TITUS
Gregorius Nazianzenus, Vita Basili Magni
Part No. 70
Previous part

Paragraph: 71  
Line of edition: 28       71. დიდ არს აბრაჰამ მამადმთავარი და შემწირველი ახლისა
Line of edition: 29    მის შესაწირავისაჲ, რომელსა მომცემელისა მის შესწირვიდა მსხუ\ერპლად
Line of edition: 30    განმზადებულად, არამედ არცა ამისი მცირე არს, რამეთუ
Line of edition: 31    თავი თჳსი შეწირა ღმრთისა და არარაჲ, ვითარცა ნაცვალი, მიეცა,
Line of edition: 32    რამეთუ რაჲმეა იყო სხუაჲ, რომლისა მიერმცა აღესრულა მსხუერპ\ლი
Line of edition: 33    იგი?

Page of edition: 67  
Line of edition: 1       ისაკ აღთქუმულ იქმნა უწინარეს შობისა, ხოლო ესე თჳთ აღთ\ქუმულ
Line of edition: 2    იყო და რებეკა, რომელ არს ეკლესიაჲ, არა შორით, არამედ
Line of edition: 3    მახლობელად მიითუალა, არცა მეოხებითა მონისაჲთა, არამედ ღმრ\თისა
Line of edition: 4    მიერ მოცემული და რწმუნებული, არცა შეცთომილ იქმნა გა\მორჩევასა
Line of edition: 5    მას შვილთასა, არამედ თითოეულსა ღირსებისაებრ მისცა
Line of edition: 6    ძალითა სულისა წმიდისაჲთა. ვაქებ იაკობის კიბესა მას და ძეგლსა,
Line of edition: 7    რომელსა სცხო ღმრთისათჳს და რკინობასა მისსა, რომელ-იგი იყო.
Line of edition: 8    ვითარ ვჰგონებ, სახჱ შეერთებისა ღმრთისაჲ კაცთა თანა და მდაბ\ლისა
Line of edition: 9    ამის ბუნებისაჲ მაღალსა მას თანა შეზავებისაჲ და ვაქებ ჴე\ლოვნებით
Line of edition: 10    მწყემსობასა მისსა და განმარჯუებულებასა და მისგან
Line of edition: 11    გამოსრულთა მათ ათორმეტთა მამათმთავართა და განყოფასა მას
Line of edition: 12    კურთხევათასა წინაწარმეტყუელებითურთ.

Line of edition: 13       არამედ ვაქებ ამისსაცა არა ხილულსა ოდენ, არამედ აღსრულ\სა
Line of edition: 14    მას კიბესა, რომელსა აღვიდა წარმართებითა სათნოებითი სათნო\ებად
Line of edition: 15    და ძეგლი იგი, რომელსა არა სცხო ოდენ, არამედ აღუმართა
Line of edition: 16    ღმერთსა განსაქიქებელაღ ურჩულოთა და რკინობასა, რომელი არა
Line of edition: 17    ღმრთისა მიმართ ქმნა, არამედ ღმრთისათჳს ერკინა მწვალებელთა
Line of edition: 18    და აღუდგომელად დასცნა და მწყემსობასა მისსა, რომლითა განმ\დიდრდა.
Line of edition: 19    რამეთუ მრავალნი მოიგნა ცხოვარნი არა პირუტყუნი, არა\მედ
Line of edition: 20    პირმეტყუელნი და კეთილსა მას შვილმრავლებასა, რომელნი
Line of edition: 21    იშვნეს ღმრთისა მიერ წმიდითა ნათლისღებითა მისგან და კურთხე\ვასა
Line of edition: 22    მას, რომლითა მრავალნი განამტკიცნა.

Next part


This text is part of the TITUS edition of Gregorius Nazianzenus, Vita Basili Magni.

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.