TITUS
Svan Chrestomathy (I: Upper Bal): Part No. 126
Text: 101
Line of edition: 5
101. გერგა̈ჲ
Line of edition: 6
მლჯგრა̄̈გ მა̄რა მუჟღვრეში ლიგჲერგის გერგა̈ი ლიჲსენი ნა̈მთქვა. გერგა̈ჲს
Line of edition: 7
ხვაყლედ ფიკვს. ამის სგვებნა̄ვ ლინღეშტჟი̄ნ ჟი ხოლგენიდ დიდა̈ბი ლეჴედ ჯგ
Line of edition: 8
რა̄̈გს ი ეჩქანღო შომვა̄̈ჲ დრო̄ვ ხოჴდენი, ეჩქას ლიგჲერგი ლადა̈ღ სგვებნავ ჯგრა̄̈გთე
Line of edition: 9
ხვა̈იდ. ეჩეჩუ̄ნ ეჯას ლემზრა̈რს, ლეტვრა ი ნატუ̄სუნს ჟი ხვა̈მზრიდ. ლემზრა̈რს
Line of edition: 10
ი ზედა̈შს ჩუ ხვიჴმა̈რიდ. ეჩქანღო გერგა̈ჲს ა̈გითე ხვა̈ჲე̄სგიდ ი ეჩე ჩუ ხვა̈ჲსენიდ.
Line of edition: 11
ეჩი̄ ლეღვ ქა ლეჰვდიდ მა̄დ ნიშიდ. ალ გერგა̈ჲ იმღა ნაგა̈დ, ეჯას ქა̄̈ჯი̄მბვინე.
Line of edition: 12
სემი ლახვბა ლმა̄̈რხ. მე̄სმე მუხვბე ესნა̈რ, დიდა̈ბი ლეჴედ, ჯგრა̄̈გ სგვეჯი.
Line of edition: 13
ალჲა̄̈რ ესნა̈რ აშხუდ იზგახ. ჯგრა̄̈გ ეჩქას მა̄რე ლმა̄̈რ. ალჲა̈რ ესნა̈რ აშხუნღო
Line of edition: 14
ჩვა̈დი̄თა̄̈ნხ. ლა̄თა̄ლჟი̄ნ ესნა̈რ მაჰვრე̄ნა̄მ მუხვბე̄მ ჯგრა̄̈გდ ხა̄̈ქვ მიჩა ლახვბას:
Line of edition: 15
"მიჩ ესრე მა̄მგვეშ ნა̈თი ხაკუ აშხვ ლეფკვა̄̈რი̄ნქა". ალ'ე̄ჯღა ხო̄ქვა დიდა̈ბი ლეჴედს,
Line of edition: 16
ერე ჟი ლმჴერე მრე̄ს ხა̄დ, ერე მიჩ ღერთა̈რ ა̈ჲა̄̈სგდახ მინეშთე ი ამსვა̄ლდა̈
Line of edition: 17
მემშედა̄ლდ სედენდა ჩუ. ამჟი̄ნ ესნა̈რ ჯგრა̄̈გ ღერთა̈რდ ლაჲფხანგეხ ი ალ
Line of edition: 18
ლახვბას, ა ჯგრაგიშ, ლეჴმარი მაგ ჩვესსადხ. ალ ჲარვ ლახვბა̄̈ ნაბერწყვ როქვ
Line of edition: 19
ხვიშდ ნა̈ჲ _ ლელჯგრა̄გუ ო̄შთხვ თემ: ნიგურჲა̄ნა̈რ, ჭედლჲა̄ნა̈რ, რატჲა̄ნა̈რ ი ფა̈ლჲა̄ნა̈რ.
Line of edition: 20
ნა̈ჲ ნა̈მთქვა ხო̄შელ ლიმზირ, დიდა̈ბი ლეჴედ, ჯგრა̄̈გიშ ი ეჩქანღო როქვ
Line of edition: 21
ნასიდ ჟი გერგა̈ჲი ლიჲსენი ლელჯგრა̄გუს. მა̄̈ნკვი ლეფკვა̄̈რჲა̈რ გარ ნა̄რა ლეჲსე
Line of edition: 22
ნი, მარ' ა̄თხე გიცა̈რს ჲედ ლეგცარა̄̈რის ი ღუნსი ჩუ ხაყა ლეჲსენიდ ლიგჲე̄რგი
Line of edition: 23
ლადაღ.
Line of edition: 24
მესტია
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
