TITUS
Svan Chrestomathy (I: Upper Bal): Part No. 85

Text: 65 

Line of edition: 33

65. ოთარშა ი ბა̄̈ლნჟი̄ნა̈ შვანე ლიშჲა̄̈ლ


Line of edition: 34       ოთარშა ბა̄̈ლნჩუ̄ნა̈ ფუსდ ლმა̄̈რხ. ბა̄̈ლნჟი̄ნ ფუსდ და̄̈რ ხაყე̄ნახ ი დე̄ჲ ლოხვთი̄
Line of edition: 35    ლახ ჲარ, ადო ხვა̈ჲს ხა̈კვდა ჟი ლიფსვნე. ოთარშა ხოშა̄̈ლ ლმა̄̈რხ ფუთა ი ის
Line of edition: 36    ლამ. ისლამ ეჯკა̈ლიბ ხოლა მა̈ნკიშ ჩუ ლმა̄̈რ, ერე შვიმ მა̄მა ხა̄რა. აშხვ ლადა̈ღ
Line of edition: 37    ხა̄̈ქვხ ესნა̈ უშხვა̄რ: "ჟიბე თა̈ვისუფა̈ლ შვა̈ნ ესერ ჟი̄ვ ა̈ნკიდხ". ფუთას ხო̄ქვა:
Line of edition: 38    "ჯ'ე̄სერ უშგულხა̈ნისგა ლა̈ხჭემნი ი ჯ'ე̄სერ ლატლიხა̈ნ ლეჟა̄ვ ა̈თჭა̈მ. ამჟი̄ნ ესერ
Line of edition: 39    უშხვა̄რ ლა̈ხხო̄ლიხ ი შვა̈ნ ესერ მურგვალდ მინეშ ი̄რი". ალა ჩვა̈დი̄ქვი̄ნეხ ესნა̈რ
Line of edition: 40    ამჟი̄ნ. ფუთა ი მიჩ' ა̄ფხნეგა̈რ ლეჟ' ა̄ჩა̈დხ ესნა̈რ უშგულთე. ჲარვ ი სამ ლადა̈
Line of edition: 41    ღუნღვ'ე̄სნა̈რ ისლამ ლა̈ხჭა̈მ მიჩ' ა̄ფხნეგარშვ. ყა̈რვილდ ლატლი ლმგენ. ხაკუჩ,
Page of edition: 61 Line of edition: 1    ერე ლახე თა̈ვისუფა̈ლ შვანე ლა̈შჲა̄ლთე ჲა̈რ ლმჴა̈დო̄ლნესვ, ეჩქას ნომ' ო̄ხხნ
Line of edition: 2    ე̄ნხ. ეჩურდ შუკვდ ქა ლმხნინვხ უშხვა̄რ. ლატლა̈რდ ესნა̈რ დეშ ა̈დგიჭხ ისლამ
Line of edition: 3    ი მიჩ' ა̄ფხნეგა̈რ ი ლნწირდ ა̈მსედხ, მარე ლეჟა̄̈ თემა̈რდ ქა ხობჟინახ. ანჴა̈დხ ესნ
Line of edition: 4    ა̈რ მლხა̈რ, მესტჲა̄ლა̈რ ი ლენჯა̄რა̈ლ ი აჩა̈დხ სგვებინხა̈ნ ლა̈ხვიათე ისლამიშ.
Line of edition: 5    უჯე̄რ ზაგა̈რქ' ე̄სნა̈რ იფა̄რა̈რდ ი კა̄ლა̈რდ ლაჲჴუფნეხ ი ჩვა̄ნეშ უშხვა̄რ ლახნა̈ზო̄
Line of edition: 6    რა̄̈ნხ ალჲა̈რ. ისლამ ი მიჩ' ა̄ფხნეგა̈რ ლექვა̄̈ ჩვა̄ნეშ არიხ ი მე̄რმა ლადა̈ღ უშხვა̄რ
Line of edition: 7    ლახხვი̄დხ ესნა̈რ ალ ჲორი ლაშგა̈რ ი ლიშჲა̄̈ლ ოხჩ̄დხ. ოთარშერ ჯა̈რს მათხვი
Line of edition: 8    მდ ბუღვდა ხაყე̄ნახ. ეჯა ხოშე̄მიშთა̄ნ კლთხი მა̄რე ი ძღდ ვიდჲე̄რ ლმა̄̈რ, ეჩჟ
Line of edition: 9    ი̄ნ, ერე სისო̄დ ხაღვე̄ნა. "ჲაღვ'ე̄სერ ამის ჲა̈რ მოშ ადგა̈რი": რა̄̈ქვხ ესნა̈რ. ანჴა̈დ ესნა̈რ
Line of edition: 10    დადა̈ში ჯაფრა̄ნ, ახფიშვდ თვეფ, ლა̄̈ჲდ ნებგვაისგა ხაჴიდ. ა̈თჩ̄დხ ესნა̈რ ეჩქანღო
Line of edition: 11    უშხვა̄რ ი ჩვაბა̈რ ქ'ა̄და̄̈ტუნეხ. სგვებინხა̈ნ ლატლა̈რ ესხვიდხ ი ალჲა̈რდი
Line of edition: 12    ობა̈შ ადგა̈რხ. ამჟი̄ნ ჟ'ახწინდახ ისლამს ი ქ'ა̄და̄̈ტუნეხ. ფუთა-ჲ მიჩ' ა̄ფხნეგა̈რ
Line of edition: 13    უშგვლა̈რდ ადგა̈რხ.

Line of edition: 14          მესტია




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.