ARMAZI
Kartlis Cxovreba II
Part No. 415

Page of edition: 415  Line of edition: 1    მნებავს სიკუდილი მისი და თქუენ დაიდუმეთ საიდუმლო ესე და, რომელსა მე ჟამსა
Line of edition: 2    გამცნო სიკუდილი მისი თქუენ ნუ ურჩ მექმნებითო".

Line of edition: 3    და ესრეთ განამტკიცნა მონანი თჳსნი და წარავლინა კაცი და უჴმო ზურაბ ერისთავსა.

Line of edition: 4    და მოვიდა იგი, იშუებდენ და ლხინობდენ, და ვერა აგრძნა ერისთავმან. და
Line of edition: 5    დღესა ერთსა მსხდომარე იყვნენ მონანი მისნი, მაშინ წამ-უყვნა ბატონმან თეიმურაზ.

Line of edition: 6    ხოლო მათ აღიღეს მახჳლები უგრძნობელად ერისთვისა \ და ინაჴით მჯდომარესა
Line of edition: 7    უღალატეს და მოკლეს. და აღსრულდა ბრძანება უფლისა მის ზედა, ვითარმედ: "რომელმან
Line of edition: 8    აღიღოს მახჳლი, მახჳლითაცა წარწყმდეს" და იძია შური ბატონმან თეიმურაზ,
Line of edition: 9    წარვიდა დუშეთს და წარმოიყვანა ასული თჳსი დარეჯან, მოვიდა და დადგა მუხრანს.

Line of edition: 10    მაშინ განიზრახა მზახობა იმერეთის მპყრობელსა გიორგის ძის ალექსანდრესათჳს,
Line of edition: 11    რამეთუ გიორგის, იმერეთის მპყრობელს. ესსნეს სამნი ძენი: ალექსანდრე,
Line of edition: 12    მამუკა, და უმრწამესი იყო ბერი. და მისცა ასული თჳსი დარეჯან, ცოლყოფილი
Line of edition: 13    ზურაბ ერისთვისა, ალექსანდრეს, იმერეთის მპყრობელის ძესა. იჴმო იმერეთიდამე
Line of edition: 14    და მოიყვანა \ მუხრანს, სოფელსა ქინძარასა, და უკურთხა გჳრგჳნი მცირესა ეკლესიასა
Line of edition: 15    ქინძარისასა და გარდაიხადა ქორწილი. რამეთუ ამა ალექსანდრესა პირველად ედგა
Line of edition: 16    გურიელის ასული ცოლად, მაშინ დაეწამა ცილი რამე ქალსა მას გურიელისა და
Line of edition: 17    მისთჳს იგი განუტევა \ ალექსანდრე და ესე დარეჯან ისუა ცოლად მისცა და წარიყვანა
Line of edition: 18    იმერეთს.

Line of edition: 19    ხოლო ჟამსა ამას მპყრობელი იმერეთისა გიორგი და დადიანი შურად ედგნენ
Line of edition: 20    ერთმანერთსა და იყო ჴდომა და შური ურთიერთას, აოჴრებდენ ქუეყანასა
Line of edition: 21    ურთიერთას.

Line of edition: 22    მაშინ ბატონმან თეიმურაზას შემოიყარნა სპანი თჳსნი, წარვიდა და მიუჴდა ულიკოსორს
Line of edition: 23    ლეკსა, რამეთუ იგინი უჴდებოდენ კახეთს ავაზაკობდენ და სრვიდენ კაცთა
Line of edition: 24    და ტყუე-ჰყოფდენ და ჰყიდდენ, და ამისთჳს შური იძია ბატონმან თეიმურაზ, მიუჴდა
Line of edition: 25    და გაემარჯუა და მოსრა პირითა მახჳლისათა ყოველივე მუნ მკჳდრნი. და წარმოვიდნენ
Line of edition: 26    მუნითგან ეძლეველნი მტერთანი, შემოიქცეს კახეთს:


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.