TITUS
White Yajur-Veda: Brhad-Aranyaka-Upanisad
Part No. 2
Previous part

Paragraph: 2    {= ŚBM 10.6.5.1}    {= ŚBK 16.3.2.1-7}
Verse: MK1 
Sentence: a    नै॒वेह किं॒ चना॒ग्र आसीन्.
   
एव इह कि॒म् चन अ॒ग्रे आसीत्

Sentence: b    
मृत्यु॒नै॒वेदमा॒वृतमासीदशनाय॒याशनाया हि॒ मृत्यु॒स्.
   
मृत्यु॒ना एव इद॒म् आ॒वृतम् आसीत् अशनाय॒या अशनाया हि मृत्यु॒स्

Sentence: c    
तन्म॒नो ऽकुरुतात्मन्वी॒ स्यामि॒ति.
   
त॒द् म॒नस् अकुरुत आत्मन्वी स्याम् इ॒ति

Sentence: d    
सो॒ ऽर्चन्नचरत्.
   
स॒स् अ॒र्चन् अचरत्

Sentence: e    
तस्या॒र्चत आ॒पो ऽजायन्ता॒र्चते वै॒ मे क॒मभूदि॒ति.
   
त॒स्य अ॒र्चतस् आ॒पस् अजायन्त अ॒र्चते वै मे क॒म् अभूत् इ॒ति

Sentence: f    
त॒दे॒वा॒र्क्यस्यार्कत्वं.
   
त॒द् एव अ॒र्क्यस्य अर्कत्व॒म्

Sentence: g    
कँ॒ ह वा॒ अस्मै भवति,
   
क॒म् वै अस्मै भवति

Sentence: h          
य॒ एव॒मेत॒द॒र्क्यस्यार्कत्वं वे॒द.
         
य॒स् एव॒म् एत॒द् अ॒र्क्यस्य अर्कत्व॒म् वे॒द

Verse: MK2 
Sentence: a    
आ॒पो वा॒ अर्क॒स्.
   
आ॒पस् वै अर्क॒स्

Sentence: b    
तद्य॒दपाँ श॒र आ॒सीत्,
   
त॒द् य॒द् अपा॒म् श॒रस् आ॒सीत्

Sentence: c          
तत्स॒महन्यत,
         
त॒द् स॒महन्यत

Sentence: d          
सा॒ पृथि॒व्यभवत्.
         
सा पृथिवी अभवत्

Sentence: e    
त॒स्यामश्राम्यत्.
   
त॒स्याम् अश्राम्यत्

Sentence: f    
त॒स्य श्रान्त॒स्य तप्त॒स्य ते॒जो र॒सो नि॒रवर्तताग्निः.
   
त॒स्य श्रान्त॒स्य तप्त॒स्य ते॒जस् र॒सस् नि॒रवर्तत अग्नि॒स्

Verse: MK3 
Sentence: a    
स॒ त्रे॒धात्मा॒नं॒ व्यकुरुतादित्यं॒ तृती॒यं,
   
त्रेधा आत्मा॒नम् व्यकुरुत आदित्य॒म् तृती॒यम्

Sentence: b          
वायुं॒ तृती॒यँ.
         
वायु॒म् तृती॒यम्

Sentence: c    
स॒ एष॒ प्राण॒स्त्रेधाविहित॒स्.
   
एष प्राण॒स् त्रेधाविहित॒स्

Sentence: d    
त॒स्य प्रा॒ची दिक्शि॒रो ऽसौ॒ चासौ॒ चेर्मा॒व्;
   
त॒स्य प्रा॒ची दि॒क् शि॒रस् असौ असौ ईर्मौ

Sentence: e       
अ॒थास्य प्रती॒ची दिक्पु॒च्छम्,
      
अ॒थ अस्य प्रती॒ची दि॒क् पु॒च्छम्

Sentence: f          
असौ॒ चासौ॒ च स॒क्थ्यौ;
         
असौ असौ स॒क्थ्यौ

Sentence: g       
द॒क्षिणा चो॒दीची च पार्श्वे,
      
द॒क्षिणा उ॒दीची पार्श्वे

Sentence: h          
द्यौ॒ष्पृष्ठ॒म्,
         
द्यौ॒स् पृष्ठ॒म्

Sentence: i          
अन्त॒रिक्षमुद॒रम्,
         
अन्त॒रिक्षम् उद॒रम्

Sentence: j          
इयमु॒रः,
         
इय॒म् उ॒रस्

Sentence: k          
स॒ ए॒षो ऽप्सु प्र॒तिष्ठितो.
         
