TITUS
Svan Chrestomathy (I: Upper Bal): Part No. 106
Text: 84
Line of edition: 9
84. იმხა̈ნ ნაჴა̈დვ ლიხ ჯაფრა̄ნა̈რ
Line of edition: 10
ჯაფრა̄ნა̈რ რაჭს ლმზიგხ, ჩა̈რთოლა̄ნა̈რ _ ზა̈სხვს ი ეჩქანღო მესტიაისგა ალზიგე̄
Line of edition: 11
ლიხ. ჭალა̈ჲს ჩვოთკვი̄დ, ე̄ჩქას აშხვჟი̄ნ ესნა̈რ ზა̈სხვხა̈ნ აჩა̈დ ჩა̈რთოლა̄ნრე
Line of edition: 12
ხოშა რაჭთე. ამეჩუ̄ნ ჯაფრა̄ნა̈რმყ ათმარჯვა ლირდე. ეჯჲა̈რ გუნ ხოჩა̄მდ ხაშდბე̄ნახ
Line of edition: 13
ი ღვეშგმე პილს საჩქვა̈რი ლოჰოდახ. ეჩქას ა̈მჴედ ჩა̈რთოლა̄ნრე ხოშა ი ეშხუ
Line of edition: 14
მინე გეზალ ხოშგვმინა ლერდიდ. ალჲა̈რს ქა ლოჰოდახ. ალ ბეფშვ ქ'ო̄ხჴი̄და ჩა̈ რთოლა̄ნრე
Line of edition: 15
ხოშა̄მ ზა̈სხვთე, ზა̈სხვხა̈ნ მესტიათ' ა̄̈მჴედე̄ლიხ. ეჩქას ალ მიჩა ლერდიჲსგა
Line of edition: 16
ლოხვჴერნა ი ჩვოთზიგვნა ქვაჩრა̄ნა̈ მურყვამმყ. ქორხა̈ნ ჯაჲ მასა̈რდ ხა̈მშედა̄ლა.
Line of edition: 17
ქ'ო̄თჩი̄ჟა-ჲ ხოჩა მეზგ' ა̄ხფასა. ამეჩუ̄ნ ესნა̈რ ამის სემი ჭყინტ გეზალ
Line of edition: 18
ა̈ხთავა̄̈ნ ი გუნ ხოჩა მახეღვაჟა̈რ ახფასახ. აშხუნღო მინე მუჲ ჩვალდაგა̈რ. ალ სამ
Line of edition: 19
ლახვბას ესნა̈რ მა̄რე ლახდაგა̈ნხ მესტიაისგა ი ქა ლე̄ტვ ხა̄დხ საუსურმანთე. ამეჩუ̄ნ
Line of edition: 20
ესნა̈რ ეზერ ხა̈ნ ახა̄დხ, ყა̈რჩათეჲ ა̈მჩედხ , ეშხუ მუხვბ' ე̄სნა̈რ ჩვასა̈დ ყა̈რჩას,
Line of edition: 21
მე̄რმე სა̈ვს ასა̈დ ი მე̄სმე ქ'ა̄ნტა̈ხ აგითე ი ჩვა̈დზიგა̄̈ნ. ეჩი̄ ნაბერწყვ როქვ ხვიშდ
Line of edition: 22
ათხე̄ მესტიაისგა̄̈ ჯაფრა̄ნა̈რ (ჯაფარი̄ძა̄̈ლ) მა̈გ.
Line of edition: 23
მესტია
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
