TITUS
Hymns for the Athonite Saints
Part No. 6
Previous part

Ode: Ghagh.  
Line of ed.: 5  ღ̃ტყა: მომიტევენ სახ̃რ:


Line of ed.: 6       ივლტოდე შენ შფოთთაგან სოფლისათა, ღირსო
Line of ed.: 7    ილარიონ, და ცუდსა დიდებასა სრულიად განეშორე და,
Line of ed.: 8    ვითარცა მთიები, აღმოსავალით დასავლეთად მიიწიე.

Line of ed.: 9       ქრისტეს თჳს უცხო ქმნილმან და მსგავსადვე მისა
Line of ed.: 10    მოწყალემან არა უგულებელს ჰყავ ტკივნეული ფერჴითა,
Line of ed.: 11    და ლოცვითა შენითა, ღმერთშემოსილო, მკელობელსა
Line of ed.: 12    სლვაჲ მიანიჭე.

Line of ed.: 13       ეჩუენა საშინელად დედაჲ ყოველთა შემოქმედისაჲ და
Line of ed.: 14    უთქუმიდა სასტიკად არაჲ შემწყნარებელსა შენსა, ღმერთ\შემოსილო,
Line of ed.: 15    და აუწყებდა სათნოებათა შენთა ძალსა.

Line of ed.: 16       ბუნებით ერთად ვიცნობ და გუამითა სამად ღუთის ვმეტ\ყუელებ
Line of ed.: 17    სამებასა წმიდასა და ერთსა ღუთეებასა, ერთსა
Line of ed.: 18    მეუფებასა, ერთ მთავრობასა და ერთსა ჴელმწიფებასა.

Line of ed.: 19       ოჳცვალებელმან ღმერთმან შენგან ჴორცნი მიიხუნა,
Line of ed.: 20    უსძლოო, და ერთ გუამად იხილვა ორითა ბუნები\თა
Line of ed.: 21    და ორითა ნებითა ღმერთი და კაცი, რომლისა მიმართ
Line of ed.: 22    მეოხ გუეყავ.


Next part


This text is part of the TITUS edition of Hymns for the Athonite Saints.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.