TITUS
Vita Pancratii Tauromensis
Part No. 79
Previous part

Section: (71)  
Line of ed.: 4       და შემორაჲ ვიდა ჩუენდა ვონიფანტე მთავარი, ჰკითხვიდა
Line of ed.: 5    მას წმიდაჲ ბაგრატ: რანი იყვნეს, შვილო, ჴმანი იგი ერისანი. მი\უგო
Line of ed.: 6    მთავარმან და ჰრქუა მას: შემდგომად ორისა თჳსა დღესას\წაულთაჲ
Line of ed.: 7    საქმჱ მოიწევის შესაწირავთაჲ ლჳსონ ღვთისა მის ამის
Line of ed.: 8    ქალაქისა და ყოველი ქალაქი და გარემო სანახები შემოკრბებისა.
Line of ed.: 9    ამის უკუე ჯერისათჳს მეტყოდეს ქურუმნი, რათა მზა ვყოთ დასა\კლავად
Line of ed.: 10    ცხოვარი და ზროხაჲ ფრიადი, ვითარ უკუე ჰნებავს სი\წმიდესა
Line of ed.: 11    შენსა ყოფად, ანუ თუ მოსლვად ხარა კრებასა მას წინა\შე
Line of ed.: 12    ყოველსა ერისა გინა თუ არა ყოველივე მაუწყე ნებაჲ გულისა
Line of ed.: 13    შენისაჲ. ჰრქუა მას ნეტარმან ბაგრატ: შვილო ვონიფანტე, ნუ
Line of ed.: 14    ვინ გაცთუნებს, ნუცა თავს იდებ ამიერითგან მსხუერპლისა შეწირ\ვად
Line of ed.: 15    ეშმაკთა, არამედ მოიქეც სახიერისა მის უფლისა, რათა მიგე\ტევნენ
Line of ed.: 16    შენ ყოველნივე ცოდვანი შენნი, რამეთუ მოწყალე არს
Line of ed.: 17    იგი. და ყოველთა, რომელნი მიივლტოდიან მისა, წყალობით შეი\წყნარებს
Line of ed.: 18    და შეუნდობს ყოველთა ცოდვათა მათთა, რამეთუ ამის
Line of ed.: 19    თჳს გარდამოჴდა წიაღთაგან მამისათა ქრისტჱ ღმერთი ჩვენი და
Line of ed.: 20    კაც იქმნა წმიდისა ქალწულისა მარიამისაგან და მსგავს ჩვენდა იქმ\ნა
Line of ed.: 21    თჳნიერ ცოდვისა, რათა ყოველთა მიგჳწოდოს სასუფეველსა
Line of ed.: 22    მისსა, ვითარცა ღმერთმან მან ყოვლად ძლიერმან. ამისთჳს, შვილო
Line of ed.: 23    ჩემო, მტკიცე იყავ სარწმუნოებასა ზედა მისსა, რათა სრულიად
Line of ed.: 24    მოგეცეს მადლი საულისა წმიდისაჲ, რომელსა ჰნებავს ყოველთა
Line of ed.: 25    კაცთა ცხოვრებაჲ და მეცნიერებასა ჭეშმარიტებისასა მოსლვაჲ.

Next part


This text is part of the TITUS edition of Vita Pancratii Tauromensis.

Copyright TITUS Project, Frankfurt a/M, 21.8.2015. No parts of this document may be republished in any form without prior permission by the copyright holder.