एष॒स् अप्सु प्र॒तिष्ठितस्

Sentence: l    
य॒त्र॒ क्व चै॒ति,
   
य॒त्र क्व ए॒ति

Sentence: m          
त॒देव प्र॒तितिष्ठत्येवं॒ विद्वा॒न्.
         
त॒द् एव प्र॒तितिष्ठति एव॒म् विद्वा॒न्

Verse: MK4 
Sentence: a    
सो ऽकामयत:
   
स॒स् अकामयत

Sentence: b       
द्विती॒यो म आत्मा॒ जायेते॒ति.
      
द्विती॒यस् मे आत्मा जायेत इ॒ति

Sentence: c    
स म॒नसा वा॒चं मिथुनँ स॒मभवदशनायां॒ मृत्यु॒स्.
   
म॒नसा वा॒चम् मिथुन॒म् स॒मभवत् अशनाया॒म् मृत्यु॒स्

Sentence: d    
तद्यद्रे॒त आ॒सीत्,
   
त॒द् य॒द् रे॒तस् आ॒सीत्

Sentence: e          
स॒ संवत्स॒रो ऽभवन्.
         
संवत्सर॒स् अभवत्

Sentence: f    
न॒ ह पुरा त॒तः संवत्सर॒ आस.
   
पुरा त॒तस् संवत्सर॒स् आस

Sentence: g    
त॒मेता॒वन्तं काल॒मबिभर्या॒वान्त्संवत्सर॒स्.
   
त॒म् एता॒वन्तम् काल॒म् अबिभर् या॒वान् संवत्सर॒स्

Sentence: h    
त॒मेता॒वतः काल॒स्य पर॒स्तादसृजत.
   
त॒म् एता॒वतस् काल॒स्य पर॒स्ताद् असृजत

Sentence: i    
तं॒ जात॒मभिव्या॒ददात्;
   
त॒म् जात॒म् अभिव्या॒ददात्

Sentence: j       
स भा॒णकरोत्,
      
भा॒ण् अकरोत्

Sentence: k          
सैव वा॒गभवत्.
         
सा एव वा॒ग् अभवत्

Verse: MK5 
Sentence: a    
स॒ ऐक्षत:
   
स॒स् ऐक्षत

Sentence: b       
य॒दि वा॒ इम॒मभिमँस्ये,
      
य॒दि वै इम॒म् अभिमँस्ये

Sentence: c          
क॒नीयो॒ ऽन्नं करिष्य इ॒ति.
         
क॒नीयस् अ॒न्नम् करिष्ये इ॒ति

Sentence: d    
स त॒या वाचा ते॒नात्म॒नेदँ स॒र्वमसृजत,
   
त॒या वाचा ते॒न आत्म॒ना इद॒म् स॒र्वम् असृजत

Sentence: e          
य॒दिदं किञ्च॒र्चो य॒जूँषि सा॒मानि छ॒न्दाँसि यज्ञा॒न्प्रजां॒ पशू॒न्त्.
         
य॒द् इद॒म् कि॒ञ्च ऋ॒चस् य॒जूँषि सा॒मानि छ॒न्दाँसि यज्ञा॒न् प्रजा॒म् पशू॒न्

Sentence: f    
स य॒द्यदेवा॒सृजत,
   
य॒द्यद् एव अ॒सृजत

Sentence: g          
त॒त्तद॒त्तुमध्रियत.
         
त॒त्तद् अ॒त्तुम् अध्रियत

Sentence: h    
स॒र्वं वा॒ अत्ती॒ति,
   
स॒र्वम् वै अत्ति इ॒ति

Sentence: i          
तद॒दितेरदितित्वँ.
         
त॒द् अ॒दितेस् अदितित्व॒म्

Sentence: j    
स॒र्वस्यात्ता॒ भवति,
   
स॒र्वस्य अत्ता भवति

Sentence: k          
स॒र्वमस्या॒न्नं भवति,
         
स॒र्वम् अस्य अ॒न्नम् भवति

Sentence: l          
य॒ एव॒मेतद॒दितेरदितित्वं वे॒द.
         
य॒स् एव॒म् एत॒द् अ॒दितेस् अदितित्व॒म् वे॒द

Verse: MK6 
Sentence: a    
सो ऽकामयत:
   
स॒स् अकामयत

Sentence: b       
भू॒यसा यज्ञे॒न भू॒यो यजेये॒ति.
      
भू॒यसा यज्ञे॒न भू॒यस् यजेय इ॒ति

Sentence: c    
सो ऽश्राम्यत्,
   
स॒स् अश्राम्यत्

Sentence: d          
स त॒पो ऽतप्यत.
         
त॒पस् अतप्यत

Sentence: e    
त॒स्य श्रान्त॒स्य तप्त॒स्य य॒शो वी॒र्यमु॒दक्रामत्.
   
