TITUS
Svan Chrestomathy (I: Upper Bal): Part No. 133
Text: 108
Line of edition: 1
108. ჯგრა̄̈გ ბურტყვლიშ
Line of edition: 2
სოფელ ელი̄ ჰოკერ, ჭალი პილს, მა̄დ ხვა̈ჲ სოფლი̄დ ლი. ამე მერხა̈ლდ მეზგე
Line of edition: 3
იზგე ი ამის ხაჟხა აც.
Line of edition: 4
ამ სოფელისგა ოქვრა ლითხე̄ლის ხაშდაბახ ჭალი პილა̈რჟი̄ნ ი ობა̈შინ მასა̈რდ
Line of edition: 5
ხებგვენიხ ოქვრ. ალ სოფელისგა ლმზიგ გიე კვე̄ბა̄ნშა. ამის ესნა̈რ აშხვჟი̄ნ ჭალი
Line of edition: 6
პილს მურგვა̈ლ ი მუსგვენ ბა̈ჩ ახხვი̄და. ალ'ე̄სნა̈რ ა̈გით' ა̄ნჴიდ ი ლა̈მყინას სგა
Line of edition: 7
ლოხვდე ბა̈ჩდ.
Line of edition: 8
აშხვ დვრევჟი̄ნ ალ გიეს ოთარ ლახმუშგვრე̄ნა ოთარშა. გიეს ხოჩა ტაბა̈გ
Line of edition: 9
ოხვგა ამნა̈რდ ი მიჩა ფა̈მლია̈რდ ი აფხნეგ მა̄რად ი მასა̈რდ ა̈დლხინე მუშგვრა̈რ.
Line of edition: 10
ალა̄, ოთარ, ძღდ ლუთვერ ი ლმხა̈ლ მა̄რე ლა̈სვ, ხეწა̈დ გიე̄ ნათხა̄̈ლვ ბა̈ჩს,
Line of edition: 11
ლა̈მყინას ერ ხო̄სდა̈ნ ღვეშგიმხა̈ნ. ჟ'ა̈ნკიდ, გვი ლახვე̄მ. ესნა̈რ ალა ოქვრა ლუგვ
Line of edition: 12
ლი, ამი̄ ფა̈სს ჲა̈რ ა̈თხო̄ლ?
Line of edition: 13
ქ'ა̄̈ნჰერ მიჩეშთე გიე ი ხა̄̈ქვ: "გიე! ალ ბა̈ჩ ესერ ქა̄ვ ხასჩქვარე მიჩ ი მა̈გიე̄რ
Line of edition: 14
სა̈ხს ესერ ჯაჲ ჩვა̈თხო̄ლა".
Line of edition: 15
გიედ ესნა̈რ ლახტიხ: "მახვში, მიჩა̄ვ მა̈ზიგ ლახჴედა, ბაჩა̈რ ესერ მა̄დ ლიხ
Line of edition: 16
ლესჩქვა̈რი ი იშგენუ მა ხოსგვეჯ ი ეჯას ლაჰვედნე! " ოთარდ იშგენ მა̄ გვეშ იკვდუნე
Line of edition: 17
ი სერ გიედ ქა ლახვე̄მ ალ ბა̈ჩ. ეჩი̄შ მა̄მ ხოხალდა უთვრა მა̄რ' ე̄რე ალა ბა̈ჩ
Line of edition: 18
მა̄მ ლა̈სვ ი ოქვრ ლა̈სვ.
Line of edition: 19
ალ სოფელს ჭალა̈ჲს ეჩხა̈ნთე ეშხუ უდუმბირ ლემგა̈მ ლი ი ჲელა̄რუ ი აცა̈რ
Line of edition: 20
ა̄მბვიხ, ერე "ალ ლემგა̈მისგ' ე̄სერ ბურტყვლი ჯგრა̄̈გ ლგ, მარე სისნას ი ბალა
Line of edition: 21
ესერ ჩ' ოხვნახა ი ათხე მა̄მ თერა ქა. ამე̄'სგ' ე̄სერ თათრიანობჟი̄ნ შვა̈ნს ხვა̈ჲ გა̈ნზ
Line of edition: 22
ოთშხუნა. ლყა̈რ ი ყო̄რა̈რ ესერ ჩეი̄შ ხა̈რ".
Line of edition: 23
აშხვ ლადა̈ღ ესნა̈რ ეშხუ მეთხვჲა̈რ მა̄რ' ა̄ნღრი ალ ცხეკჩუ̄ნ. აშხვ ა̈გის ესნა̈რ
Line of edition: 24
ქ'ე̄სვგიბ ჭიშხდ ი ჩვა̈დკა̄ფ. ხეწა̈დ ი ჩეი̄ ლშგს ხეწა̈დ. ლა̈ჲფხირკვა̄ლ' ა̄ჯაღდ ი
Line of edition: 25
ჩეი̄ ყო̄რა̈რი ქ'ა̄̈ნთენე. ლა̄პა̈რ ესნა̈რ ალ მა̄რე ი ლიჴედ ლა̈ჲბინე. შუკვა̈რჩუ̄ნ მეგ
Line of edition: 26
მა̈რს სგა ხოკცენი გაჩშვ ი ლა̈ნშა̈ნს ხა̈გნე, ამჟი̄ნ ბერ თეუფანე̄შთ' ა̄ჩა̈დ ი ეჯა სგა
Line of edition: 27
ლა̈ჲჴერნე ი აჩა̈დ ამი̄ ლაწვე̄ნათე, მარე ალ მეთხვჲა̈რს შუკვ ჩვათა̄̈შდნა ი ჟი დეშ
Line of edition: 28
ღალ ოხვთხახ საყდა̈რ.
Line of edition: 29
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
