ARMAZI
Kartlis Cxovreba II
Part No. 482

Page of edition: 482  Line of edition: 1    ეშმაკისა, აღძრნა \ ეშმაკმან მოძულემან კეთილისამან თათარნი ქრისტეანეთა
Line of edition: 2    ზედა, შეკრბა სიმრავლე ურიცხჳ თურქმანთა და მომართეს სამცხეს.

Line of edition: 3    ქორონიკონსა რ~ოგ: მოვიდეს და მოადგეს ტაშირზედა, მოუმცნეს მეფესა ქართლისასა,
Line of edition: 4    რათა ქუემოთ ქართველნი შეუჴდენ სამცხეს. ვითარცა ესმა ესე ყუარყუარეს
Line of edition: 5    და ძეთა მისთა მზეჭაბუკს და ბაადურს, \ შემოკრიბნეს სპანი თჳსნი და დაადგრეს სიმაგრესა
Line of edition: 6    ადგილსა ქვიანისა მთისასა, რათა უკუე მიიწივნეს რა მათდა, მყის განეწყვნენ
Line of edition: 7    და შებმა უყონ. და სხუათა ყოველთა \ თემთა და ქუეყანათა მათთა უბრძანეს ციხეთა
Line of edition: 8    და სიმაგრეთა შინა ყოფა და გამაგრება, ვითარცა-იგი ეპისკოპოზსაცა წმიდისა ამის
Line of edition: 9    დედა-ქალაქისასა უბრძანეს, რათა ხატი ყოვლად-წმიდისა აწყუერისა ღმრთისმშობელისა
Line of edition: 10    ციხესა საჭურჭლეს შინა დაასუენონ.

Line of edition: 11    და ვითარცა ესრეთ იქმნა, ქორონიკონსა რ~ოდ მოვიდა ყაენი იაღუბ ურიცხჳთა
Line of edition: 12    ერითა და უბრძანა ერთსა თავადსა და ლაშქარსა მისსა, რათა ჩაუდგეს სამცხეს. ჩაუდგნენ
Line of edition: 13    და მოიცვეს სრულიად და იავარ-ჰყვეს ქუეყანა სამცხისა, და მერმე მოადგეს
Line of edition: 14    ციხესა და ქალაქსა ახალციხისასა. ჰბრძოდეს დიდხან და ვერღარა დაუდგნა სიმაგრემან,
Line of edition: 15    გატეხეს ციხე და დაწვეს ქალაქი, და დაიპყრეს ჴელთა მესხნი დარბაისელნი
Line of edition: 16    ციხოვანნი. მერმე აიყარნეს და მოადგეს ციხესა და ქალაქსა აწყუერისასა, და მოწვეს
Line of edition: 17    აწყუერი და მოაოჴრეს ქალაქი, და ციხესა ვერ უძლეს ბრძოლითა აღებად და წარსლვა
Line of edition: 18    ინებეს.

Line of edition: 19    მაშინ ეზრახნეს ციხოვანთა და უქადეს მშჳდობა და არა დაქცევა საყდრისა და
Line of edition: 20    ციხისა. ამას ზედა გამოენდვნეს, შესცთენ მცველნი იგი ციხისანი და მაწყუერელი
Line of edition: 21    და მას თანა სხუანიცა ჩინებულნი განიზრა\ხნეს, აღიხუნეს კლიტენი ციხისანი და
Line of edition: 22    თჳნიერ თხოვისა და ბრძოლისა უღმრთოსა მას მთავარსა მიართუეს და მან გაიხარა
Line of edition: 23    ფრიად და აღუთქუა, ვითარმედ არა-რა ავნოს მათ. და გამოენდვნეს და ვითარცა შევიდეს
Line of edition: 24    ციხესა მას შინა, მიეტევნეს ვითარცა მჴეცნი და იავარ-ჰყვეს ყოველი საჭურჭლე
Line of edition: 25    საყდრისა, და ერი ურიცხჳ დედებით და ყრმებითურთ რომელნიმე მოსრნეს მახჳლითა,
Line of edition: 26    ხოლო სხუანი ტყუედ წარიყვანნეს.

Line of edition: 27    ხოლო ხატი ყოვლად-წმიდისა სასოსა ჩუენისა, შემკობილი თუალთა მიერ
Line of edition: 28    პატიოსანთა, ცოდვათა ჩუენთაგან ტყუე-ჰყვეს და მიჰგუარეს უსჯულოსა მას მთავარსა.

Line of edition: 29    ხოლო მას ფრიად განუკჳრდა შემკობილება ხატისა მის და პატიოსნება თუალთა, და
Line of edition: 30    ბილწითა ჴელითა თჳსითა განძარცუა შემკობილება ხატისა. და შემდგომად ამისსა
Line of edition: 31    აღაგზნეს ცეცხლი ფრიად დიდძალი და მას შინა შთააგდეს. ხოლო ცეცხლი იგი
Line of edition: 32    დაშრტა და ხატსა ყოვლადვე არა შეეხო, არცა-თუ ნაბრძჳლი \ აჩინა, რომელი-ესე
Line of edition: 33    მრავალთაგან და თჳთ თუალითაცა ჩუენითა სახილველ იქმნა. ესე-რა სასწაული


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.