ARMAZI
Kartlis Cxovreba II
Part No. 472

Page of edition: 472  Line of edition: 1    და დაიპყრა თურქისტანი, ინდოეთი, სპარსეთი, შირაზი, ადარბადაგანი, და შეიპყრა
Line of edition: 2    ბურსას მჯდომი ხვანთქარი, რომელსა სახელად ეწოდებოდა ბაიაზით. ესე იყო თესლი
Line of edition: 3    ოსმანისა. და შემდგომად ექუსასისა წლისა მაჰმადის გამოჩინებისა, ამას ჟამსა შინა
Line of edition: 4    გამოჩნდა კაცი ერთი სახელით ოსმალ და ესე იყო სჯულითა სუნი. ამან იწყო მეკობრობად,
Line of edition: 5    და შემოიკრიბნა მრავალნი სხუანი მეკობრენი და თანაშემწენი, და განმდიდრებულ
Line of edition: 6    იქმნა ფრიად სიმრათლით - ნატაცებთათა, და დაიპყრა სრულიად არაბისტანი
Line of edition: 7    და ანატოლი, და ტახტად ეპყრა ბურსა, და მის ზედა განილაშქრა ლანგ-თემურ.

Line of edition: 8    რამეთუ ამა ოსმანის ძეთა ეპყრა ბურსა, და ესე ბაიაზითცა თესლი იყო ოსმანისა.

Line of edition: 9    ხოლო ლანგ-თემურ ბრძოლა უყო და სძლო: რამეთუ შეიპყრა ბაიაზით ხვანთქარი \
Line of edition: 10    და ჩასუა რკინის ყაფაზაში, და ეგრეთვე პატიმრად თანა-ჰყვა, და დაიპყრა ბურსა
Line of edition: 11    და სანახები მისი. ხოლო კეისარმანცა ჰყო მორჩილება მისი, მიართო ძღუენი მრავალი
Line of edition: 12    და მისცა ხარაჯა ლანგ-თემურს.

Line of edition: 13    კუალად რუსეთიცა დაიპყრა. და ამისა შემდგომად წარმოვიდა და მოვიდა თურქისტანს
Line of edition: 14    და მუნ სალმობიერ იქმნა, და ბოროტი იგი ბოროტად წარწყმდა. რამეთუ მაშინ
Line of edition: 15    განუყო ძეთა თჳსთა ქუეყანანი: რომელსამე მისცა ინდოეთი, რომელსამე ხვარასანი
Line of edition: 16    და რომელსამე ადარბადაგანი. \ და მიერითგან ვერღარა შესმინეს ძეთა მისთა მისლვად
Line of edition: 17    საქართველოსა შინა, რამეთუ იქმნა მათ შორის შური და ჴდომა. და მას ჟამსა განისუენა \
Line of edition: 18    საქართველომან, და იწყეს შენობად.

Line of edition: 19    და მეფობდა მეფე გიორგი და მიიცვალა.

Line of edition: 20    და მოკლეს მეგრელთა მეფე გიორგი იმერეთისა. ამასვე წელსა გარდაჰჴდა დიდი
Line of edition: 21    მეფე ბაგრატ იმერეთისა, და დაჯდა მეფედ ძე ბაგრატისა კოსტანტინე, და იმეფა შჳდ
Line of edition: 22    წელ, და მოკლეს ჩალაღას. ხოლო ოდეს ლანგ-თემურ მოვიდა, მაშინ შეინახეს დიდოეთს
Line of edition: 23    ძე ბაგრატისა და ძმა გიორგისა დავით და, ოდეს აღესრულა მეფე გიორგი, მაშინ
Line of edition: 24    მოიყვანეს ქართველთა და კახთა დიდოეთიდამ და გააბატონეს ქართლსა და კახეთს
Line of edition: 25    და მას ჟამსა მწყსიდა კეთილად საქართველოს კათალიკოზი ბასილი.

Line of edition: 26    და იმეფა დავით კეთილად და მშჳდობით. და, შემდგომად, ჟამსა რაოდენსამე შინა
Line of edition: 27    მიიცვალა და დაჯდა მის წილ მეფედ ძე მისი გიორგი. და ესუა ცოლად ამირეჯიბის.

Line of edition: 28    ქუცნას ასული ნათია. და შვა ძე სამი: ალექსანდრე, ბაგრატ და გიორგი.

Line of edition: 29    და ამას ჟამსა შინა მჯდომარე იყო კათალიკოზი გიორგი. და გარდაიცვალა
Line of edition: 30    კათალიკოზი გიორგი, და დაჯდა კათალიკოზად ელიოზ.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.