ARMAZI
Kartlis Cxovreba II
Part No. 479

Page of edition: 479  Line of edition: 1    აღიყარა ყაენი და წარვიდა საყაენოსა თჳსსა და ტყუე ჰყვეს ხატი აწყუერისა ღმრთისმშობელი,
Line of edition: 2    და წარიყვანეს ქუეყანასა მათსა. და იქმნა დიდი გლოვა და მწუხარება
Line of edition: 3    მიუთხრობელი სრულიად მესხთა ზედა. აღდგეს ყოველნი და შთავიდეს ქართლს, ვიდრემდის
Line of edition: 4    მწირობდენ მუნ შჳდ წელ,
Line of edition: 5    მიიცვალა ძე მეფისა ალექსანდრესი მეფე გიორგი კახთა და დაჯდა მის წილ
Line of edition: 6    ძე მისი ვახტანგ. და გარდაჴდეს მცირე რამე ხანი და წარვიდა კოსტანტინე თათარშიგან.

Line of edition: 7    და სხუამან ვერავინ ბედა ქართველმან დარბაისელმან წარსლვა თათარშიგან
Line of edition: 8    და ბატონის ხლება. დიდად ერთგულად და კარგად იყვნეს ბარათასშვილნი. და იგინივე
Line of edition: 9    წარყვეს თანა და მსახურეს. და წარყვა მზეჭაბუკსა, პირმშო შვილი ყუარყუარესი.

Line of edition: 10    იპრიანა ღმერთმან და იწყინა ამოწყუეტა საქრისტეანოსა.

Line of edition: 11    შეედვა ყაენსა სენი სასიკუდინე, ქმნა ღმერთმან და მოკუდა ყაენი უზუნჰასან. და
Line of edition: 12    მიიღო პატრონობა ძემან მისმან სულთანმან, და ძმა მისი აღუბ ეშურებოდა მიღებად
Line of edition: 13    პატრონობასა.

Line of edition: 14    დააგდეს თათართა ტფილისი და სომხითი, და დაიჭირა მეფემან ბაგრატ. ჩაუჴდეს
Line of edition: 15    ბარათიანნი, დაიფორაქეს ელი და დაჴოცეს მრავალი თათარი. ხოლო სულთანი
Line of edition: 16    და მკითხველნი სჯულისა თათრისანი უქადაგებდენ სჯულსა თჳსსა. ხოლო იცოდა
Line of edition: 17    მზეჭაბუკ არაბული და სპარსული და თათრულიცა. ესეოდენ სწავლულ იყო ენითა და
Line of edition: 18    წიგნითა მათითა, ვითარმედ ყოველსავე ღრმათა სცნობდა და მისგან ესრეთ აღმოვიდოდეს
Line of edition: 19    საღმრთონი სიტყუანი პირით მისით; და სჯულისა მათისაგანცა ყოველივე
Line of edition: 20    ზედამიწევნით უწყოდა და მათისავე სჯულისა წიგნთაგან დაუყოფდა მედგარსა პირსა
Line of edition: 21    მათსა და მიერ დღითგან ვერღარა-ვინ იკადრა ამის პირისათჳს სიტყჳსა ყოფად წინაშე
Line of edition: 22    მისსა. ხოლო მიეცა ძლევაცა ესევითარი რამეთუ იყო უსჯულოსა მის მთავრისა კაცი
Line of edition: 23    ერთი, ფალავანთა თავი, დიდი და გოლიათი, რომელსა სახელად მალანი ეწოდებოდა,
Line of edition: 24    და ჰმატდა ყოველთა კაცთა სიდიდითა, ვითარ წყრთა ერთი ანუ უფროსცა, და არავინ
Line of edition: 25    გამოჩინებულ იყო სიმრავლესა მას შინა მრკინობელ მისსა. ამან ინება \ ოდესმე განმცდელობა
Line of edition: 26    მზეჭაბუკისი და, ვითარცა ცნა ესე, არღარა ჰპოვნა. არამედ ვითარცა ლომმან
Line of edition: 27    მსწრაფლ შებმა უყო და მინდობილმან ღმრთისა და ყოვლად-წმიდისა აწყუერისა
Line of edition: 28    ღმრთისმშობელისამან აღიყვანა და უპატიოდ მიწასა ზედა დასცა.

Line of edition: 29    ესე რა იხილეს ყოველთა მათ ლაშქართა, დიდებულთა ერთა, დიდად განკჳრვებულ
Line of edition: 30    იქმნნეს და თქმად რასამე უღონო იყვნეს, ესენი და სხუანი უმრავლესნი მჴნე
Line of edition: 31    ქველობანი მოენიჭნეს, ბრძანა ღმერთმან და წარმოავლინა დიდითა პატივითა სულტანმან
Line of edition: 32    კოსტანტინე და წარმოატანა თანა მზეჭაბუკცა; და მოვიდა კოსტანტინე თათართათ,
Line of edition: 33    ყაენისგან შეწყალებული. მას უკანის მძლე ექმნა სულტანსა იაღუბს, დაიპყრა
Line of edition: 34    პატრონობა და დაჯდა ყაენად ასან-ბეგის შვილი იაღუბ-ბეგ განზრახვითა ეშმაკისათა.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.