TITUS
Svan Chrestomathy (I: Upper Bal): Part No. 115
Text: 92
Line of edition: 30
92. ლიჭმე ი ლიბრგიე̄ლ
Line of edition: 31
ჯვინალდ ღალ მუშვა̈ნ მახეღვა̈ჟ ჩი̄თე ღრდა ლა̈ქმად. ლვინთ _ ზა̈ნთე ი ზავ _
Line of edition: 32
რუსე̄თთე ი სა̈ვთე. ეჩქა̄̈ თმის ათხე ქა ლა̄მბა̈ვ მა̄მა ხა̈რ, ეჩი̄ზუმ გარჯ ნა̄დ. ათხე
Line of edition: 33
ლირდ' ო̄ხვტა̈ხ ჩი̄. აშხვ ზავ რუსე̄თ ხვარდად ლა̈ჭმას. ჩი ლადა̈ღ ლეჭმე მა̄მ
Line of edition: 34
ნუღვა̄̈ნ ი ლისგვრე̄ში ნა̄დ, ეჩქას მო̄შ-მო̄შ სოფელხა̈ნქა მეჴედ მახეღვაჟა̈რ ლიბრგიე̄ლსი
Line of edition: 35
ხვასყე̄ნად. მიშგვა ჩიქს მაჩენე მებრგიე̄ლ მცხმა̈რ სათგერ არღვლია̄ნ
Line of edition: 36
ლა̈სვ ი მლნჯე̄რ კოსდა ფილფა̄ნ. ალჲა̈რ მე̄რმა შვანა̈რს ჩი̄ ჩუ იდა̄̈სგდახ, მარე
Line of edition: 37
ჴერჴხა̈ნ ეში̄ კოსდა მრა̄̈თბიშა ხა̈წრა სათგერს.
Line of edition: 38
აშხვ ლადა̈ღ რუსა̈რი̄ ანჴა̈დხ მიშლადა̈ღ ბაზა̈რთე. ნა̈ჲ ესენტუკვს ხვარდად ი
Line of edition: 39
მინდვერისგა ხვესდგომა̈ნდ. ანჴა̈დხ ამხა̄ვთე̄სგა რუსა̈რ ი ლიბრგიე̄ლ ლანკაფვნეხ.
Line of edition: 40
ნიშგვეჲხა̈ნ შიშდ კოსდ' ო̄ხვმა̄რედ. ესნა̈რ რუსა̈რს გურან ხოხალხ, ალა კოსდას,
Line of edition: 41
იმჟი ნასლდათვს, ჩუ ხოხალ. მურისვ ეჩზუმ ჩუ ლა̈სვ, ერე საჯენ დეშ ხეჰო̄ლდა
Page of edition: 81Line of edition: 1
ბარჯა̈რქა. ხაფხეჭხ უშხვა̄რ. ამჟი̄ნ მურვისდ შიშდ გურან ხაყერ, მარე ანჴა̈დ კოსდა
Line of edition: 2
ი ჟ'ესთვილ ი ამჟი̄ნ მურვის ჩუქვან ა̈ნნა̈ხ.
Line of edition: 3
მე̄რმაჟი̄ნ სა̈ვჲა̈ ლა̈ჭმას ხვარდად რუსე̄თი ლა̈ჭმახა̈ნ ნატა̈ხვ. ჟ'ოთა̄გა̈ნდ აშხვ
Line of edition: 4
ვა̈რგს ჩეფელევშერ ი ქ'ა̄̈ნჴერნეხ ჲარვ ლადღი ლე̄ზნა. ამეჩუ̄ნ ხვა̈ჭმედ ი სა̈ვჲა̈რ
Line of edition: 5
ლახე ლა̈ჭმას დოშ ნა̈სრახ, ეჩქას ლიბრგიე̄ლ იშგვმინხ. ანჴა̈დ გაბრიე̄ლ გისაშა
Line of edition: 6
(ფილფა̄ნ). გა̈ჩ ადჴალე ჩუ მინდვერისგა ი რა̄̈ქვ: "ამეჟი̄ნ ესერ ჲერვა̈ჲ მოშ ჟი
Line of edition: 7
ხაჴდეხ უშხვა̄რ, ეჩჟ' ე̄სერ ხა̄რხ ლიბრგიე̄ლ". ამნა̈რ მსა̈ვს ათყალვინდა ი შვანრე
Line of edition: 8
ლაბრგა̄ლს ქა̄̈თყა̈ჩ ი მიჩა ლა̈გნათ' ა̄ჩა̈დ.
Line of edition: 9
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
