GNC
Author: Ant.Bagr. 
Anṭoni I. Bagraṭioni
Work: Cqob. 
C̣q̇obilsiṭq̇vaoba

On the basis of the edition
Anṭon Bagraṭioni,
C̣q̇obilsiṭq̇vaoba.
Gamosacemad moamzada, gamoḳvleva, ḳomenṭarebi da leksiḳoni daurto
Ivane Lolašvilma,
Tbilisi: Mecniereba 1980
entered for the GNC project by Manana Bukia, Eka Mshvenieradze and Tamuna Saneblidze
under the supervision of Irakli Garibashvili,
Tbilisi, 2016;
TITUS version by Jost Gippert,
Frankfurt a/M, 19.1.2017



Mss.:
A = A-334
B = S-346
C = Sak.Ark. 325
D = H-192
E = S-1
F = H-2307
P = S-1464



Part: 1 
Page of ed.: 135 
Line of ed.: 1  ნაწილი პირველი

Line of ed.: 2  ღმრთის-მეტყუელებისათჳს
Chapter: 1  
Page of ed.: 135  
Line of ed.: 3  თავი I

Line of ed.: 4  თჳს სამობისა და ერთობისა


Strophe: 1.  
Verse: a   Line of ed.: 5    1.   ერთი არს ზესთა დაუსაბამო კეთილ,
Verse: b   Line of ed.: 6       ზესთ-ნათლოვანი, ერთობა სამ-პირებით,
Verse: c   Line of ed.: 7       უდასაბამო და უმიზეზო-ყოფის,
Verse: d   Line of ed.: 8       ერთის წყაროჲსგან ორნი ნეკტარნი მყოფნი,
Verse: e   Line of ed.: 9       ვითარ მზისაგან შარავანდი და ბრწყინვა.

Strophe: 2.  
Verse: a   Line of ed.: 10    2.   გამოაბრწყინვებს მისგან გამოკრთოლვილსა
Verse: b   Line of ed.: 11       სიტყუას გონება ზესთა სავსედ ნათლოვნად,
Verse: c   Line of ed.: 12       ვითარ მზე მისგან ნაბრწყინსა შარავანდსა,
Verse: d   Line of ed.: 13       განუშორებლად ყოვლად მას შინა მყოფად,
Verse: e   Line of ed.: 14       ვითარ გუასწავა ღმრთის-მეტყუელმან კირილე.

Strophe: 3.  
Verse: a   Line of ed.: 15    3.   სულიცა მისვე გონებისაგან წყაროჲს
Verse: b   Line of ed.: 16       გამოვალს, ვითარ დაგჳწერეს მამათა,
Verse: c   Line of ed.: 17       არა თუ შობის გუარი არს გამოსლვაი.
Verse: d   Line of ed.: 18       გარნა სხუად ვიცნობთ შობას, სხუაგუარ -- გამოსლვას
Verse: e   Line of ed.: 19       აღწერილთაებრ ღმრთის-მეტყუელთ თეატროთა.

Strophe: 4.  
Verse: a   Line of ed.: 20    4.   მნებავს მამისა უფროჲს თქმა, რომლისაგან
Verse: b   Line of ed.: 21       სწორება სწორთა ორთა აქუს მათდა ყოფა,
Verse: c   Line of ed.: 22       გარნა მეშინის დასაბამის, ნუ სადა
Verse: d   Line of ed.: 23       უდარესთა ვჰყო დასაბამ არა-ცნობილ,
Verse: e   Line of ed.: 24       დავისაჯომცა განმხრწნელთაებრ განმყოფთა.

Page of ed.: 136  
Strophe: 5.  
Verse: a   Line of ed.: 1    5.   ვჰრიდებ შენსაცა ესდენ უძღებებასა,
Verse: b   Line of ed.: 2       ჩემ-ძლით ნუ სადა მსმენმან უფროსობისა
Verse: c   Line of ed.: 3       ორად განჰკუეთო განუჭრელი ბუნება
Verse: d   Line of ed.: 4       ყოველთა შორის უფროჲსისა ჴმევითა
Verse: e   Line of ed.: 5       და განჭრა სამად ერთობა სამობისა.

Strophe: 6.  
Verse: a   Line of ed.: 6    6.   მამა არათუ ბუნებითა არს უფროს,
Verse: b   Line of ed.: 7       არამედ -- უფროჲს მიზეზობითა იგი,
Verse: c   Line of ed.: 8       რამეთუ არცა არს თანა-არსთაგანი,
Verse: d   Line of ed.: 9       არსებით უფროს, ანუ უმცროს მეორის,
Verse: e   Line of ed.: 10       ფილოსოფოსთა სქესებრივთა თქმათაებრ.

Strophe: 7.  
Verse: a   Line of ed.: 11    7.   მნებავს ძისაცა უფროჲს პატივის-ცემა,
Verse: b   Line of ed.: 12       ვითარცა ძისა, სულისა -- უაღრესად;
Verse: c   Line of ed.: 13       არა შემინდობს მე წმიდა ნათლის-ღება,
Verse: d   Line of ed.: 14       შესრულებული იგი სულისა მიერ,
Verse: e   Line of ed.: 15       ვითარ ყოველნი განათლებულ ვართ ამით.

