TITUS
Svan Chrestomathy (I: Upper Bal): Part No. 83
Text: 63
Line of edition: 23
63. თამარ დეთფა̈ლი ლა̄̈რტყ
Line of edition: 24
თამარ დეთფა̈ლ ეჯკა̈ლი ხოჩა თვალა̈შ ლმა̄̈რლ' ე̄რე დეცლფარ ჩუქვა̄ნ
Line of edition: 25
ეჯგვა̈რ და̄̈რ ლმრდე̄ლი. ჩიე̄სგი ხელწიფს გუ ხა̄რ' ე̄ჯნა̈რ, მარე დე̄მთე ლოხვშ
Line of edition: 26
გედა ლი̄ზი ი ტველდ ჟი და̄̈ს ლმკიდვინ. ლახე ქა დო̄მ ლმა̄̈ზ, ეჩქას ხელწფა̈რ
Line of edition: 27
ლიშჲა̄̈ლს ხაგცხადვნახ, მარე თამა̄რ დეთფა̈ლ ი მიჩა ლაშგა̈რ ჩი ჟი ხა̈წნო̄ლდახ
Line of edition: 28
ლა̈შია̄ლისგა. თათრი ხელწიფ ეში̄ დე̄მჟი̄ნ ხა̈კდუნა ჰაჯს. ლიშია̄̈ლი ხვა̈ინ ხა̄რახ, ლ28 მარე ეში̄ დე̄მჟი მოშ ოხკვარა ცხას თამარ დეთფა̈ლ. ეჩქას ხო̄ქვა: "მიჩა ლიგნ'
Line of edition: 29
ე̄სერ ეჩქად მა̄მა ლიზ ბაც, ოდე დო თამარ დეთფა̈ლს ედ ლჲა̈რს ი მა̄დეჲ ლდგ
Line of edition: 30
ა̈რს ჩუ დო ა̈დხვიე̄სგი. საფლა̈ვისგ' ე̄სერ ლახე ირდი, ეჩის ესერი ჟ'ა̈ნთხინე,
Line of edition: 31
ლდგა̈რს ჟ'ა̈ნშდუღვე̄რი ი ეში̄ ესერ ადი̄ნე ი ეში̄".
Line of edition: 32
ობა̈შ ხა̈ნ ახა̄რახ ამჟი̄ნ. ღვეშგმეპილს ლოხვთრა თამარ დეთფა̈ლს, ერე "სერ
Line of edition: 33
ესერ ხვა̈ჲ ხა̈ნს მერდე მა̄მა ლი ამაბა̄სდ". ლოხვბინა ჩი̄თე ლი̄ზი ლაქა̄̈ბდ, მარე ჩუ
Line of edition: 34
დე̄მე მოშ ლმსკა̈ბვინ. ჩია̄̈გ ხაყვლინნ'ე̄რე "მიჩა საფლა̈ვს ესერ ჟ'ა̈თნხინე თათრი
Line of edition: 35
ხელწიფ". ჰარა̈კ უშგულთე̄ჲ ა̈მჩედ ი ეჩეჲ ოთგა სალუნთ ი სანზავ სანგეჭვ მურყ
Line of edition: 36
ვმა̈რ, მარე ეჩე̄ჲჲ დეშ ა̈მსკებელი. ღვეშგმეპილს ჰეცერთ'ა̄̈მჴედ ი ჩვა̈მსედ ოთარშე̄
Line of edition: 37
რმყ. ამის ხა̈ნჴრინა ეშხუ ხოჩა თვალა̈შ ვა̈ზირ, ჟახად შოთა ხაჟხე̄ნა. ალჲა̈რ
Line of edition: 38
ეჩჟი̄ნ მალტა̄̈რ ჩუ ლმა̄̈რხ, ერე მფცხ̄რე მა̄მგვეშ მოშ ლმფცხ̄რვინ. დაგრო
Line of edition: 39
ბა̈ პილ ახჴედ', ე̄ჩქა მიჩა ლა̄̈რტყ ოთარშე̄რ ლფკე̄ლდ ხოსჩუქვრა ი ჩვალდა-
Page of edition: 60Line of edition: 1
გა̈რ. შოთაჲ ეჯ წა̈მჟი̄ნ ალდაგა̈რ ი აშხუდ ოთშდუღვახ ჩეი̄ კუბშვ ეცერისგა. ალ
Line of edition: 2
ლა̄̈რტყ ჩუ ხარდე̄ნახ ოთარშე̄რ (\\ ოთარშე̄რს) ი შომვა̄̈ჲ თენგიზ ოთარშა ჩვიბი
Line of edition: 3
ოთარშა ნამა̄̈ტვ ლეჩხუმთ' ა̄̈მჩედ, ალ ლა̄̈რტყ შუნ ლო̄ხვია ი და̈დია̄ნშე̄რ ლფკე̄
Line of edition: 4
ლდ ლოჰოდა.
Line of edition: 5
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
