TITUS
Barsabas of Jerusalem, De Christo et Ecclesiis
Part No. 7
Previous part

Paragraph: 7  
Line of ed.: 7        ჵ საიდუმლოჲ ესე დიდებული, რომელმან შექმნა კაცი
Line of ed.: 8     საჭმლად, რომელმან იგი გუელსა მას ეგრევე ჰრქუა:
Line of ed.: 9     "მიწასამცა სჭამ". რომლისათჳს პავლე იტყჳს: "სუფევდა
Line of ed.: 10     სიკუდილი ადამისითგან ვიდრე მოსესამდე", რაჲმეთუ ყო\ველივე
Line of ed.: 11     კაცი შესაჭმელად იყო სიკუდილისა. ვითარცა იხილა
Line of ed.: 12     ღმერთმან რაჲმეთუ ყოველი კაცი Manuscript page: 234ra  მოკუდებოდა გარდასლვი\თა
Line of ed.: 13     მით ადამისითა, დიდ ძალითა მით წყალობითა თჳსითა,
Line of ed.: 14     ვერღარა დაითმინა დაბადებულისა თჳსისა თჳს, ვითარმცა
Line of ed.: 15     ხედვიდა უკუნისამდე შესაჭმელად სიკუდილისა. მოავლინა
Line of ed.: 16     უკუანაჲსკნელთა მათ ჟამთა პირმშოჲ ძჱ, სიტყუაჲ იგი მისი,
Line of ed.: 17     მარიამის ზედა ქალწულისა, და შეიმოსნა ჴორცნი რაჲთა მს\გავსად
Line of ed.: 18     ჴორციელად შთავიდეს პირველთა შესუენებულთა,
Line of ed.: 19     მოკლას სიკუდილი და აცხოვნოს კაცი, ადამ, მამადმთავარი
Line of ed.: 20     ყოველთა დაბადებულთაჲ, აღდგა მკუდრეთით, და განიძარ\ცუა
Line of ed.: 21     კაცობრივებაჲ და განაცხადა ნათლისცემაჲ, და შეგუმოსა
Line of ed.: 22     ჩუენ დიდებაჲ იგი ადამისი, რომელ შეემოსა პირველ
Line of ed.: 23     შეცოდებადმდე.

Next part


This text is part of the TITUS edition of Barsabas of Jerusalem, De Christo et Ecclesiis.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.