TITUS
Svan Chrestomathy (I: Upper Bal): Part No. 152
Text: 127
Line of edition: 14
127. ქრისდე̄ თა̄̈სვდებ
Line of edition: 15
ქრისდე̄ თა̄̈სვდებ ლუსკო̄რე ლმა̄̈რლი აშხვ ხოჩა̄მ მა̄რე̄მიშ. ალ გვეშ ამჟი̄ნ
Line of edition: 16
ლმა̄̈რ: ქრისდე ღე̄რბათ ესწხე̄ნა მალე გვეშ, მა̄̈ჲ დო ი̄რო̄ლ, ამი̄შ და̄̈ს მა ხოხალ,
Line of edition: 17
მარე ლმა̄̈რ ძღდ გვეშ ი უშხვა̄რ ნე̄სგა ლი̄მბვა̄̈ლ ახჩ̄დახ ქრისდე ღე̄რბათ ი ალ
Line of edition: 18
მა̄რა. ქრისდე ღე̄რბათ ხო̄ქვა: "მიჩ ესერ ხაწხ ალ გვეშ ესერ ჟი̄ვ ოხვსყე ი ეჩქ
Line of edition: 19
ანღვ'ე̄სერ მა̄̈ჲ ხეკვდენი, ეჯ ჟრს ქა ლაჰვედნე". "მა̈ჲ ესერ ხაწხ ეჯკა̈ლიბ?" "მაჲ
Line of edition: 20
ესერ ი ეშხვი გვეშ ლი: თხვიმ ესერ იმხა̈ნ ხა̄რ მა̄რა? ამი̄შ ესერ მა̄მგვეშ ხომჴერა
Line of edition: 21
ი ამი̄ ლალთა̈რს ესერ ერვა̄̈ჲ ქა ლახთვე̄ნი, ეჩი̄ ა̈რთგვილ ესერ ი მაშედ ჯა ი̄რა".
Line of edition: 22
ეჩქას ალ მა̄რე̄მ ხა̄̈ქვ ესნა̈რ: "ჲაღვ ე̄სერ მიჩა თა̄̈სდვებ (\\ თა̈სდვებ) ქა̄ვ ლახვე̄მ
Line of edition: 23
ი ეჩქას ესერ ჯა ქა ლახთვე̄ნი, ამსვა̄ლდს თხვიმ იმხა̈ნ ხალჯა". ანჴა̈დ ესნა̈რ ქრისდე
Line of edition: 24
ღე̄რბეთ ი თა̄̈სდვებ ლახვე̄მ: "ალ გვეშს ესერ ე̄ ქა ხოჴსნე, მა̄̈ჲ ჟრ ხეკვდენი,
Line of edition: 25
ეჯ ჟრს ლახვედნე". ეჩქას ალ მა̄რ' ა̄თხა̄რა: "ჲაღვ' ე̄სერ ლჲარჟი̄ნ მა̄მ ხოხალ,
Line of edition: 26
მა̄რა თხვიმ იმე დო ხალჯა ი ლდგარუნღვ' ე̄სერ იმ ა̈ნმეჴრი?" ამეჩუ̄ნ ქრისდე ღე̄ რბათ
Line of edition: 27
ხო̄ქვა: "ალ' ე̄სერ მიჩი ჩუ ხახლე̄ნა ი მა̈ჲ ჟრ ესერ ხაყრის?" "მაჲ ესერ
Line of edition: 28
ი მინე თა̄̈სვდებ უდგარა̈ვ ლა̈სვ. მიჩა ი მიჩა ჟახ'ე̄სერ უდგარა̄ვ ლა̈სვ ი ქრისდია̈ნ
Line of edition: 29
მა̄რა მინე თა̄̈სდვებ ლაჰრა̈კდუ ხუღვა̄ნ". ამი̄ თანახმას ქრისდე ღე̄რბათ ქ'ა̄ხჴედა
Line of edition: 30
ი ამჟი̄ნ უშხვა̄რდ ოხვსყახ ალ მა̄რა ი ქრისდე ღე̄რბათ. ეჩქას უშხვა̈რდ ლოჰოდახ
Line of edition: 31
შიჲა̈რ ქრისდეს ი ალ მა̄რა ი ჩვალმკთე̄ლიხ. ეჩქანღო ლი ლწსე ქრისდე̄-თა̄̈სვდებ.
Line of edition: 32
მესტია
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
