TITUS
Svan Chrestomathy (I: Upper Bal): Part No. 108

Text: 86 

Line of edition: 35

86. ფილფა̄ნა̈რ ლენჯა̄̈რ


Line of edition: 36       ლენჯა̄̈რს ხაფსვნე̄ნა ვიბია̄ნშა ვა̈რგ ი ჩუ ლმზიგ ფუშყვრი თხუმ. ამხა̈ნქა
Line of edition: 37    ლმბეგვრინ ლენჯა̄̈რს. ალ ვიბია̄ნშე̄რ ვა̈რგს ხაყე̄ნა დი̄ნაგეზალ, ჟახად ცაცა. ალ
Line of edition: 38    ცაცა ეჯკა̈ლიბ ჰა̈ში ი მასხარა̄̈ჲ ლმა̄რ, ერე მიზეზი უკი̄დად და̄̈ს ლუმფვიშდინ ქა.
Line of edition: 39    ალ' ა̄̈დკვიჰ ესნა̈რ ივსელია̄ნრე ვა̈რგდ. ქა ხესმა̄̈ნ, ერე "ამბა̈ვს ესერ ვიბია̄ნშე̄რ
Line of edition: 40    ცაცას და̄̈რ მოშ ხოტხე ქა, მარე მიჩ ესერ დეშ იბერკლე".

Line of edition: 41       ჟ'ა̈ნმა̄რა̄̈ნ ხოჩა̄მდ ივსელია̄ნრე ვა̈რგ, სგა ლა̈ჲჴერნე ეშხუ ფა̈მლი ი ლა̈ხმუშგვარ
Line of edition: 42    ვიბია̄ნშერს. ყო̄რჟი̄ნ ესნა̈რ ცაც' ე̄სხვი̄დ. ივსელია̄ნს მდრა̈ჴ ჟი ხობჯგა კაპ-
Page of edition: 75 Line of edition: 1    რა̈ჲჟი̄ნ ი ლა̈ხჭვედდა ცაცას: "მინე ღვაჟა̈რ ესერ იმ' ა̄̈რიხ?" "კაპრა̈ჲ სოტა̈რ ლაქჩათ'
Line of edition: 2    ე̄სერ ა̈მჩედხ" . _ ლახტიხ ცაცად. ვა̈რგ გუდ ა̈მჴედე̄ლი იმღა ხო̄ქვა ალი. "გაცხა̈ჲდ
Line of edition: 3    ესერ ქა ლსკნე ცაცა ლმა̄̈რ". "ა̄დუ ესერ, მარე ჯ' ე̄სერ ლახე ზურა̄ლს
Line of edition: 4    ხე̄მბვა̄ლვნი, ჩა̄ჟვხენქ' ე̄სერი̄ ჩვა̈სკნე". ალა̄ჲ ოთშგუნდა ვა̈რგს ი ლიწრა̄̈ლ ლოხვბინე.
Line of edition: 5    ამჟი̄ნ ქორხა̈ნქ' ა̄ნჴა̈დ ვიბია̄ნშა ვა̈რგ. ოხჩ̄დხ ლიყა̄̈რჲე̄ლ. ივსელია̄ნშე̄რ
Line of edition: 6    ვა̈რგდ ჩვაქა̈ჩ ვიბია̄ნშა ვა̈რგ ი ჩვაცვირ ამჟი̄ნ. ჯა ი მიჩა ფა̈მლი ჩირთლდთექ'
Line of edition: 7    ა̄ნჴა̈დხ, ეჩქას ლა̈ჲსკო̄რე ფა̈მლიდ (ამის ფილიფ ხაჟხე̄ნა): "ამხა̄̈ნქ' ე̄სერ ჭირნქა
Line of edition: 8    მა̄მგვეშ ხოწვა". ხაფხეჭ ჩა̄ჟვთეჟი̄ნ ვა̈რგს ი ჩვანკვა̈რ. ჩვაქა̈ჩ გუნ. ეჩქანღო
Line of edition: 9    ჟ'ახდე ი ლეჟ' ა̄ფიშვდ ამჟი̄ნ მიჩა ქორთე. მიჩნე̄მ ჟ'ესჭვე̄ნ ი სგა̄ჩა̈დ ვიბია̄ნშე̄რ ხოშა̄მთე.
Line of edition: 10    ქ'ო̄ხუ̄მბავე მა̈გ ი ხა̄̈ქვ: "ათხ' ე̄სერ მა̄̈ჲ ხოცხე̄ნს ეჯა̄ვ ხაყერ". "ჲაღვ' ე̄სერ
Line of edition: 11    ამგვა̈რ ნაჯრ ჩვე̄სვდა მიჩაცახა̈ნ, ნომმა̄ვ ღედ ხა̄რ. მიჩა გვეშ ესერ ხოჩა̄მდ ი̄რი".
Line of edition: 12    ანჴა̈დ ვიბია̄ნშა ვა̈რგ ი ფილიფ ჩვადზიგე ქაშვე̄თი სვიფი ჰოკერ ქორისგა.
Line of edition: 13    ალ ფილიფ ჩვა̈დფიშრა̄̈ნ. მიჩა ნაბერწყ ლიხ: გისაშე̄რა, დუდაშე̄რა, ბაბადიშე̄რა,
Line of edition: 14    მრა̄̈თბიშე̄რა, ფა̈ფიშე̄რა ი გუჩაშე̄რა, მა̈გ ერვეშდიო̄შთხვ მეზგე ი გვა̈რდ
Line of edition: 15    ფილფა̄ნა̈რ ლიხ.

Line of edition: 16          ლენჯა̄̈რ




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.