TITUS
Svan Prose Texts II (Lower Bal)
Part No. 128
Previous part

Text: 128 
Page of edition: 252 
Line of edition: 11 
CXVIII. იმჟი ა̈ნთონეხ სამ ლახვბად შა̈მა̈შ ლიჩემ


Line of edition: 12       აშხვ ზავ შვა̈ნს სურუ მა̈ჲდარობ ლასვ. შვანა̈რ, ჲა̈რ ლეჩხუმთ'
Line of edition: 13    
ესჭონუდხ ხალთა̈რშვ თულყვა̈რშვ ლეზვბემ ლაკარქათე, ჲა̈რ
Line of edition: 14    
ზა̈ნთე აფხზეთთე.

Line of edition: 15       
ა̈ლი ლასც ნილა (ჲნია̈ოლოზიშ) დრევჟი ეჩქას, ცხა̈ჲ,
Line of edition: 16    
შუა̈ვა̈რ დემეგ ლასვხ ნენჴერას მჷსყე. ლაჩაჟ მა̈ჲ ლასვ მა̈ჲ
Line of edition: 17    
ვენდ. ნენჴერათე ჩაჟვ ქა ჲერვ' ა̈ჲასგვ, ხჷნსგა ქორთე დემის იტხა
Line of edition: 18    
-- კოჯა̈შ ნაცმუნდ ხესვივ. ა̈მიშ მაყალშვ ზა̈ნხენ აფხზეთხენ
Line of edition: 19    
შვანა̈რს მა̈გ ქაფშვ ოხღვანდახ.

Line of edition: 20       
ათხეი სემი ლახვბა ხალთა̈რშვ ლჷმარვ ჭჷშხშვ ომჩედხ სიმინდიშ
Line of edition: 21    
ლაკარქათე ლექვავ. ზა̈ნს აშხვ მეზგიჲსგა სიმინდ 'ა̈ნყიდხ
Line of edition: 22    
თვით სემი ფუთ, ქაფა̈რ 'ანმარეხ ბა̈ზი ჩვა̈რიხ ამეჩუ. მასპინძელდ
Line of edition: 23    
სურუ ხოჩა პა̈ტივ ხა̈ყერ. შა̈მ ოხჩემინ, ლები' ოხჯა̈ბ ჩვა̈დდირანხ.
Line of edition: 24    
ნა̈დარალუნღვე მაშენ მუხვბემ ხა̈ქვე მა̈სპინძელს: -- ' ესერ,
Line of edition: 25    
ხოჩა მა̈სპინზელ, ვობა̈შ ესერ პა̈ტივ ხოყრა მინეშდ ათხე შა̈მა̈შ
Line of edition: 26    
ესერ ლიჩემს ' ხათვრი, სურუ ესერ მაჴვმა̈რ ირიხ.

Line of edition: 27       
-- ა̈მის ესერ მა̈ ვობა̈შ გვეშ ა̈ხა̈ვედნი, ათა̈შ ათა̈შ, ჩიქი ესერ
Line of edition: 28    
წყა̈რს ხაკუ გეფუნაფა გვა̈მიდ ესერ დგვარბს ია̈ვრუნი, ეჩქას
Line of edition: 29    
ფექ ესერ ლი ისგა ლეშდე ჩუ ლვდები გუმშვ.

Line of edition: 30       
ლახვბად მაჴვამ ხპქვეხ მა̈სპინძელს მვრმა ლადეღ ლეჟ" ას-.
Line of edition: 31    
განხ შვა̈ნთე. ანღრიხ, ანღრიხ ნენჴერა ლეჟა. თვით სემი ფუთ
Line of edition: 32    
ქაფდ ხა̈ცვხ მაფაშშვ იდგა̈რიხ.

Line of edition: 33       
შვა̈ნხენ ნა̈რმევ ლევიზ ისგა ლა̈ხშდახხ მჷტმად ხვეტნიხ. ლახად
Line of edition: 34    
მაშენ მუხვბა რიენთე თე ამეჩუ მანჴვრაფისგა ეჯჟი ქა ფუე
Line of edition: 35    
ლიც, ერე დგვარბს აშ აკვანე. ათხე მაშენ მუხვბემ ხა̈ქვ', ერე:
Line of edition: 36    
-- ამეჩუოღვ ლა̈ჲშვემხ ამ მაფუა ლჷცისგა შა̈მოღვ ანჩვნინხ,
Line of edition: 37    
ოდო მჷტმად ესერ ქვინ ჟი ხოჩდენიხ.

Page of edition: 253 
Line of edition: 1       
ანჴად ნაშენ მუხვბე ტოტშვ ამ მანჴვრაფთეჲსგა სიმინდიშ
Line of edition: 2    
ფაქვემ ლიშდე ლა̈ჲბინე. შიდე, შიდე, მარე ჩუ დენ ინსგლი. ეშხუ
Line of edition: 3    
ქაფ ისგაშიდ ნახუნსერ ნა̈ნსგელვ დემეგ ხეთრჷნ. ათხე ხოშა
Line of edition: 4    
მუხვბემ რა̈ქვე, ერე: -- დოღვ' ესერ ფექ ჩვიბე ძგიდთ' ოთტყირშან
Line of edition: 5    
შა̈მი ეჩეჩუ გარ ოლჩემნელისუნ. ჯი ესერ ჩუ იგღები , ლუჩვმინ
Line of edition: 6    
ესერ ემა ირი , მინს ესერი ჟი ხოჴდე ჩვ ესერ ა̈დნენცლიხ.

Line of edition: 7       
ხოშა მუხვბემ ლერქვა̈რ ქა̈დშყუჟურე ჩუ ხა̈ძგერ მანჴვრაფჩუ.
Line of edition: 8    
ხოხვრა ლახვბა უშხვა̈რ ხასგურხ ხოღლიხ ლა̈დიშ ლადეღ ხოშა
Line of edition: 9    
მუხვბა, მარე ა̈ლი დემხენ ანტახ.

Line of edition: 10       
ნენსგა̈შ მუხვბემ რა̈ქვ', ერე: -- ეჯი ესერ, ხოლა ჰერყლია̈ნ, ვოდე
Line of edition: 11    
ჯი ხოჩამდ 'ესბიზი, ეჩქად დემის ტეხნი. ჯი ესერი იგღები, ოდო
Line of edition: 12    
მინ ესერ მჷტმად სედნიხ.

Line of edition: 13       
ა̈დშყუჟურან ა̈ლიი ქა აშგარ ჟულ ა̈ნა̈იდ მანჴვრაფთეჲსგა
Line of edition: 14    
ამნემი. ხოღლი ათხე მაჰრენ მუხვბე კვაკვა̈შშალ ჯი გარ ახჟანდ',
Line of edition: 15    
ეჩქას გუისგ' ესსა̈ორე: -- ეჯჲა̈რ ესერ უშხვა̈რდ ხოლა ჰერყლია̈ნუ
Line of edition: 16    
ლიხ ჲექგრდა ლიღლი ესერ ხეირს დემის ხაწონე, -- ჯინემი
Line of edition: 17    
ქა̈დშლიჟ ლერქვა̈რ, ოხპარ რივნიშ ძგიდისგა ჯია̈ჲ ეჯჲა̈რე ნაზვს
Line of edition: 18    
ათჭამ მანჴვრაფჩუ.

Line of edition: 19       
სერ სამ ლახვბახენქა ღალ მემბუა̈ლი და̈რ ლა̈ხტჰხხ ქორშა̈რს.


Line of edition: 20 
ვასილ ქალდანი. ჯუხვლანი. .ქალდანი. 20.VIII.1949



Next part



This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.