TITUS
Vita Pancratii Tauromensis
Part No. 28
Previous part

Section: (27)  
Line of ed.: 25       ხოლო ბრძანებითა ღვთისაჲთა აღდგა ქარი იგი ჩრდილოჲ\საჲ,
Line of ed.: 26    რომელსა ბორიაჲ ეწოდების და სამ დღე და სამ ღამე ზოგად
Line of ed.: 27    ვიდოდეს ნავნი იგი და განგებითა ღვთისაჲთა მიეახლნეს ნავნი იგი
Line of ed.: 28    ურთიერთას მეოთხესა დღესა განთიად და იხილნეს ნეტართა მარ\კიანე
Line of ed.: 29    და ბაგრატ ურთიერთას და მოკითხვაჲ სიტყჳთა მშვიდობი\საჲთა
Line of ed.: 30    მისცეს და მეყსეულად განგუეშორა ჩვენ ნავი იგი და მი\ჰმართა
Line of ed.: 31    ქალაქად თჳსად. ხოლო შემდგომად გაშორებისა მისისა
Line of ed.: 32    ვლეთღა სხვაჲ ორი დღჱ და ორი ღამეჲ და მოვიწიენით ჭალაკად
Line of ed.: 33    სიკილიისა, ადგილსა, რომელსა ფალკონ ეწოდების. ხოლო იყო
Line of ed.: 34    ადგილი იგი საკერპო ეშმაკთა სამსახურებელი, რამეთუ ადგილი
Line of ed.: 35    იგი პირველ ყოფილი იყო მტილი ფალკონილაჲსი დედისა ფალკო\ნისი,
Line of ed.: 36    ასულის წულისა მენიაჲსი, ტავროჲს ცოლისაჲ; იგი უკუე
Page of ed.: 18   Line of ed.: 1    ფალკონილა იყო გონიერ და ქმნულ კეთილ ფრიად, ვითარცა
Line of ed.: 2    იპოვა წერილსა საქმესა პირველთა კაცთაჲსა, ვიდრეღა ცნობიერე\ბისა
Line of ed.: 3    და სიკეთისა მისისათჳს მრავალნი ძღუენსა მისცემდეს ფრიად\სა,
Line of ed.: 4    რათამცა ოდენ იხილეს იგი. შვა მან ძე და უწოდა სახელი
Line of ed.: 5    მისი ფალკონ შემსგავსებულად თჳსისა სახელისა და იქმნა ყრმაჲ
Line of ed.: 6    იგი მაგებელ და ჴელ მარჯუე და შუენიერ ხილვითა და შთავიდა
Line of ed.: 7    განფრთხობად მტილსა მას და დაეცა მეყსა შინა და მოჰკუდა და
Line of ed.: 8    დაჰმარხეს მტილსა მასა შინა და აღაშენეს მუნ ტაძარი შუენიერი,
Line of ed.: 9    შემკული მამულისა მისისა საფასისაგან და აღჰმართეს სამარეს მას
Line of ed.: 10    ზედა კერპი ქვისაჲ გამოქანდაკებული, რომელსაცა სახელ სდვეს
Line of ed.: 11    ფალკონ ღმერთი და დაუკლნეს მას სამნი ჭაბუკნი და სამეოცდა\ათ
Line of ed.: 12    ცამეტი ჴბოი ჩჩჳლი და დაიმკჳდრეს მუნ ეშმაკთა მიერ დღითი\გან
Line of ed.: 13    და წლითი წლად ესე ვითარსა მას საზრველსა ეძიებდეს სამთა
Line of ed.: 14    მათ ჭაბუკთა და სამეოც და ათ ცამეტსა ჴბოსა. ხოლო ჩვენ გან\რაი
Line of ed.: 15    ვედით ნავისაგან ჴმელად, დაასვა ნეტარმან ბაგრატ კუერთხი
Line of ed.: 16    იგი ჯვარისაჲ ქვეყანასა და აღასრულა ლოცვაი, მაშინ ეშმაკთა
Line of ed.: 17    მათ, რომელნი იყვნეს კერპსა მას შინა, იწყეს გოდენად და ძვრად
Line of ed.: 18    კერპისა მის და იტყოდეს: ჵ ღმერთო ფალკონ, ძეო ფალკონი\ლაისო,
Line of ed.: 19    ცეცხლი მოვიდა შემწუელად შენდა და ამიერითგან ტყუე
Line of ed.: 20    ხარ, რამეთუ ძემან ღვთისამან, ქალწულისა მარიამისაგან შობილმან,
Line of ed.: 21    მახვილი ცეცხლისაი მოავლინა აქა პეტერს მიერ, რომლისა ელვა\მან
Line of ed.: 22    განაბრწყინვა ადგილი ესე და ჩვენ შეგუაძრწუნნა. ჵ ლუკაო\ნიდე,
Line of ed.: 23    ვინ არს ეგე, რომელი მოიყვანე აქა ანუ ვითარ არა დაწუა
Line of ed.: 24    ნავი შენი მსხუერპლისა წილ, რომელსა ჩვეულ იყავ მორთუმად;
Line of ed.: 25    ჩვენდა ცეცხლი მოიღე, რომელსა არაოდეს მოველოდეთ ხილვად.

Next part


This text is part of the TITUS edition of Vita Pancratii Tauromensis.

Copyright TITUS Project, Frankfurt a/M, 21.8.2015. No parts of this document may be republished in any form without prior permission by the copyright holder.