TITUS
Svan Chrestomathy
Part No. 16
Previous part

Text: 16 
Page of edition: 14 
Line of edition: 27 
16. ლიტბჷლი


Line of edition: 28       ლიტბჷლი ჯვინალდ ჩიჲა̈გ (\\ ჩიაგ) შალ ხახლე̄ნახ, მარე ჩია̈გ ჩუ ლჷ̄შდნე
Line of edition: 29    ლი ი მესტია̄ლა̈რს გარ ხოგიჭხ, ეჯა̄ ჩი̄ მა̄მა, მოლჯგჷრა̄გას გარ ხაცვირხ, ეჯჲა̈რ
Line of edition: 30    გარ იჩოხ.

Line of edition: 31       ჯვინალდ დაბა̈რი ხუღვა̈̄ნხ ლელტაბილ. ალ დაბა̈რს მა̈ჲ ეშხუ მეზგ' ა̄ჴა̈ნდა
Line of edition: 32    ი მა̈ჲ მე̄რმე ი იხრესჲა̄ლხ. ქა ჭჷმინს გარ ხალა̈̄შდახ ი ალ ჭჷმინს ჩვაჰრა̈ყდახ. მა̈ზუმ
Line of edition: 33    ფიშირ ხუღვა̈̄ნხ დაბა̈რ, ეჩი̄ზუმ ფიშირ ლიტბჷლის იჩომდახ.

Line of edition: 34       ჲერხი მეხვტე მა̄რა̈̄ლ და̈ბს ცვირახ ობა̈შინ ლელტაბილდ ი შომვა̈̄ჲ ლიტბჷლის
Line of edition: 35    იჩომდახ, ეჩქა ეჯ და̈ბი მუცვრა მა̄რა ჩიქე ქა ხოფა̄ნახ ჰარა̈ყს ი ისგ ტაბგობჟი̄ნ
Line of edition: 36    ლაშჷნდობა̄რს ხა̈ჭმინახ. ფიშირ და̈ბ ესვა̈̄ ხუღვა̈̄ნ ლელტაბილდ, ეჩი̄ მაფასვხა̈ნქა,
Line of edition: 37    ჲერხი ნამშა̈ჲს ლა̈ჲსა̈̄ლღა ჰედვდახ, ეჯჲა̈რს ჩვა̈ჲსენდახ, დიჲა̈რს ქორხა̈ნ ჴიდახ,
Line of edition: 38    ეშვა̈ი ხერა̈ს ლა̈სვ ლიტბჷლი, ეჯ მეზგაისგა ჩუ ინზო̄რა̄ლდახ ი ხა̄დხ ლიმზირ
Line of edition: 39    ი ხინ.

Line of edition: 40       ათხე მე̄რმა ნუკვიშდ იჩოხ ლიტბჷლის. მოლჯგჷრა̄გა ქა ითშის ლა̈ჲსა̄ლე მჷყდის,
Page of edition: 15  Line of edition: 1    ალჲა̈რ ხეთხე̄ლიხ სოფელისგა ხოჩა̄მ ლუგვა̈რ ლა̈ჲსას. ჟი ითხე̄ლიხ, ეჩქა სგა
Line of edition: 2    ხერგივა̈̄ლხ ლა̈ჲსა̄ლე ფუსნა̈̄დუს მუჟღვრეში ნამშა̈ჲღა. იმვა̈̄ჲჟი ჩუ ირგივა̈̄ლხ, ეჯ
Line of edition: 3    ნამშა̈ჲს უგუნზიგვდ ჟი ხოზვრიხ ი მაჴვმა̈̄რს ცვირეხ ლა̈ჲსა̈̄ მჷყდის, ქა̄ჲ ა̈წსიხ ლიტბჷლითე.

Line of edition: 4       ლა̈ჲსა̈̄ლს, ხოშა ლაღა̈ლდ ჴანა̈რს იყდიხ, მა̄დეჲ ფუკვა̈რს ი იშგან ნეცინ მანგა̈რს
Line of edition: 5    ი ჩვა̈ჲსენიხ, ეჩქას ალ ლა̈ჲსა̄ლე გვერა̈̄ლღა ჰარა̈ყს იყდიხ.

Line of edition: 6       ზა̈რვლა̈რ ქა ლჷთიშ ლიხ. ალჲა̈რ ლეღვა̈რს, მა̈̄ჲ მოშ ხაკუხ ლეზობდ ლა̈მზჷრჟი̄ნ,
Line of edition: 7    სგა ხაგემხ კარდლა̈რთე, მა̈̄ჲ მო̄დე, ეჩას ზჷსყიდ ჩვა̄თა̈̄ლიხ მეზგე̄მი ქუნჟი̄ნ.
Line of edition: 8    ყვიჟა̈̄ლს ზა̈რვლა̈რ იტყბეხ, ჟი ხა̈მზჷრიხ ი ჩუ იზბიხ სგვებნა̄ვ. ლეღვა̈რ ჩუ იჯბიხ,
Line of edition: 9    ეჩქას მა̈̄ჲ მეზგაისგა ლიტბჷლი ხა̄რხ, ეჩხა̄ვ ჴედნი მა̈გ. თვით მეზგახა̈ნქა ი დიჲა̈რ
Line of edition: 10    ახღვა, ჩუ ისგვრა̈̄ლ მა̈გ. ეჩქა̈̄ნღო ხოშა̈̄ლ ჰარა̈ყს ი ლემზჷრა̈რს ჟი ხა̈მზჷრიხ, ეჩქანღო
Line of edition: 11    ლეღვს, დიჲა̈რს ი ჰარა̈ყს ქა ხოფა̄ნეხ მინე ხოშა̈̄ლს, ამ ლიტბჷლი̄ მუცვრა
Line of edition: 12    ი ჩუ ისგვრიხ ლახჷრჯა̄ლდ. ხინუნღო ჩუ ფხეჟნიხ.


Line of edition: 13 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.