TITUS
Hymns for the Athonite Saints
Part No. 9
Previous part

Ode: Adid.  
Line of ed.: 12  ად̃ბა: განკჳრდეს ზესკნელს ცანი:


Line of ed.: 13       საუფლოთა მათ ქადაგთა სიტყჳსათა თანაზიარი იქ\მენ,
Line of ed.: 14    წმიდაო მამაო ილარიონ, ზეცისა სუფევასა და ქუე\ყანასაცა
Line of ed.: 15    ზედა თანა მოსაგრე მათდა გამოსჩნდი დასხმითა
Line of ed.: 16    მით ნაწილთა შენთა უბიწოთაჲთა ჴელთა მიერ ღუთის მსა\ხურთა
Line of ed.: 17    მეფეთაჲთა.

Line of ed.: 18       აწ მოიხილე ჩუენ ზედა მოწყალებით, ჵ ღმერთშე\მოსილო
Line of ed.: 19    მამაო, მგალობელთა ამათ წინამე ლარნაკსა
Line of ed.: 20    შენსა, შვილთა და სამწყსოთა შენთა, და ევედრე ჩუენთჳს
Line of ed.: 21    მაცხოვარსა ნეშტსა დღეთა ჩუენთასა აღსრულებად მშჳ\დობით,
Line of ed.: 22    ოხითა შენითა ილარიონ!

Line of ed.: 23       ეჰა, წყალობის მოყუარეო სულო, შეიწირე ძღუენი
Line of ed.: 24    უღირსთაგან ბაგეთა და ნუ დასაშჯელად ჩემდა იქმნებინ
Line of ed.: 25    შესხმაჲ შენი, წმიდაო, არამედ მომიტევე წარმდებად კა\დნიერსა
Line of ed.: 26    ძალისა უაღრესსა ჴელყოფაჲ.

Line of ed.: 27       ბუნებით ერთხარ, ჵ ღმერთო სამებაო, ხოლო გუა\მითა
Line of ed.: 28    სამად იცნობები, განუყოფელი განიყოფვი განუყო\ფელად,
Line of ed.: 29    ხოლო თჳთებანი შენნი შეურევნელად ჰგიან მა\რადის,
Line of ed.: 30    მამაო უშობელო, ძეო მხოლოდ შობილი, და
Line of ed.: 31    სულო წმიდაო გამომავალო.

Page of ed.: 184  
Line of ed.: 1       რომელთა არა ჰრწამ შენ ღუთისმშობლად და ხატსა
Line of ed.: 2    შენსა არა ჰმონებენ, დედაო და ქალწულო უქორწინებე\ლო,
Line of ed.: 3    უტყუ იყვნედ ბაგენი მათნი! ხოლო ჩუენ ზედა, მო\სავთა
Line of ed.: 4    შენთა, მადლი შენი მოვედინ და მოწყალებაჲ შენი
Line of ed.: 5    იყავნ ჩუენგან განუშორებელ.


Next part


This text is part of the TITUS edition of Hymns for the Athonite Saints.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.