TITUS
Gregorius Nazianzenus, Vita Basili Magni
Part No. 57
Previous part

Paragraph: 57  
Line of edition: 4       57. ხოლო იგი სამჴართა მისთა აღძარცუვასა ბრძანებდა და ნე\ტარი
Line of edition: 5    იგი იტყოდა, ვითაარმედ: "და გნებავს თუ, მიგცე სამოსელიცა",
Line of edition: 6    ცემასა ექადოდა, ხოლო იგი ეცინოდა: ხუეტასა გუერდთასა აღუთ\ქუმიდა
Line of edition: 7    და იგი იტყოდა, ვითარმედ: "ღჳძლისა კურნება არს ეგე და
Line of edition: 8    არა ტკივილ..." ხოლო იგინი რაჲ ამას შინა იყვნეს, ცნა ესე ერმან
Line of edition: 9    მან ქალაქისამან და ზიარი იგი ყოველთაჲვე ბოროტი ვერ თავს\იდვეს,
Line of edition: 10    აღეგზნეს, ვითარცა კუამლისა მიერ ფუტკარნი, ყოველნივე
Line of edition: 11    აღდგეს და აღიღეს საჭურველები, რაჲცა თითოეულსა ეპოვა, მჴე\დარნი
Line of edition: 12    და ერნი: კუერთხებითა, ლოდებითა და მახჳლებითა, ქმნეს
Line of edition: 13    ჴმაჲ დიდი და მირბიოდეს ყოველნი ზოგად. არცა თუ დედანი დაშ\თეს,
Line of edition: 14    არამედ მათცა აღიღეს, თითოეულმან რაჲცა პოვა. ყოველნი
Line of edition: 15    შურითა შეიწუნეს და მიუჴდეს მთავარსა მას ზედა ბოროტსა, ენე\ბა
Line of edition: 16    ასოეულად შემუსრვაჲ მისი. და იგი იყო მათ შორის პატიოსან,
Line of edition: 17    რომელმანმცა პირველად მიყო ჴელი მის ზედა. მაშინ უკუე ამპარ\ტავანი
Line of edition: 18    იგი დამდაბლდა, ვისსა არა უსაწყალობეს იყო, ვიდრემდის
Line of edition: 19    გამოვიდა თჳნიერ სისხლისა მოწამჱ იგი და თჳნიერ წყლულებათა
Line of edition: 20    გჳრგვნოსანი და იძულებით დააყენა ერი იგი და მაგინებელი იგი
Line of edition: 21    იჴსნა. ესრეთ იქმს ღმერთი საკჳრველებათაჲ, რომელი შესცვალებს
Line of edition: 22    ყოველსავე წამის-ყოფითა თჳსითა, რომელი ამპარტავანთა წინააღუ\დგების
Line of edition: 23    და მდაბალთა მისცემს მადლსა. და ვითარმცა არა ისწრაფა
Line of edition: 24    მან, რომელმან-იგი ზღუაჲ განაპო და მდინარჱ უკუნაქცია და მზე
Line of edition: 25    და მთოვარჱ დააყენნა და აღპყრობითა ჴელთაჲთა ძლევაჲ მისცა
Line of edition: 26    ერისა მისთჳს ლტოლვილისა, რაჲთა ესეცა იჴსნას მისთჳს ყოველსა\ვე
Line of edition: 27    შინა ჭირსა მოხარული.

Next part


This text is part of the TITUS edition of Gregorius Nazianzenus, Vita Basili Magni.

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.