TITUS
John Chrysostom, Commentary on the Pauline Epistles I
Part No. 16
Previous part

Text: Eph.  
Page of ed.: 532  
Section: Intr.  
Line of ed.: 1   უწყებაჲ მიზეზსა ეფესელთა ებისტოლისასა


Line of ed.: 2        ეფესელთა მიმართ წარსცემს ჰრომით, არღა ეხი\\ლვნეს Manuscript page: F39r 
Line of ed.: 3     იგინი, არამედ ასმიოდა მათთჳს.

Line of ed.: 4        და ესე არს მიზეზი ებისტოლისაჲ ამის, რამეთუ ეფესელთა
Line of ed.: 5     შეეწყნარა ქრისტეს ღმრთისა ჩუენისა სარწმუნოებაჲ და მტკიცედ
Line of ed.: 6     ეგნეს სარწმუნოებასა ზედა მისსა და სიყუარულსა ყოველთა წმი\დათასა,
Line of ed.: 7     და ენება, რაჲთა პავლეს მიერცა დაემტკიცნენ. ესე ცნა
Line of ed.: 8     მოციქულმან და მისწერს მათდა წიგნსა ამას წესითა სწავლისაჲთა.
Line of ed.: 9     და პირველად აუწყებს, ვითარმედ არა ახლად გამოჩინებულ არს
Line of ed.: 10     ძალი საიდუმლოჲსა Manuscript page: E264v  ჩუენისაჲ, არამედ პირველითგან და
Line of ed.: 11     უწინარეს სოფლის დაბადებისა განგებულ იყო ესე ნებითა ღმრთი\საჲთა,
Line of ed.: 12     რაჲთა ივნოს ჩუენთჳს ქრისტემან და გუაცხოვნნეს ჩუენ.

Line of ed.: 13        და მერმე წოდებისათჳს წარმართთაჲსა წარმოიტყჳს, რაჲთა
Line of ed.: 14     უჩუენოს, ვითარმედ ჯეროვნად ჰრწმენა მათ, და ეტყჳს, ვითარმედ:
Line of ed.: 15     ჩინებაჲ ჩუენი არა კაცთა მიერ იქმნა, არამედ იესუ ქრისტეს მიერ,
Line of ed.: 16     რომელ-იგი არს ძე ღმრთისაჲ, რაჲთა ესრეთ ისწაონ, ვითარმედ
Line of ed.: 17     არა კაცისა მსახურ იქმნნეს, ჰრწმენა რაჲ ქრისტე, არამედ ჭეშ\მარიტად
Line of ed.: 18     ღმრთისმსახურ, და აუწყებს თავისა თჳსისასა, ვითარმედ
Line of ed.: 19     ამის ჯერისათჳს წარვლინებულ არს ხარებად, და რამეთუ ზრუნვიდა
Line of ed.: 20     მათთჳს.

Line of ed.: 21        და მერმე სწავლისა სიტყუათა მიუწერს მათ ზოგად ყოველთა
Line of ed.: 22     მიმართ -- მამათა და დედათა, მშობელთა და შვილთა, უფალთა და
Page of ed.: 533   Line of ed.: 1     მონათა, და ყოველთავე ერთობით აღშჭურავს სატანაჲს მიმართ და
Line of ed.: 2     ეშმაკთა მისთა, და ეტყჳს, ვითარმედ: მათდა მიმართ არს ბრძოლაჲ
Line of ed.: 3     ჩუენი. და ესრეთ რაჲ ვითარცა კეთილმან განმასულნელებელმან
Line of ed.: 4     განასულნელნა იგინი სიტყუათა მათ მიერ წმიდათა, და აღლესნა
Line of ed.: 5     წყობად ეშმაკისა, აღასრულა ებისტოლე თჳსი.



Next part


This text is part of the TITUS edition of John Chrysostom, Commentary on the Pauline Epistles I.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.