त॒स्य श्रान्त॒स्य तप्त॒स्य य॒शस् वी॒र्यम् उ॒दक्रामत्

Sentence: f    
प्राणा वै य॒शो वी॒र्यं.
   
प्राणा॒स् वै य॒शस् वी॒र्यम्

Sentence: g    
त॒त्प्राणेषू॒त्क्रान्तेषु श॒रीरँ श्व॒यितुमध्रियत;
   
त॒द् प्राणे॒षु उ॒त्क्रान्तेषु श॒रीरम् श्व॒यितुम् अध्रियत

Sentence: h       
त॒स्य श॒रीर एव म॒न आसीत्.
      
त॒स्य श॒रीरे एव म॒नस् आसीत्

Verse: MK7 
Sentence: a    
सो ऽकामयत:
   
स॒स् अकामयत

Sentence: b       
मे॒ध्यं म इदँ॒ स्याद्,
      
मे॒ध्यम् मे इद॒म् स्यात्

Sentence: c          
आत्म॒न्व्यने॒न स्यामि॒ति.
         
आत्मन्वी अने॒न स्याम् इ॒ति

Sentence: d    
ततो॒ ऽश्वः स॒मभवद्.
   
त॒तस् अ॒श्वस् स॒मभवत्

Sentence: e    
यद॒श्वत्,
   
य॒द् अ॒श्वत्

Sentence: f          
तन्मे॒ध्यमभूदि॒ति.
         
त॒द् मे॒ध्यम् अभूत् इ॒ति

Sentence: g    
त॒दे॒वाश्वमेध॒स्याश्वमेधत्व॒म्.
   
त॒द् एव अश्वमेध॒स्य अश्वमेधत्व॒म्

Sentence: h    
एष॒ ह वा॒ अश्वमेधं॒ वेद,
   
एष वै अश्वमेध॒म् वेद

Sentence: i          
य॒ एनमेवं वे॒द.
         
य॒स् एनम् एव॒म् वे॒द

Verse: M8/K7 
Sentence: a    
तम॒नवरुध्येवामन्यत.
   
त॒म् अ॒नवरुध्य इव अमन्यत

Sentence: b    
तँ॒ संवत्सर॒स्य पर॒स्तादात्म॒न आ॒लभत,
   
त॒म् संवत्सर॒स्य पर॒स्ताद् आत्म॒ने आ॒लभत

Sentence: c          
पशू॒न्देव॒ताभ्यः प्र॒त्यौहत्.
         
पशू॒न् देव॒ताभ्यस् प्र॒त्यौहत्

Sentence: d    
त॒स्मात्सर्वदेव॒त्यं प्रो॒क्षितं प्राजापत्यमा॒लभन्त.
   
त॒स्माद् सर्वदेव॒त्यम् प्रो॒क्षितम् प्राजापत्य॒म् आ॒लभन्ते

Sentence: e    
एष वा॒ अश्वमेधो य॒ एष त॒पति;
   
एष वै अश्वमेध॒स् य॒स् एष त॒पति

Sentence: f       
त॒स्य संवत्सर॒ आ॒त्माय॒मग्नि॒रर्क॒स्,
      
त॒स्य संवत्सर॒स् आत्मा अय॒म् अग्नि॒स् अर्क॒स्

Sentence: g          
त॒स्येमे॒ लोका॒ आत्मा॒नस्.
         
त॒स्य इमे लोका॒स् आत्मा॒नस्

Sentence: h    
ता॒वेता॒वर्काश्वमेधौ,
   
तौ एतौ अर्काश्वमेधौ

Sentence: i          
सो पु॒नरे॒कैव॒ देव॒ता भवति,
         
पु॒नर् ए॒का एव देव॒ता भवति

Sentence: j          
मृत्यु॒रेवा॒प पुनर्मृत्युं॒ जयति,
         
मृत्यु॒स् एव अ॒प पुनर्मृत्यु॒म् जयति

Sentence: k          
नैनं मृत्यु॒राप्नोति,
         
एनम् मृत्यु॒स् आप्नोति

Sentence: l          
मृत्यु॒रस्यात्मा॒ भवत्य्,
         
मृत्यु॒स् अस्य आत्मा भवति

Sentence: m          
स॒र्वमा॒युरेत्य्,
         
स॒र्वम् आ॒युस् एति

Sentence: n          
एता॒सां देव॒तानामे॒को भवति,
         
एता॒साम् देव॒तानाम् ए॒कस् भवति

Sentence: o          
य॒ एवं वे॒द.
         
य॒स् एव॒म् वे॒द

Next part



This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.