TITUS
Gregorius Nazianzenus, Vita Basili Magni
Part No. 31
Previous part

Paragraph: 31  
Line of edition: 6       31. ესრეთ უკუე ესევითარითა ზრახვითა და მჴედრობითა მოი\წია
Line of edition: 7    ჩუენ ზედა და ესევითარითა ურჩულოებითა, რამეთუ ესე არს
Line of edition: 8    ზედამოსლვაჲ ბარბაროზებრი, არა ზღუდეთა ქვისათა დამარღუე\ველნი,
Line of edition: 9    რომელნი-იგი ჴელით ქმნულ არიან და კუალად აღეშჱნებიან,
Line of edition: 10    არამედ სულთა დამაქცეველი უკუდავთაჲ, ხოლო იყვნეს მის თანა
Line of edition: 11    მჴედრობანი, მწარენი იგი მთავარნი სოფლისანი და ეპისკოპოსნი იგი
Line of edition: 12    უკეთურნი, რომელნი ისწრაფდეს დაპყრობად ეკლესიათა, რომელნი
Line of edition: 13    ჯერეთ არა აქუნდეს და მინდობილ იყვნეს ძალსა მას მეფისასა და
Line of edition: 14    ესრეთ კესარიისა ეკლესიადცა მოიწინეს და არა ეშინოდა მათ სიტ\ყუათაგან
Line of edition: 15    მაშინდლისა მის მთავარეპისკოპოსისათა, არამედ მინდო\ბილ
Line of edition: 16    იყვნეს ძლევად მისა და ბრძოლაჲ იგი დიდი იყო და მოსწრა\ფებაჲ
Line of edition: 17    იგი მბრძოლთაჲ არა მცირჱ, ხოლო მწყობრი ჩუენისა კერ\ძისაჲ
Line of edition: 18    -- უძლურ, რამეთუ არა აქუნდა ჴელოვანი წინამბრძოლი ძალ\თა
Line of edition: 19    სიტყჳსა სულისაჲთა, მაშინ უკუე დიდმან მან და წმიდამან და
Line of edition: 20    ჭეშმარიტად ქრისტესმოყუარემან სულმან არა იჴმარნა მრავალნი
Line of edition: 21    სიტყუანი მისლვად და შეწევნად, არამედ მიხილა რაჲ მე რომელ
Line of edition: 22    ვევედრებოდე: (რამეთუ ღუაწლი იგი ორთაჲვე ზოგად იყო), და მე\ყსეულად
Line of edition: 23    დამმორჩილდა და გულისჴმა-ყო კეთილად ძალითა სულისა
Line of edition: 24    წმიდისაჲთა, რომლითა-იგი სავსე იყო.

Line of edition: 25       ვითარმედ სხუაჲა ჟამი სულგრძელებისაჲ და სხუაჲ არს ჟამი
Line of edition: 26    მოსწრაფებისაჲ და მეყსეულად ზოგად წარმოვედით პონტოჲთ და
Line of edition: 27    აღივსო იგი შურითა საღმრთოჲთა, იხილა რაჲ, რამეთუ ჭეშმარიტე\ბაჲ
Line of edition: 28    წარწყმდებოდა. და იქმნა თანამბრძოლ და დიდად შემწედ მისცა
Line of edition: 29    თავი თჳსი დედასა მას ყოველთასა ეკლესიასა.

Next part


This text is part of the TITUS edition of Gregorius Nazianzenus, Vita Basili Magni.

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.