ARMAZI
Kartlis Cxovreba II
Part No. 529

Page of edition: 529  Line of edition: 1    ნებითა და ბრძანებითა ღმრთისათა კათალიკოზ იქმნა ძე კახთა მეფისა ლეონისა,
Line of edition: 2    თუესა თებერვალსა კ~, დღესა შაბათსა.

Line of edition: 3    ამასვე ქორონიკონსა სარდალი ვარად ფაშა მოვიდა ახალციხეს საშენებლად, ვეღარ
Line of edition: 4    დადგა, წავიდა და თემი ჩუენვე დაგვრჩა.

Line of edition: 5    შემდგომად მცირედისა კუალად შეიყარა სპა თჳსი და წარვიდა ლორეს, რამეთუ
Line of edition: 6    ოსმალთა ეპყრა იგი. და ვითარცა მივიდა, მაშინ გამოვიდა ფაშა სპითა მრავლითა,
Line of edition: 7    და ეწყვნეს ურთიერთას, და იქენა ბრძოლა ძლიერი. და მისცა კუალად გამარჯუება
Line of edition: 8    ღმერთმან მეფესა სვიმონს, და ამოსწყჳდნეს მრავალნი ოსმალნი, რიცხვით ოთხას
Line of edition: 9    სამოცდაცამეტნი, ქრისტეს აქეთ ჩ~ფპვ, ქორონიკონსა ს~ოგ. და აღიღო სიმ\აგრენი
Line of edition: 10    და ქუაბები ვითარ ცხრა ლორისანი, რომელი ეპყრა ოსმალთა. და თჳთ დაიპყრა
Line of edition: 11    თჳნიერ ციხისა მის და იგი მხოლო ეპყრათ ოსმალთა. მაშინ მიადგა ციხესა მას.

Line of edition: 12    ლორისასა, აპრილსა ა~, და აღი\ღო ივნისსა ი~.

Line of edition: 13    ამასვე ქორონიკონსა ყაენმან სამცხე ამოსწყჳდა ხოლო დაიპყრა მეფემან სვიმონ
Line of edition: 14    სრულიად ლორე და წარმოვიდა გამარჯუებული სახიდ თჳსად.

Line of edition: 15    ხოლო შემდგომად მცირედისა კუალად შეიპყრა და მივიდა ტაბაჴმელას. მაშინ
Line of edition: 16    სცნა რა ასან-თაშამ, იდუმალ გამოვიდა იგი ციხისაგან სპითა მრავლითა. აგრძნა ესე
Line of edition: 17    მეფემან და ეწყვნეს ურთიერთას. იქმნა ომი ძლიერი, და მისცა ღმერთმან გამარჯუება
Line of edition: 18    ქართველთა. და მაშინ მეფე სჳიმონ გალომებული მიეტევა ერთსა წარჩინებულცა ბეგსა
Line of edition: 19    ოსმალსა \ და წარიქცია იგი. და მივიდა კაცი იგი და შთაიჭრა დიდსა მას ჴევსა ტაბაჴმელისასა
Line of edition: 20    ცხენითურთ. და ესრეთ თქმულ არს, ვითარმედ არა მომკუდარ არს კაცი
Line of edition: 21    იგი, და ივლტოდეს ოსმალნი. და მოისრა მაშინ ოსმალი კაცი ვითარ ხუთასი
Line of edition: 22    ხოლო მიადგა ციხესა მას ტფილისისასა, და აღიღო გალავანი ტფილისისა,
Line of edition: 23    და უკან ციხე. და შემდგომად ამისა აღიღო დიდი ციხე იქით ტფილისისა და ქალაქი
Line of edition: 24    ტფილისისაცა და მოსრნა ყოველნივე რაოდენნიცა იყვნეს ციხესა მას შინა. და თჳთ
Line of edition: 25    დაიპყრა ყოველივე.

Line of edition: 26    მაშინ მიესმა რა საქმე ესე ხვანთქარსა, შეუძნდა ფრიად. და წარმოავლინნა უმრავლეს\ნი
Line of edition: 27    სპანი თჳსნი; და უჩინა ამირსპასალარი ერთი ვინმე წარჩინებულთაგანი, და
Line of edition: 28    მოვიდა ლორეს, და აღიღო ციხე ლორისა, და დაიპყრა ლორე. მოვიდა და დაიბანაკა
Line of edition: 29    ხატის სოფლისა ბოლოს.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.