TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 113

Text: 90

Line of edition: 1

90.ღუ̄ნჩაშა ხოშა ი და̈ლ

Line of edition: 2       ღუ̄ნჩაშა ლმზიგხ ხეშკილ ი ეჯჲა̈რთა̄ნ მეზგე ბა̈რვა̄ნა̈რი̄ მა̄მ ლმა^̄̈რხ. ჩი̄მი
Line of edition: 3    ჯვეგ ხარდე̄ნახ. ნახმუ̄ნდია̈რ ოხრა̈რდ ჩეი̄შ ხა̈გნენახ ი მინე ლეთხვიმ ლაჴვა̈მი ხა̈გნე̄ნახ,
Line of edition: 4    ეჯკა̈ლიბ გუნ დიდებულ მეზგე ლმა^̄̈რხ. ალ მეზგა თვა̈ლი ხარდე̄ნახ. თვა̈ლ
Line of edition: 5    მა^̄̈ჲ მეზგაისგა როქვ სგვეჯი, ეჯ მეზგე ჩიგარ როქვ ლერსგვანთე გარ სიპ ჩიე̄სგა.
Line of edition: 6    ეჯკა̈ლიბ ბედნიე̄რ ჩუ ლმა^̄̈რხ მა̈გ, ერე ლეგდი და^̄̈რ ლმა̈რდო̄ლინხ. ალჲა̈რს ქორისგა
Line of edition: 7    ეშხუ მა̄რე ხარდე̄ნახ ეჯგვა̈ჲ მეთხვჲა̈რ ჩუ ლმა^̄̈რ, ერე ჰამს ლახ ქა ლმა^̄̈ზ
Line of edition: 8    ლა̈თხვჲართე, ნა̈ბოზს ღვაშ ჰე მო̄დე, ერსკნ ეჯღა^̄̈ჲ ახყე̄ნა. ლაღვ ჟი ლჟა̈რ ხა̄რახ
Line of edition: 9    სერ ქორისგა^̄̈ მერდა მა̄რა. ალ მეთხვჲა̈რ ეჯკა̈ლიბ ლამარგ ლმა^̄̈რ, ერე ლინღა̈შტვჟი̄ნა̈
Line of edition: 10    ნარმა̈ვ ი ღო ჟი ნარდა̈ვ ღვაშა̈რ ი ესკნა̈რ ხარდე̄ნა. ლინღა̈შტვჟი̄ნ ფუკვა̈რს
Line of edition: 11    ქა ლმყორვინ ი შინა^̄̈ვირდ ლმსიპო̄ლინხ.

Line of edition: 12       ალ მეთხვჲა̈რს და̈ლ ხალტე̄ნა. ალ და̈ლი ნასჩქვარ ხა̄რა თვა̈ლი̄ ი ამღა ხა̈რახ
Line of edition: 13    ამგვა̈რ ხოჩა ბედ ალ ღუ̄ნჩაშე̄რს.

Line of edition: 14       აშხვ ლადა̈ღ ესნა̈რ ალ მა̄რე ლაშვარდალა̈ კოჯთ' ა̄ჩად ლა̈თხვჲართე. ა̈ხჴვა̈სგ
Line of edition: 15    ესნა̈რ თვეთნა̄მ ღვაშს. თვეფ ჟი მკა̈ჩ ხა̄რ, ამჟი̄ნ ესნა̈რ შნ ჲერე̄ ლოხვგუდირდა.
Line of edition: 16    ლა̈ჲსგიდდა ღვეშგდ ი ეჯგვა̈რ თვალა̈შ დი̄ნას ქა ხეწა̈დ, ერე ხია^̄̈რ კოჯქა ქა ვეთ
Line of edition: 17    ათსიპდა მალატშვ. ამბვი ლი̄ქვი̄სგს დეშ მოშ ასხა̈თი. ეჩქას დი̄ნად ხა^̄̈ქვ ესნა̈რ,
Line of edition: 18    ერე "ჯ'ე̄სერ ლი და̈ლ. მიჩა მალატ ესერ ათცა̄და გუთე̄'სგა ი ჩუ̄ვ ა̈დმალტა̄რა^̄̈ნხ".
Line of edition: 19    ალ მა̄რეი̄ გუნ ხოჩა ლა̈წვა̈შ ლმა^̄̈რ. ამნე̄მ ლახტიხ ესნა̈რ: "მიჩა̄ვ მა̈ზიგ ლახჴედა!
Line of edition: 20    იმჟი̄ნ ესერ ლა̈ჲშგედნე მიჩა კა̈ლიბ ვიდრობა მა̄რა ამკა̈ლიბ ანგლეზვ". "ეჩი̄ ღედ
Line of edition: 21    ესერ მიჩ ნომმა̄ვ ხა̄რ, მარე ეშხუ გვეშ ესერ ლი: მინე უშხვა̄რი ლილმატა̄რ ესერ
Line of edition: 22    ხაკუჩ ერე დო̄რდ ა̈დკუჰეს, ადო ეჩქ' ე̄სერ მიჩ ხოლა̄მდ ხოჴდენი გვეშ. ლახე მა
Line of edition: 23    ხეყერს, ეჯ'ე̄სერ თხუმუ გარ ლახბრლე ი მიჩ ნო̄სამა". "ა̄დუ ესერ, მიჩა̄ვ მა̈ზიგ
Line of edition: 24    ლახჴედა, მარე მიჩ ესერ ხეხვ ხორი ი მა̈ჲ ჩვემინეს, ადო მიჩაცახა̈ნ ესერ მა̈ჲ
Line of edition: 25    ახჟა̈რნე ი მა̈ჲ ესერ აჰე̄სგნე მიჩაცახა̈ნ ლირდეს". "ხახვცახა̈ნ ესერ ნო̄სავ ლა̈ხქად
Line of edition: 26    ამუნღო ი ნო̄ჲ ქა̄ვ ხა^̄̈ქვ".

