TITUS
Vita Pancratii Tauromensis
Part No. 13
Previous part

Section: (13)  
Line of ed.: 5       ეგრეთვე განუწესა სამწუხროჲ ლოცვაჲ და საცისკროჲ და
Line of ed.: 6    აღსრულებაჲ წმიდათა საიდუმლოთაჲ და კურთხევაჲ მღდელთაჲ და
Line of ed.: 7    წესი ნათლისღებისაჲ და აღმართებაჲ ჯუარისაჲ და ესე ყოველი
Line of ed.: 8    ასწავა ებისკოპოსსა და ჰრქვა: იხილე, შვილო მაქსიმინე, რამეთუ
Line of ed.: 9    ზეცისა პატივი მოგიღებიეს, ეკრძალე მოძღურებასა ამას, რომელ
Line of ed.: 10    უბიწოდ დაიმარხო დიდი ესე ნამარხევი, რომელი იძიონ შენგან
Line of ed.: 11    დღესა მას განკითხვისასა, ოდეს იგი კაცად კაცადისა საქმე გამო\ცხადნეს
Line of ed.: 12    წინაშე მართლისა მის მსაჯულისა. ხოლო ნეტარმან ბაგ\რატ
Line of ed.: 13    მისცა მოციქულსა ჯვარი შუენიერი ოქროჲსა წმიდისაჲ, შემ\კობილი
Line of ed.: 14    მარგალიტითა და თვალებითა პატიოსნითა და ჰრქვა: ესე
Line of ed.: 15    მამამან ჩემმან ქმნა სურვილითა ქრისტეს ვნებისაჲთა და დამიტევა
Line of ed.: 16    მე, რამეთუ მეტყოდა, ამას სახესა ზედა დამოჰკიდეს ჰურიათა უფა\ლი
Line of ed.: 17    ჩვენი, რამეთუ იყო კაცი იგი ფრიად მორწმუნე, მიიღო იგი
Line of ed.: 18    მოციქულმან და იხილა, რამეთუ მადლი ღვთისაჲ იყო ჯვარსა მას
Line of ed.: 19    ზედა და ბრძანა ქმნად ბუდე ნაძჳსა და მას შინა შთადვა და მის\ცა
Line of ed.: 20    ებისკოპოსსა, რათა შიშით თაყვანის-სცემდენ მას და მოუწოდა
Line of ed.: 21    ყოველსა მას ერსა მორწმუნესა, რომელსა ნათელ ეღო და დაად\გინა
Line of ed.: 22    ებისკოპოსსა თანა და ეტყოდა: იხილეთ, ძმანო, ნუ ვინ თქვენ\
Line of ed.: 23    განი მიდრკების გზისა მისგან ჭეშმარიტისა, ნუცა ვინ უარჰყოფთ,
Line of ed.: 24    რაჲ იგი ისწავეთ ჩემგან, არამედ ყოველივე ჭირი და შრომაჲ თავს
Line of ed.: 25    იდევით ჭეშმარიტებისა თჳს და მოწყალებასა გლახაკთასა ნუ უდებ
Line of ed.: 26    ჰყოფთ, ივლტოდეთ, შვილნო, ცრუ წინასწარმეტყველთაგან, რო\მელნი
Line of ed.: 27    მოვიდოდიან თქვენდა, ვითარცა ცხოვარნი და შინაგან არიან
Line of ed.: 28    მგელ მტაცებელ; ნუ თანა აღერევით მათ ყოვლადვე, არამედ
Line of ed.: 29    რაჲ იგი ისწავეთ ჩემგან, მას ზრახევდინ, მას შინა იქცეოდეთ და
Line of ed.: 30    ღმერთი მშჳდობისაჲ იყავნ თქვენ თანა.

Next part


This text is part of the TITUS edition of Vita Pancratii Tauromensis.

Copyright TITUS Project, Frankfurt a/M, 21.8.2015. No parts of this document may be republished in any form without prior permission by the copyright holder.