TITUS
Svan Chrestomathy (I: Upper Bal): Part No. 136
Text: 111
Line of edition: 7
111. ტიტი ი გუა
Line of edition: 8
ტიტი ი გუა წა̈მ ლახვბა ლმა̄̈რხ. ტიტი ხოშა მაგვრე̄მა ღალ ლმა̄̈რ ი გუა-
Line of edition: 9
ხოშა ლმხა̈ლ ი ხოლე̄მი ჰარა̈კ. გუა გუნ ხასხათა̄ლ', ე̄რე ტიტი იმვა̄ლეჟი̄ნ ქ'ო̄თღი̄რე̄ნს
Line of edition: 10
დაგარშვ ი ერქდა̄̈ში ნამხუბი მიჩ ესსედე̄ნს, მარე ტიტ'ე̄ში̄ ჩუ ლმა̈რდ
Line of edition: 11
ი ლა̈ლზიგა̄ლისგა სურუ ხოჩა ლმა̄̈რ ქორს ი ცხეკს. მა̄̈ნკვი ქორ ხახვიე̄ნახ მინე
Line of edition: 12
ხოშა̄მ. ეჩნქ' ა̄ჯაღ ჟი̄ბი ლა̈ლზიგ' ო̄თგახ ი სარაგ ჰა̈ზვისგა ლოხვზვაბნახ, სგვებინჩუ̄ნ
Line of edition: 13
ხოჩა ლა̄რე ლეჭა̄̈ხი ხაღვე̄ნახ ი გუნ ხოჩა ლიზგე ხა̄რახ. აშხუნღვ' ე̄სნა̈რ
Line of edition: 14
ლაჴვა̈მი ჩუ ადგეხ. გუვ' ე̄ში̄ ხესხათა̄ლ ტიტი̄ დაგრას იმვა̄ლეჟი̄ნ. აშხვ ლადა̈ღ
Line of edition: 15
ესნა̈რ ელმყთ' ა̄ჩა̈დხ ზაქვთე, ჟ'ანსყეხ ხოშა ლაგვრა̈ნ (\\სვეთ) ი ხაკუჩ, ერე
Line of edition: 16
ქ'ა̄ნკვა̈რიხ ელმყა̈რჩუ̄ნ. გუად ხა̄̈ქვ ესნა̈რ მუხვბა ტიტის: " ჯ'ე̄სერ ჩუქვა̄ნუ
Line of edition: 17
ლოხო̄გა̈ნ სვეთს ი იგჭა̄ვ, ჯ'ე̄სერ ჟიქა̄ნჩუ ხომურჯვინვნი ი ხოჩა̄მდ ადკვა̄ნეხ ესერ
Line of edition: 18
ეჩქანღო". ტიტი ღალ ესნა̈რ გუდ დეშ აჴა̈დ გუვა̄̈ მახალს ი ჩუქვა̄ნჟი̄ნ ლოხო̄
Line of edition: 19
გა̈ნ სვეთს. ოხჯვირ' ე̄სნა̈რ გუად სგა სვეთს ი ქა̈ნგურნე. გუვ' ა̄̈ნღლ' ე̄სნარ, ერე
Line of edition: 20
"ტიტი სვეთს ესერ ა̈თნა̈ხი, ჩვა̈დდაგრი". მარე ტიტიშიშდ გიმს ხა̈ჲხა, სვეთ ჟიქა̄ნქა
Line of edition: 21
ქ'ა̄თქადა ი მა̄მ გვეშ ხა̈ყრა. ეჯღა ხაყლეხ ათხე ამჲა̈რს "ტიტი გურანს".
Line of edition: 22
აშხუნღ'ი ჟი მრე̄ს ახჟანდა ტიტის ი ქ'ა̄ხეთენა გუას. ჟიბე ლა̈ზგა ტიტის
Line of edition: 23
ათხვიე̄ნა ი ჩუბეშ _ გუას. ალა გუას ათლო̄ნა. ჴედნ' ე̄სნა̈რ ლა̄̈თშვ ი ყა̄̈რჩუ̄ნი
Line of edition: 24
ქორთე̄'სგა ლიგვრე̄ჭის ხობნე ტიტის. ტიტის ესნა̈რ მასა̈რდ ხაყლუ̄ნი. ეჩქას გუას
Line of edition: 25
ხო̄ქვა: "მიჩა ქორს ესერ და̄̈ვ ხა̈მთქვა, ქა̄ვ ესერ ლოხვცა̄̈დ ქორ". ტიტის შიშდ
Line of edition: 26
ქა ლოხვცა̄და. ი ჩვა̈მჴედ ჩუბე ქორთე, ათხე რაჟდენ ა̈რი, ამხა̄ვ. ტიტი̄ ნა̈თსა̈ვ ტიტიშე̄რა
Line of edition: 27
ლიხ, ერვეშდიუსგვა მეზგე ლიხ. გუვა̄̈ ნა̈თსა̈ვ გუვა̄̈ლშე̄რა ლიხ ი ეშდარა
Line of edition: 28
მეზგე იზგეხ.
Line of edition: 29
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
