TITUS
Hymns for the Athonite Saints
Part No. 25
Previous part

Ode: Ghagh.  
Line of ed.: 8  ღღ̃ყა: წინასწარმეტყუელმან მან


Line of ed.: 9       აწ არაჲ თუ იგავით, არცაღა მოლოდებით, არამედ
Line of ed.: 10    ცხადად ჰხედავ ნათელსა ქრისტეს ღუთისასა წმიდათა სა\შუჱბელსა,
Line of ed.: 11    წმიდაო იოანე, მომიჴსენენ ჩუენ, შემსხმელნი
Line of ed.: 12    დღესასწაულისა შენისანი.

Line of ed.: 13       ნაცვალად ედემისა სამოთხედ განღებულად აქუს ლავ\რაჲ
Line of ed.: 14    შენი ქართველთა ერსა და ღუარითა მით საშუჱბელ\თა
Line of ed.: 15    მისთაჲთა, ოხუჱბით აღვსებულნი, განათლდებიან და
Line of ed.: 16    მადლსა შენსა ქადაგებენ ჴმა მაღლად.

Line of ed.: 17       ევლტოდე, იოანე, ამბოხთა სოფლისათა და დიდე\ბასა
Line of ed.: 18    კაცთა მიერსა, ხოლო ვერვე დაფარნა სათნოებანი
Line of ed.: 19    შენნი ადგილთა წვალებამან, არამედ უფროჲს ნათლის
Line of ed.: 20    ბრწყინვენ აწ საქმენი შენნი.

Line of ed.: 21       ოჳფსკრულად მოძღურებათა გამოგაჩინა მადლმან
Line of ed.: 22    ყოვლად წმიდისა დედუფლისამან, ღირსო, რაჟამს იგი
Line of ed.: 23    ლოცვითა მამისა შენისათა სიმრთელე სულიერი და სული
Line of ed.: 24    სიბრძნისაჲ ოხუჱბით მოგმადლა შენ.


Next part


This text is part of the TITUS edition of Hymns for the Athonite Saints.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.