Line of edition: 27       ჯ'ე̄სერ თვა̈ლს ლაჰვედნე, ა̈გით' ა̄დინე ეჩქას ესერ ქორშა̈რსუ ხა^̄̈ქვ: ალ'
Line of edition: 28    ე̄სერ ჯგრა^̄̈გს ლოჰოდა, მა̈გ ესერ ხოჩა̄მდ ხე̄რიხ ი მიჩეშდ ესერ მუგვდა ხეხვცახა̈ნ
Line of edition: 29    ლიყვნა^̄̈ლ ჟ'ოხკავა. ქორშა̈რ ესერ ჩვოთჯრვიხ ი ეჩქას ესერ მა̄მგვეშ ხეფსი".
Line of edition: 30    ალ მა̄რე ყაბულს ოხვჴა̈დ ი ამჟი̄ნ ჩვა̈დმალტა̄რა^̄̈ნხ. ბა̄ზი აშხუდ ადყურდახ
Line of edition: 31    და̈ლი ქვა̈ბისგა. ამე̄სგა ეჯკა̈ლიბ ლარდა ჩუ ხა̄რ და̈ლს, ერე ლისგდი მა̈დილ ლი.
Line of edition: 32    ალ ქვა̈ბისგა სემი ლე̄თ-ლადა̈ღ ათრა̄გნ და̈ლცახა̈ნ ი მე̄შთხვა ლადაღ აჩა̈დ ა̈გითე.
Line of edition: 33    ქორშა̈რ ტტ-ლჩხრიკა ხასგურხ, ეჩჟი̄ნ ხა̈გვნა̈ბნხ. ბა̄ზი ლა̈ხჲადა̄ლ აჩვმინხ ი
Line of edition: 34    გუნ ეზერ ლარდა ხა̄დხ. მუშგვრა̈რ ქ'ა̄ჩა̈დხ, ეჩქას ალ მა̄რე̄მ ხა^̄̈ქვ მიჩა მეყულფას:
Line of edition: 35    "მიჩეშდ ესერ ჯგრა^̄̈გს ალ თვა^̄̈ლ ლოჰოდა, ა̈ნკიდ ჟი ი ეშ ადდღამე ქორ, მარე
Line of edition: 36    ეშხუ გვეშ ესერ ხო̄ქვა: ამუნღვ' ე̄სერ მიჩ ხახვცახა̈ნ მეყვნა̄ლდ მა̄მ ხაყა ი ხაკუჩ
Line of edition: 37    ერე ბერშა̄ლ ესერ არდე̄დს, ოდო ჯგრა^̄̈გ ნა̈ბს დო ლაჰვედნე, ეჩქად".
Line of edition: 38    ალ თვა̈ლ ლეშხვნიდ მიჩა ხახვ ლახბა̈რჲე ი ამნე̄მ ჩვაშხვინ სკივრისგა. ჭა̈შდ
Line of edition: 39    ჩვადშგურა̄ნე ქორშა̈რ, ერე "ქ' ე̄სერ ნომე̄ვ ლა̈ჲკვიშხ ალ თვა̈ლა̈ ლიდე, ადო ჟ'
Line of edition: 40    ესერ ხვეტნიხ". მიჩნემ შდა̄შვ ა̈ნსყე ლაყვრა ი ამჟი̄ნ ჩვა̈რიხ. ალ თვა̈ლა̈ მეჴდ
Line of edition: 41    ანღო ეჩჟი̄ნ ჩვა̈დღუ̄ზა^̄̈ნხ ალ მეზგე, ერე კეთილს თხუმ ქა დე̄მთე მოშ ხა̈ჩოხ ი ძუღვად
Line of edition: 42    ად̄გა̈ნხ. ალა მა̄რა ლახე და̈ლა̈ საუდ ხოჴდენი, ლა̈თხვჲართე ი ლა̈წვერთე
Page of edition: 79 Line of edition: 1    ლი̄ზის იმზეზი ი ესღრი ჰამს და̈ლთე, მე̄რმალადა̈ღ ჰამს ღვაშს ადგა̈რი ი აგითე
Line of edition: 2    ჴიდე. აჩა̈დ ამჟი̄ნ ხა̈ნ ი მა̈გ გარ ხოჩა̄მდ ხა̄რხ, მარე ზურა̄ლს ღალ ჭაშურ ჟი მრე̄ს
Line of edition: 3    ხაჟა̈რ ი ამი̄ ხახვ ლეგ გვი ხო̄ზ. მიჩი̄ ხა̈ყვნა̄ლვნე მიჩა ჭაშვდ, ადო იშგენ დე̄სამა
Line of edition: 4    ხაკლი. ბედ ხოჩა ხა̄რ, ლრექვი ხოჩა̄მდ ლი, ჭა̈შ ი მეყულფა ხოჩა̄მდ ხა̈ჩოხ,
Line of edition: 5    მარე ჯა ეში̄ მუწვრიშა̄ლ ა̈რი ქორისგა. ობა̈შინ ლახე ლა̈ხდი ლი̄ცვი მუ̄ქვ, ადო
Line of edition: 6    სერ დე̄მშა სერდე ხა̄რ.

