TITUS
Barsabas of Jerusalem, De Christo et Ecclesiis
Part No. 30
Previous part

Paragraph: 30  
Line of ed.: 6        მას რომელმან ეგრე ჰრქუა: "მოვედით და გითხრა
Line of ed.: 7     თქუენ რომელ შემთხუევად არს უკუანაჲსკნელთა დღეთა",
Line of ed.: 8     დააბამს სიტყუად: "რუბენ პირმშოჲ ფიცხლად გამოჩნდი,
Line of ed.: 9     ფიცხლად და თავჴედად რაჲმეთუ აჰჴედ შენ საწოლსა ზედა
Line of ed.: 10     მამისა შენისასა და შეაგინე სარეცელი მისი!" საყუარელნო,
Line of ed.: 11     ჰურიანი ამას წერილსა ესრე ჰგონებენ რაჲმეთუ აჴდა საწოლ\სა
Line of ed.: 12     მამისა თჳსისასა, აჴდა და დაწვა ბალაჲს თანა ხარებისა მის
Line of ed.: 13     მამისა თჳსისა, არამედ ვინ გონიერ იყოს გულისჴმაყოს
Line of ed.: 14     რაჲმეთუ ძალითა წერილნი დაიწერნეს და გულისჴმაგჳყო\ფიეს.
Line of ed.: 15     არა თუ ძისა მისისა რუბენისთჳს იტყჳს არამედ ყოფა\დისა
Line of ed.: 16     მისთჳს ერისა რომელ იგი ეგრე თქუა: "მოგუალეთ და
Line of ed.: 17     გითხრა თქუენ რაჲ ყოფად არს თქუენდა უკუანაჲსკნელთა
Line of ed.: 18     მათ დღეთა". ხოლო ჰურიანი ამას არა გულისჴმაჰყოფენ.
Line of ed.: 19     ხოლო იაკობ წინაჲსწარმეტყუელებს რუბენისთჳს ძისა მის
Line of ed.: 20     Manuscript page: 237ra  უხუცესისა რაჲმეთუ აღჴდა საწოლსა ზედა მამისა თჳსისასა
Line of ed.: 21     და შეაგინა. წინაჲსწარმეტყუელებს ამას ერისა მისთჳს
Line of ed.: 22     ფიცხლისა და თავჴედისა რაჲმეთუ ეგულებოდა მათ აღსლვად
Line of ed.: 23     ცხედარსა მას მამისა თჳსისა, ჴორცთა მათ ქრისტჱსთა და
Line of ed.: 24     შეგინებად ნერწყჳთა პირი მისი: "მისცნა გუერდნი მისნი გუე\მად
Line of ed.: 25     და ღაწუნი მისნი ცემად და არა გარემიიქცია ნერწყჳსაგან
Line of ed.: 26     პირი მისი". უსწრო იაკობმან და წინაჲსწარმეტყუელა
Line of ed.: 27     საიდუმლოჲსათჳს რაჲმეთუ შეგინებად იყო მათა საწოლი იგი
Line of ed.: 28     მამისა მათისა ქრისტჱსი.

Next part


This text is part of the TITUS edition of Barsabas of Jerusalem, De Christo et Ecclesiis.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.