TITUS
Svan Prose Texts II (Lower Bal)
Part No. 147
Previous part

Text: 147 
Page of edition: 291 
Line of edition: 23 
CXLVII. მეჴრა̈ფ ლიფრე


Line of edition: 24       მეჴრა̈შ ლიფრე წეს ლასვ. ეჯკა̈ლიბ ხოლა ფათრეკჟი, თოფშვ
Line of edition: 25    ირივ ა იშგანშვ, ლეყერს მეჴრა ჩუ ხედვა̈შივ, ეჩქანღვე ისგა
Line of edition: 26    ხეყენივ, ეჰე ჩუ ლჷფრე ხად ი ეჯ მეჴროშვ გვა̈მი ლეჩომ ეჯღა̈ი
Line of edition: 27    დემგვაშვმოშ იჩმუდ. ამკა̈ლიბ ჲესვა̈ს ხეყრენივ, მა̈რემ ხჷნსგა გარ
Line of edition: 28    ლასვ ეჩქანღვე. მიჩა ამკა̈ლიბიშ მჷჩემს ჯი ემოშ ლახტიხა, ჰედ
Line of edition: 29    მიჩა ჲერვა̈ ირივ, ეჯი ლემბა̈ჟდ და̈ს ხოჴდენივ.

Line of edition: 30       ლა̈რგავალთე ლახ ქა ჴიდახ, მეჴრა ლუდვაშე ჩი ხოშა ხოჟრივ.
Line of edition: 31    ჰედურდ ქა მექვცე ხერივ მეჴრა, ხიარ ოდო ეჯშალ ლესგიდა̈რი
Line of edition: 32    ლასვ, ჲესვა̈ს მეჴრა ჰედურდ ჩუ ლუდვაშე ხად. ეჩხენ-ამხენ
Line of edition: 33    ვოხუშდ მარა ლახა ჩვადნაბნისგვხ, ბიზდ ხებჟჷნ ჩი ი მორგა̈ვ მარა
Line of edition: 34    ხად ლესგიდა̈რი.

Page of edition: 292 
Line of edition: 1       მეჴრა̈შ დავშა, ჰედ ჰედურდ ქა̈თქეცნივ, ჰედი ჰედურდ დემთემოშ
Line of edition: 2    იჴმარნივ ეჯჟი, მა̈რემ ხჷნსგამდ ლასვ ჟი ლჷკა̈ფ, ეჯღა უგდან
Line of edition: 3    მაგდანჟი წორა̈შ ხჷნსგამდ ჟი ისყივ. აშ მეჴრა მოლე ლასჷრგებ
Line of edition: 4    ემეგ ირივ, ეჯნა̈რ მაროლს ნა̈ნკდ ხადხ ლესგიდა̈რი. ეჯჷნქა
Line of edition: 5    მაროლს გვი ლეჰვდი ხადხ, ლეღვა̈ში ლერსგენ მეჴრა ლასვ ა
Line of edition: 6    ლერთენ, ჰედ მეჴრა ლუდვაშე მემშივ ი ეჯკა̈ლიბ ემავ ირივ. გვი ლეჰვდი
Line of edition: 7    ხადხ, მეჴრა̈შ ლიდვა̈ში იმ ა̈ხჭემნივ, ეჯნა̈რი. ამის ლახა ჩი უშხვართე
Line of edition: 8    აყვაბახ, მიჩა-მიჩა ლადას ჩიგვაშვ ქა ხოდისგვხ ი მაროლა̈შ
Line of edition: 9    მა̈ქვცაი ეჯის ესჭიმჷდ. სამ აშირს ჩუბავ ეჯღა̈ი დემისშალ ქეცნივ
Line of edition: 10    მა̈რემ მეჴრაღა.


Next part


This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.