Line of edition: 7       აშხვ ლადა̈ღ ალ მა̄რე აჯაღდ აჩა̈დ და̈ლი ლაწა̈დთე. ეჩენ ქა ხო̄ზნა̈ნ ა̄მის
Line of edition: 8    და̈ლ, ერე ჰა̄ლ ხა̈ნ ესღრი, აშგარ იმხი ი ისკეთი. ამისე, ლახე ეშხვი ი ჲედ ჲო̄რი
Line of edition: 9    ლადა̈ღ ქა ხერა^̄̈გი და̈ლურდ, გვი ლა̈გას მა̄მ ხო̄გ. ა̈გის ლახ ა̈რი ლა^̄̈თშვ ქა ღრი
Line of edition: 10    ქა^̄̈მთე ი და̈ლა̈ სადგვი̄მთე გარ ისგზი. ქორშა̈რს მელცოვა^̄̈ლ ხოხახ.
Line of edition: 11    აშხვჟენ უფგოვშ მიჩა ხეხვ ა̈თჭა̈მ ი გუდ აჴა̈დ, მა^̄̈ ქვა̈ბთე̄სგ' ა̄ჩა̈დ მიჩა ჭა̈შ.
Line of edition: 12    ბა̄ზი ღვეშგდ ესჭვე̄ნ ალ ზურა̄ლდ ი მიჩა მეყულფას ქ'ო̄ხუ̄მბავე, ი̄რი̄ "მიჩა ჭაშვ
Line of edition: 13    და̈ლ ესერ მრე̄ს ხალა̈ტ ი ალ ი ალ ქვა̈ბთ'ე̄სერ იზელა^̄̈ლ". მეყულფას ათნბაჟნხ
Line of edition: 14    ალა ი მა̄დ ა̈დჯრვეხ. "ჯა ზურა̄ლ, მეთხვჲა̈რ მა̄რა ჩიგარ ესერ ხოცხ ლა^̄̈თშვ
Line of edition: 15    ლასდგვემ ქვა̈ბ ი ეჩე̄სგ'ე̄სერ ხე̄რი ლარდა, ადო ჲა̈რ ესრე და̈ლ ი ჲა̈რ გვეეშ". ამის
Line of edition: 16    ზურა̄ლ დე̄მ იჩო. მე̄რმა ლადა̈ღ ალ მეთხვჲა̈რდ ღვაშდ ანჴიდ ქორთე. ეჩქას ა̈ხჭვა̄დხ
Line of edition: 17    ხეხვ ი მეყულფა ეჩხა̈ნ-ამხა̈ნ: "იმთ'ესერ იზელა^̄̈ლ ი იმღ'ე̄სერ იხვიე̄სგი
Line of edition: 18    ალ ზურა̄ლა̈ ცოდს. მა̄მ ესერ ხოშგურა?" "მინ მა̄რა^̄̈ლ, იმ ესერ ხაჩვმა̄ვნეხ, ქ'
Line of edition: 19    ე̄სერ ხო̄ქვა ამნქა მიჩ მა̄მგვეშ ესერ ხუღვე ლე̄ქვი̄სგ".

Line of edition: 20       ეჯა მა̈გ ხაყერხ, ერე ქ'ა̄ხა^̄̈ქვი̄სგნეხ, იმვა^̄̈ჲჟი̄ნ ლმა^̄̈რ გვეშ მიჩა ი და̈ლა̈ უშხვვა̄რ
Line of edition: 21    ნე̄სგა. ალა ქა ლუ̄მბვე დეშ ხა̄დ, აძგვა̈ბ ჩუ ქორ ი მა̈გ უშხვა̄რჟი̄ნ ა̈თსყა^̄̈ნხ.
Line of edition: 22    ესნა̈რ თვა̈ლს ქ'ო̄ხსკინა სკივრხა̈ნქა ი სგა^̄̈მჩედე̄ლი და̈ლთე̄სგა. ალ ქორ ღალ
Line of edition: 23    ჟ'ა̈მხვეტე̄ლი ი კეთილ ეშ ი აშ ოთღე̄შგა̄ლახ მინე მესვფელას.

Line of edition: 24          ლენჯა^̄̈რ

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.