TITUS
Svan Chrestomathy (I: Upper Bal): Part No. 213
Text: 174
Line of edition: 30
174. ჲარვ მა̄რე̄მი ლილყაფა̄̈ლ
Line of edition: 31
ისგვეჲ ხოშ' ა̄შხვ ლადა̈ღ ესნა̈რ ლალდა̈ღს ა̈რი. ლელდეღ დე̄რა̄̈ლთ' ა̄ჩა̈დხ.
Line of edition: 32
ისგლადა̈ღჟი̄ნ ლანქვე̄რდ ისგვეჲ დეკა̈ვილ ესნა̈რ ლელდეღს ქა ხაყვილ, შდაშვ
Line of edition: 33
ა̈რი. მლდღად ხა̄̈ქვხ: "იაღვ' ე̄სერ ალ ნა̈თხვიარა ჩვემოშ ადგა̈რი, სურუ ხოჩ'
Line of edition: 34
ე̄სერ ი̄რი". ქა ლახთო̄ნეხ მიჩა დეკა̈ვილ. ამნე̄მ ჩუ დეშ ათირ. ახფიშვდ თვეფ ი
Line of edition: 35
ჩვადგა̈რ დეკა̈ვილ.
Line of edition: 36
_ ისგვეჲ ხოშა̄მ ესნა̈რ ნაჟჰურა ნახთვიარ' ა̄ხხვი̄დ დერაჟი̄ნ. ანჴა̈დ ესნა̈რ
Line of edition: 37
ი თვეფი ჩხირ ოთსვე ლესგა̈რქა, ეჩქანღო ჟი ლა̈ჲცვე ი ა̈გით' ა̄ნჴიდ. ა̈გის რა̄̈ქვ
Line of edition: 38
ესნა̈რ: "ნე̄ნსგაქ' ე̄სერ ხოყირა თვეფ". ადტუფუ̄რეხ ესნა̈რ ჩუ ი ნა̈თხვიარე ჩუ
Line of edition: 39
მექვრე ლი.
Line of edition: 40
_ ისგვეჲ ხოშა̄̈ლს ესნა̈რ მშა̈ჲ სა̄თ ახხვი̄დხ შუკვისგა. ალა ქა̈ჯდ გვეში ლოხხალდახ,
Line of edition: 41
ჩვადკუშუ̄რეხ.
Page of edition: 152Line of edition: 1
_ ისგვეჲ ხოშა̄მ ესნა̈რ ლა̄̈თშვ ბოგქა ხა̈რ ლი̄ზი. ბოგა̈ ბირჯვს სვეტ ხა̈რე̄ნა
Line of edition: 2
ჟი. ალ' ე̄სნა̈რ ისგვეჲ ხოშა̄მ ამახვ ლოხვხალდა. ახფიშვდ თვეფ ი სოფელ ჩვადფადა̄სვნე.
Line of edition: 3
_ ისგვეჲხოშა̄̈ლდ ესნა̈რ მამვილ ანყვინეხ ლა̈ჲსენს. ლა̈ჲბერტყ ი მა̈გ გვალს
Line of edition: 4
ლახშიდ.
Line of edition: 5
_ ისგვეჲ ხოშა̄̈ლდ ესნა̈რ გვეჭ ა̈ნყვინეხ ლა̈ჲსენს, ადქუთნე ჭიშხ ი მა̈გ ჭალა̈ჲთ'
Line of edition: 6
ა̄შიდ.
Line of edition: 7
_ ისგვეჲ ხოშა̄მდ ესნა̈რ ქათალ ა̈ზიჰ, ქ'ა̄დპინტყილავე, მარე ჭინჭლა̈რ სგა
Line of edition: 8
ლახცვირ ი ამჟი̄ნ ჩვაჯა̈ბ. ქ'ა̄̈ნკიდ, ეჩქას გა̈ჩ ხაძგერ ჴადვჩუ̄ნ. ალას სგა̄̈ნჩუ̄ნ
Line of edition: 9
სგა̄შვირისგა ჭინჭლარე მადა ჟ'ახშდაბა. აბა̈ჭკვ ჩუ ი თრა̈ვდ ოთგენე მა̈გ.
Line of edition: 10
_ ისგვეჲ ხოშ' ე̄სნა̈რ ლა̄რა̄̈ლს ა̈რი, ტელე̄ფის ხეწა̈დ. ალა ლეცი̄რი ლოხხალდა
Line of edition: 11
ი ჟ'ესბიზა̄̈ნ.
Line of edition: 12
მესტია
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
