TITUS
Svan (Lashx) Texts ed. A. Oniani
Part No. 4
Previous part

Text: 4 
Page: 8 
Line: 25 
IV. აშა̄ნგელო ლა̄შხისა.


Line: 26       ჯჳინელ დროჲჟი ხოფშირა ხახლენა გუშგჳემჷყ ნადირ, ათხე ხოშა
Line: 27    ენმერხლა̄ნდა. ნადირხენ ხჳაჲ ლადეღ ლი ნაგად ლეჳქმად ი ლემზჷრდ
Line: 28    ამჟი ერე ჲერჳა̄ჲ ნადირხენ ნაგად ლადჷღს დო̄მ ედუქმნე ხოჩა̄მდ,
Line: 29    ეჯის ჲედ კუმაშს ი ჲედ ჩა̄რს ძღჷდ ლემყალ ხა̄რს თხერე̄მი ლიგლჷ̄რენ.
Line: 30    ჩუ ერ ლჷმდაგრინხ თხე̄რას, ეჩა ტუფს, მიჩა ლუთხუმდ, აშა̄ნგელოდ
Line: 31    ლჷმსყე̄ჲნხ, ჟი ხანცო̄ლნახ ფჷრი ტუფს ძღჷდ ჯო̄დი ფაუს
Line: 32    (ხჳატს), ჴარჴ მჷკარ ხე̄როლ, თხუმხენ ჟანკაჩნახ, ადჲესნახ ამჟი მჷსყად
Page: 9  Line: 1    მინეცახან უსგჳა იშგჳიდ მა̄რე აშა̄ნგელოს ი სგა ლეხგენო̄ლხ მეზგას
Line: 2    თჳითო̄ლაჟი თელდ ლა̄შხისა ი ლე̄ქჳნახ აშა̄ნგელო̄ ლიღრა̄ლს მეზგე̄მი
Line: 3    ყო̄რჟი. ეჯ მეზგე ქო̄ხჴიდა საციქჳს ჲედ კაკალს ი ჲედ იშგენს ემამ
Line: 4    ნაჳდუნს ი ამჟი სერ ქე̄ხჭემნო̄ლხ თელდ ლა̄შხს ყო̄რნი-ყო̄რნ.

Line: 5       ალე ლი აშა̄ნგელო.



Next part


This text is part of the TITUS edition of Svan (Lashx) Texts ed. A. Oniani.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.