TITUS
Svan Chrestomathy
Part No. 8
Previous part

Text: 8 
Page of edition: 11 
Line of edition: 26 
8. ზურა̄ლმა̄რე ი ლილაობ


Line of edition: 27       ზავისგა აშხვ ლადა̈ღ მეზგე ლა̈ჲშუშას ქ'ა̈̄წიჰდა. ეჯ ლადა̈ღ ი ეჯ ლე̄თ გუნ
Line of edition: 28    ხოჩა̄მდ ხეშდაბდა ლა̈ჲსოშ, თა̈შ მჷჯა̈ბშვ, ქუთშვ, ჭიშდვარშვ ი მა̈ჲ ხოჩა ჩუ მა
Line of edition: 29    ლა̈სვ, ეჩნოვშ.

Line of edition: 30       ზავისგა ყვილჲე̄რე თახა̈შ ჰასვიშს მა̄გ ლილა̈ჲს (\\ ნაკმარუნს) ხოჴდა. ბა̈̄ლჷნჩუ
Line of edition: 31    ლილა̈ჲს ხაყლეხ ი ბა̈̄ლჷნჟი̄ნ -- ნაკმარუნს. ჰასვიშს ბა̈̄ლჷნჩუ̄ნ აშხვ სტამა̄ნ ჰარა̈ყს
Line of edition: 32    ხოჴდა მა̈გ. ეჯ ლე̄თ ჩი მეზგაისგა მასა̈რდ ჰარყი ლითვნა̈̄ლი ლა̈სვ. ერხი მეზგათე̄,
Line of edition: 33    სგა ეშდ ღეთ სტამა̄ნ ჰარა̈ყ ჴედენდა ი ხოჩა̄მ ლეთს იმღა დო̄მ ა̈დჩომდახ ეჯ ლე̄თ.
Line of edition: 34    მე̄რმა ლადა̈ღ ლილა̈ჲ მჷჴდა მო̄ლა საჩქვა̈რს ხაჰვედდა მა̈გ ი ეჩჟი̄ნ ფიშვდა ქორთე.
Line of edition: 35    ბა̈̄ლჷნჟი̄ნ ნაკმარუნდ ზავისგა აშხვ ხოშა̄მ კარვა ფექს ხოზიზდა მა̈გ ჰასვიშს ი სერ
Line of edition: 36    ამჷნქა დე̄მგვაშ.

Line of edition: 37       კერი ლიმზჷრ ზურალა̈რს გარ ხემთქვა̈̄ნხ. ყო̄რა̈რს ქა ხოდა̈̄ლდახ, ქუთვა̈რს ი
Line of edition: 38    ჭიშდვარა̈რს ანყა̈̄ლდახ, თა̈შს აჯა̈ბდახ ი ხოჩა ლადა̈ღს ასყე̄ნახ ამნოვშ.

Line of edition: 39       გიმი ლიმზჷრი̄ კერი ლიმზჷრიშა̄ლ ლა̈სვ, მარე კერი ლა̈მზჷრჟი̄ნ კერი ჭჷშხა̈რს
Line of edition: 40    ხემზირდახ ი გიმი ლიმზჷრჟი̄ნ ჩუბა̄ვ ხა̈ხლი̄ნახ ლემზჷრა̈რს გიმს.
Page of edition: 12  Line of edition: 1    ნაჲღაბუნღო ღვაჟა̈რ მა̄მ არდახ ქორს, ეჩქას ზურალა̈̄რ ლჷჭყა̈ნ ქაქს იჩომდახ
Line of edition: 2    ი ჩუ იზობდახ.

Line of edition: 3       კიხესი ზურალა̈̄რ გარ ინყახ. ხოშა̄მ ლესკა̈რზუ̄მ ქუთს ანყახ ი ეჯას მუხვრა̈რს
Line of edition: 4    ხა̈ჩომდახ. ქა იჭო̄დ" ე̄ჩქას ჟი ხა̈მზჷრდახ ლამა̈̄რიას ი ჩუ იზობდახ.

Line of edition: 5       დვეშდი ნაყა̈̄ლვ თაშა̈რს ჟი იზვერდახ შდა̄შვ, ეჩქანღო ღვაჟრე ლამშა̈ჲათე
Line of edition: 6    ნა̄ზუნღო აშხვ ლადა̈ღ კათე ხო̄შვახ მახან, ქა ინყა̈̄ლდახ ქუთ-ჭიშდვა̈რს, ჟი ხამზჷრდახ
Line of edition: 7    ლამა̈̄რიას მინე ნა̈შდობახა̈ნ ი ეჩქანღო ჩუ იზობდახ. ცა̈̄ში ნაყა̈̄ლვა̈რსი
Line of edition: 8    ამჟი̄ნ იჴმა̈რდახ.

Line of edition: 9       ლადბა̈შთე ლახე ღჷრდახ, ეჩქას მინეშდ ქამასა̈რ ხოჩა̄მ ლჷჩი̄დს ინყახ, ეჩის
Line of edition: 10    ჩუ იზობდახ, ეჩქანღო იმჟი̄ნ მე̄რმა̄ლეშდ, მინეშდი̄ ეჩჟი̄ნ ანყახ ლემზჷრა̈რს.
Line of edition: 11    დუღვა̈რს ხაყლახ სგელდ მჷნა̈ყ ქუთვა̈რს. ეჯჲა̈რს ჩიქე კა̄ჟი̄ნ ჟ'აკფხახ, ეჩქანღო
Line of edition: 12    კაჩუქვა̄ნ მჷრთხისგა გუნ ქ'ა̄ჭეჲდახ ი ეჩქანღო ჩუ იზობდახ. ალჲა̈რ ლა̈სვხ
Line of edition: 13    ზურალა̄რე ხოჩე̄ლ ბედ ი ხოჩა ლუგვენ.


Line of edition: 14 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.