TITUS
Vita Pancratii Tauromensis
Part No. 22
Previous part

Section: (21)  
Line of ed.: 5       ხოლო აბელ მოიღო პირმშოთაგან საცხოართა თჳსთაჲსა შე\წირვა
Line of ed.: 6    ღვთისა და შეიწირა იგი უფალმან, ამისთჳს შური აიღო კაენ
Line of ed.: 7    აბელისი განზრახვითა ეშმაკისაჲთა და მოკლა იგი ველსა გერე.
Line of ed.: 8    მიერითგან მიზეზი და ძალი მიიღო ცოდვამან ურჩებისაგან და პირ\ველად
Line of ed.: 9    ქმნა ძმის მკვლელობაჲ იგი და ესრეთ დღითი დღე წარე\მატებოდა
Line of ed.: 10    განმრავლდებოდეს რაჲ კაცნი ყოველივე ბოროტი ასწა\ვა
Line of ed.: 11    მათ და პირუტყუთა მიმსგავსებულ ყვნა; ამისთჳს დაუტევეს
Line of ed.: 12    ბუნებითი იგი წესი დედათაჲ და მამანი მამათა თანა სირცხჳლსა
Line of ed.: 13    მას იქმოდეს და ღმერთი სრულიად დაივიწყეს, ამისთჳსცა აღჰმარ\თნეს
Line of ed.: 14    კერპნი უსულონი ძელისა და ქვისანი, რომელთაცა ღვთად
Line of ed.: 15    სახელსდვა ეშმაკმან და თაყვანისმცემელ ყვნა კაცნი. ხოლო სახი\ერმან
Line of ed.: 16    ღმერთმან იხილა რაჲ ესე ვითარი ხრწნილებაჲ კაცთაჲ და
Line of ed.: 17    სობოროტე, მოავლინა წყლით რღუნაჲ და აღჴოცა ყოველი ნათე\სავი
Line of ed.: 18    კაცთაჲ და ერთი ხოლო კაცი პოა ნათესავსა მას შინა სახე\ლით
Line of ed.: 19    ნიე, რომელსაცა უბრძანა ქმნად კიდობანი ძელთა და შეს\ლვად
Line of ed.: 20    მას შინა ცოლით და შვილითურთ და ყოველთაგან ცხო\ველთა,
Line of ed.: 21    რათა დაშთეს თესლი ქუეყანასა ზედა. ხოლო შემდგომად
Line of ed.: 22    წყლით რღუნისა გამოვიდა რაჲ ქუეყანად მართალი იგი, კუალად
Line of ed.: 23    იწყო ეშმაკმან თჳსთა მახეთა განფენად და პირველად ძე მართალი\საჲ
Line of ed.: 24    მის იყო შემსმენელ მისა და მერმე განმრავლდებოდეს რაჲ კაც\ნი
Line of ed.: 25    ქუეყანასა ზედა თჳსთა მათ გულარძნილებითა და ღუარძლთა
Line of ed.: 26    არა დასცხრებოდა თესვად მათ შორის ვიდრემდის ყვნა კუალად
Line of ed.: 27    გონება ცთომილ და იწყეს მოპოვნებად გრძნებათა და მისნობათა
Line of ed.: 28    ვარსკვლავთ მრიცხველობათა საზმნელთა და სასიზმრეთა და მფრინ\ველთ
Line of ed.: 29    მისნობასა და მუცლით მეზღაპრებასა. ესე ყოველი რაჲ
Line of ed.: 30    აქმნია ბოროტმან მან მუშაკთა მათ თჳსთა, მერმე კერპთა საცთუ\რიცა
Line of ed.: 31    შთასთესა და აქმნია გამოქანდაკებულნი ძელისა და ქვისა,
Line of ed.: 32    ოქროჲსა და ვეცხლისა და რვალისანი, რომელნი იგი აღჰმართნეს
Line of ed.: 33    და უზორვიდეს მათ გონება ცთომილნი იგი და ღვთად სახელსდებ\დეს
Line of ed.: 34    მოძღურებითა ეშმაკისაჲთა, რომელმან ესე ვითარი საც\თური
Line of ed.: 35    ასწავა მათ და ღმერთი ყოველთა დამდაბლებული სრულიად დაავიწყა.

Page of ed.: 14  
Next part


This text is part of the TITUS edition of Vita Pancratii Tauromensis.

Copyright TITUS Project, Frankfurt a/M, 21.8.2015. No parts of this document may be republished in any form without prior permission by the copyright holder.