ზურაბ ერისთვისა
Line of edition: 19    და ჰქონდა შურია მისთჳს ფრიად და იმარჯუებია ჟამსა, რათამცა ბოროტი
Line of edition: 20    რამე შაჩუენა \ და განიგულა სიკუდილი მისი, და არა რიდა სიყუარულსა სიძისასა
Line of edition: 21    და არც ქურიობასა ასულისა თჳსისასა დარეჯანისსა. მაშინ ბატონი თეიმურაზ [იყო]
Line of edition: 22    მუხრანსა \ და მუნ ლამობდა ღალატსა ზურაბ ერისთვისასა; მაშინ მოუწოდა ბატონმან
Line of edition: 23    თეიმურაზ სარწმუნოთა მონათა თჳსთა და განუცხადა საიდუმლო გულისა თჳსისა,
Line of edition: 24    წარმომთქმელმან ესრეთ: "ვინათგან ესრეთ განდიდნა ერისთავი ზურაბ და არავისი
Line of edition: 25    ნებავს უფლება ქართლსა და კახეთსა ზედა და, რომელი უნებს, დააყენებს და, რომლისაცა
Line of edition: 26    არა უნებს, რომელსამე მკვლელ ექმნების და რომელსამე განაძებს, და აწ


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.