TITUS
John Damascene, Encomium Ioannis Chrysostomi
Part No. 5
Previous part

Page of edition: 138   Line of edition: 1     რამეთუ არა პირუტყუ, არცა ბუნებისა სენ იყო ესევითარობაჲ მისი, არამედ
Line of edition: 2     სიტყჳს მპყრობელობაჲ, რომელი რაინდობდა პირუტყუსა ზედა. და ყოველსავე
Line of edition: 3     Page of ms. A: 42r  სურვილსა ღმრთისა მიმართ აღპყრობილ ჰყოფდა, რომლისათჳს დაბადებულ
Line of edition: 4     იყო, მიექცეოდა უკუჱ სიჩჩოსაცა გემოვნებათასა, ვითარცა ზედა დასაგზებელსა
Line of edition: 5     ცეცხლისასა, და აღირჩევდა სიფიცხესა სათნოებისასა მიმყვანებელთა
Line of edition: 6     განსუჱნებად საუკუნოდ.

Line of edition: 7        ესრეო მცირედ-მცირედ თანა-შეაჩუჱვდა თავსა თჳსსა სიმცირითგან დღითიდღე
Line of edition: 8     წარმატებითა და მარადის იქმნებოდა თავისა თჳსისა უმძლეეს, ვიდრემდის
Line of edition: 9     სრულიად დააძინა ვნებათა, რამეთუ მოღუაწებითითა ჴელოვნებითა მოამდოვრა
Line of edition: 10     და მოაცხრო მძჳნვარებაჲ მრავალჟამეულითა ჩუჱულებითა ანაგებ-ყოფად და
Line of edition: 11     მცირედ-მცირედ ბუნებით ყოფად. რამეთუ შრომაჲ საღმრთოჲსა შემწეობისა
Line of edition: 12     მიმთხუჱული უვნებელობისა მიმმადლებელ არს.

Line of edition: 13        ვინ ვეცხლის-მოყუარებაჲ საჴმართაჲ წინა-განგდებულ ყო, ვინაჲცა
Line of edition: 14     ესოდენ სუროდის მონაგებთა არაქონებისათჳს, ვითარცა სხუათა ქონებისათჳს.
Line of edition: 15     ვეცხლის-მოყუარებასა ვიტყჳ ვნებათა სიმტკიცესა, სასოებისა მოკლებასა,
Line of edition: 16     სარწმუნოებისა წინა-აღმდგომ მბრძოლსა, ვინაჲცა პავლე ღმრთივ ჴმოვანი
Line of edition: 17     ქნარი სულისაჲ, სამოციქულოთა ენათა მრავალჴმოვანი პირი მეორედ კერპთმსახურებად
Line of edition: 18     ამას ჟამიერად სახელ-სდებს. რამეთუ დაუტევის ვინმე საღმრთოჲსა
Line of edition: 19     წინა-განგებისა სასოებითი საჭეთ-მპყრობელობაჲ და საჴმართა შეკრებასა
Line of edition: 20     მიეყრდნის და ესენი იუნჯნის პირველ უმჯობესისა, ვითარცა უკუდავად ცხორებადმან,
Line of edition: 21     და ვითარცა ზღუაჲ ვერღარა განძღებოდის, დაღათუ ფრიადნი
Line of edition: 22     და დიდნი შესდიოდიან მას ოქროჲს მდინარენი. ამათ მიერ არა შეიპყრა აწ
Line of edition: 23     საქებელი ესე, არამედ განგდებასა ზედა ყოვლისასა იქადოდა. რამეთუ განსთხინა
Line of edition: 24     მამული კეთილსაქადული და კეთილსაჩინოჲ. ანტიოქიასა ვიტყჳ აღმოსავალისა
Line of edition: 25     საჭეთ-მპყრობელსა, ნათესავნი და სისხლი წარჩინებულთაჲ, ოქროჲ,
Line of edition: 26     ვეცხლი, ქვანი მრავალსასყიდლისანი, სამოსელნი, რაოდენნი იყვნეს ჩჩჳლ და
Line of edition: 27     სადიდებელო, ყოველნი სხუათა მიუტევნა, ამათ თანა მოქადულობაჲცა და
Line of edition: 28     ძლიერებაჲ სიტყუათაჲ.

Line of edition: 29        და მიიწია მელეტისსა, ანტიოქელთა ეკლესიისა წინა-მჯდომელისა, კაცისა
Line of edition: 30     სიტყჳთ და საქმით ყოვლით-კერძო მიმოგანთქუმულისა და საღმრთოთა მადლთა
Line of edition: 31     მიერ ფრიად განმდიდრებულისა, რომელმან შეიწყნარა იგი ათრვამეტ წლისობად
Line of edition: 32     მიწევნული, და ტრფიალ კეთილისა მის გულისა მისისა იქმნა, ვიდრეღა
Next part


This text is part of the TITUS edition of John Damascene, Encomium Ioannis Chrysostomi.

Copyright TITUS Project, Frankfurt a/M, 10.11.2017. No parts of this document may be republished in any form without prior permission by the copyright holder.