TITUS
Svan Chrestomathy (I: Upper Bal): Part No. 102
Text: 81
Line of edition: 28
81. ბღა̄̈ მურყვამ ჰა̈დი̄შ
Line of edition: 29
ჰა̈დი̄შ სოფელ ნე̄სგაისგა ლგ ეშხვი ჰა̈დვირ მურყვამ. ამის ჰა̈დი̄შა̈რ ბღა̄̈
Line of edition: 30
მურყვამს ხაყლეხ. ალ მურყვამს სგა ლაზ ყო̄რ ჩუქვა̄ნჩუ̄ნ მმშხა დუღვრა̈ჲა̈რ
Line of edition: 31
ხაჭიმხ. ჰა̈დი̄შთე̄სგა მა̄̈ნკვი̄ მე̄ზის ხასკვრელ ი ხამბა̈ჟ: "იმღ'ე̄სერ ი̄რი ამჟი̄ნ. ჯერ ა̈ბს
Line of edition: 32
ესერ მა̄მ ხაჯეშ". ჯერბა̈ ბა̈ჩ ლახე ხენხი ჭვა̈დს ლა̈გმა̄ლი̄ნ, ეჯა გვიანდქა წრნი
Line of edition: 33
დუღვრა̈ჲს იჭმინე ჩუბა̄ვ.
Line of edition: 34
ჰა̈დი̄შა̈რ ამი̄ ბედჟი̄ნ ამის ა̄მბვიხ ა: ჯვინალდ ჰა̈დი̄შ ლეჟა̄̈ნ ოლ ერ ლი ათხე,
Line of edition: 35
ამეჟი̄ნ სოფელ ლმზიგ. ამის წვირმი ხაჟხე̄ნა, მარე ალ სოფელს თაშა̈რ ოთგახ
Line of edition: 36
ლათოფდ, ეჩქას ღე̄რბეთ ჟ'ალხირნე̄ლი, ოლ ოხძგვიბა ი ალ სოფელ ჩ' ოთნახა
Line of edition: 37
ოლს ივალა̈დღიშდ. ალ წვირმიხა̈ნქა შუკვ ელმა̄̈ზ შვა̈ნთე ი ჯვინალდ ამექა ხა̄რახ
Line of edition: 38
ლაზ-ლაჩა̈დ სა̈ვჲა̈რს ი შვანა̈რს. ლა̈ჲმახვა̄ლჟი̄ნ ი̄რო̄ლ ჰა აშ, წვირმის ი ჰა̈დი̄შს
Line of edition: 39
ეშხუ მახვში ხარდე̄ნახ ი ამის ბღა ხაჟხე̄ნა.
Page of edition: 72Line of edition: 1
აშხვ ზავ ესნა̈რ სა̈ვჲა̈რ ოხვშგა̈ბხ წვირმის ი ჰადი̄შს. წვირმა̈რდ ჰადი̄შთ'ა̄̈დქა̄̈ბხ
Line of edition: 2
ესნა̈რ. ჰა̈დი̄ში ჟ'ა̈ნნა̈ზო̄რა̄̈ნ ი ლახორ აჩვმინხ ი ლა̈ხჭვედდახ მინე მახვში
Line of edition: 3
ბღას: "იმჟ' ესერ ხეჩვე̄ნი მინე გვეშ?" სა̈ვჲა̈რს სგა უჰა ხა̄რახ ჰა̈დი̄შთე̄სგა. ბღად
Line of edition: 4
ხა̄̈ქვ ესნა̈რ: "მინ, მახეღვაჟა̈რ, სოფლი ფე̄დჲასუ ა̈თპა̈ჟხ. ბეფშვ ი ზურა̄ლ
Line of edition: 5
ესერ ქა̄ვ ადქა̄ბვნეხ. ჯ' ესერ მურყავმთეჟი̄ნ ადრი, მიჩა ხეხვ ესერ სგა ლა̈ხჴერნი
Line of edition: 6
მიჩა მლჩად თვეფ ლაკვა̄ნჟი̄ნ. სა̈ვჲარე მათხვმი მიჩ ესერ ჩუ ხოთრა. თვეთნე
Line of edition: 7
ხაზრა̈რ ესერ ხო̄გ ოსა̈რჟი̄ნ. ეჩის ესერ ჯა მურყვამხა̈ნჩუ̄ნ ჩვადდაგრი. ეჩქას ეჯას
Line of edition: 8
აფხნეგა̈რ ესერ ჟ'ა̈ხჟვემი, ამჩიქქ' ე̄სერ მინ ჩი̄ხა̄ნ სგა̈ვ ა̈ხჭვა̄დხ ი ჟი̄ვ ანხვიტხ სა̈ვჲა̈რ.
Line of edition: 9
სემი ღეთ ესერ ჩუ̄ვ აცვირხ ლჲა̈რ ი ეჯჲა̈რ მიჩ ჟი̄ვ ოთჴიდხ მურყვამთეჟი̄ნ".
Line of edition: 10
ალჲარდ ჩ' ოთჯრვეხ. ბღა მურყვამთეჟი̄ნ აჩა̈დ. ხეხვ ჩვადშგურა̄ნე, ერე
Line of edition: 11
"მიჩნე̄მ ესერ თვეფ ქ'ო̄თმეწვნას, ეჩქას ესერ ჯა ბარჯა̈რსუ ლოხვგუდირდა. თვეფ
Line of edition: 12
ესერ ღვეშგმა̄ვ ხა̈ძგრინე, ეჩქას ესერ ჩუ დო̄საიმე ა̈დკა̄̈ფს". ამჩიქქა სა̈ვჲა̈რი ანჴა̈დხ
Line of edition: 13
სოფელთე̄'სგა ი ლიმბჟა̄̈ლ ლა̈ჲბინეხ. ბღად თვეფ ახფიშვდ მინე ხოშა̄მ ი
Line of edition: 14
ჩვადგა̈რ. ათხე ჰა̈დი̄შა̄რ ი წვირმა̈რ სგა̄̈ხჭვა̄დხ სა̈ვჲა̈რს ი მა̈გ ჟ'ანხვიტხ სამ მა̄რ
Line of edition: 15
ა̄ნქა. ალჲა̈რ ბღას ჟ'ოთჴიდხ, ბღად ალჲა̈რ ხანჯარშვ ჩუ როქვ ა̈ძიჰხ მურყვმა̈
Line of edition: 16
ყო̄რჟი̄ნ ი ეჯჲარე ზისხ როქვ ლი ათხე ბღა̄̈ მურყვამს ერ დუღვრა̈ჲა̈რდ ახჭიმ ჩუ.
Line of edition: 17
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