Strophe: 8.  
Verse: a   Line of ed.: 16    8.   უფროსობაი ითქმის ესეგუართაგან:
Verse: b   Line of ed.: 17       ანუ სიტყჳთა, ანუ მიზეზობითა,
Verse: c   Line of ed.: 18       ანუ ძალითა, ანუ აღმატებითა,
Verse: d   Line of ed.: 19       ანუ სიზრქითა სიმდიდრისაჲთა კუალად.
Verse: e   Line of ed.: 20       ისმინე, მსმენო კეთილ-მსახურო, ესე:

Strophe: 9.  
Verse: a   Line of ed.: 21    9.   სიტყჳთა -- ვითარ არსება ზედ-შესრულთა,
Verse: b   Line of ed.: 22       ძალითა -- ვითარ თჳთ-მიმდრეკი სხეულსა,
Verse: c   Line of ed.: 23       აღმატებითა -- ვითარ საყდარნი სხუათა,
Verse: d   Line of ed.: 24       სიმდიდრის სიზრქით -- ვით განფენილი წერტილს,
Verse: e   Line of ed.: 25       მიზეზით -- ვითარ ნათესავი სახესა.

Strophe: 10.  
Verse: a   Line of ed.: 26    10.   არცა ერთისა ამათგანისა სიტყუა
Verse: b   Line of ed.: 27       შევიდეს შორის ზესთა ღმრთითა სამობის,
Verse: c   Line of ed.: 28       ვინაჲთგან სიტყუა ეთქმის საკუთრად ძესა;
Verse: d   Line of ed.: 29       მაშა, გონება უსიტყუო არა-ოდეს,
Verse: e   Line of ed.: 30       არცა უსულო გუასმიეს სადაღამე.

Strophe: 11.  
Verse: a   Line of ed.: 31    11.   თუ მყის თანად არს სამობა იგი წმიდა,
Verse: b   Line of ed.: 32       მაშასადამე, უფროსობანი იგი
Verse: c   Line of ed.: 33       წინათქმულები შევიდეს არცა ერთი.
Verse: d   Line of ed.: 34       ამით დაიყავნ პირები მწვალებელთა _
Verse: e   Line of ed.: 35       არიოსის და ევნომიოსის ბილწთა.

Page of ed.: 137  
Strophe: 12.  
Verse: a   Line of ed.: 1    12.   აღმსარებელნი შორის სამ-წმიდაობის _
Verse: b   Line of ed.: 2       მამისა ღმრთისა, და ძისა და სულისა
Verse: c   Line of ed.: 3       უფროსობისა თჳთოთ აღსავალთაებრ
Verse: d   Line of ed.: 4       ანუ პატივით, ანუ უაღრესობით
Verse: e   Line of ed.: 5       შე-მცა-იჩუენნენ სამ-წმიდითავე ჴმითა.

Strophe: 13.  
Verse: a   Line of ed.: 6    13.   ზესთ-ღმერთთ-მთავრებრი ბუნება იგი წმიდა
Verse: b   Line of ed.: 7       მებრ განცხადების საიდუმლოდ გამოჩნდა,
Verse: c   Line of ed.: 8       იორდანეს რაჲ ნათელს-იღებდა სიტყუა;
Verse: d   Line of ed.: 9       არ-გუამოვნების შერევნითა გუეცხადა,
Verse: e   Line of ed.: 10       თჳთებათ წესი, არა-ცვალვითა მგები.

Strophe: 14.  
Verse: a   Line of ed.: 11    14.   შეურევნელ არს სამ-გუამოვნება იგი
Verse: b   Line of ed.: 12       და დამტკიცებულ თჳთება-საცნობელად.
Verse: c   Line of ed.: 13       არ-თჳთებათა მიცვალვით ურთიერთ-არს,
Verse: d   Line of ed.: 14       რათამცა ნიშნი იცვალნეს ურთიერთ-არს.
Verse: e   Line of ed.: 15       სწამებს თეატრო დიდებულთა მამათა.

Strophe: 15.  
Verse: a   Line of ed.: 16    15.   ცვალება ვითარ მამულისა ნიშისა
Verse: b   Line of ed.: 17       იცვალოს ძისად ან გარდვიდეს სულისად;
Verse: c   Line of ed.: 18       კუალად, ანუ ძის სულს შეეთჳსოს რაჲმე,
Verse: d   Line of ed.: 19       ანუ სულისა მიზეზსა, ანუ ძესა,
Verse: e   Line of ed.: 20       ვინაჲთგან წესი თჳთებათა მტკიცე არს.

Strophe: 16.  
Verse: a   Line of ed.: 21    16.   ერთობითსა მას ბუნებისას რაჲ ვსჭურეტდე,
Verse: b   Line of ed.: 22       არ-ზიარება თჳთებათ მეცხადების,
Verse: c   Line of ed.: 23       განყოფისათჳს თჳთებათა სიმტკიცის,
Verse: d   Line of ed.: 24       ესე იგი არს, შერევნა ანუ ცვალვა.
Verse: e   Line of ed.: 25       ეს გაიგონე, მსმენო კეთილ-მსახურო!

Strophe: 17.  
Verse: a   Line of ed.: 26    17.   თჳთება მამის არს არავისგან ყოფა,
Verse: b   Line of ed.: 27       რომელი-ესე გუარწმუნებს მიზეზობას.
Verse: c   Line of ed.: 28       ესე თჳთება არც ძისა არს, არც სულის,
Verse: d   Line of ed.: 29       ვინაჲთგან მამა მხოლო არს ორთა მიზეზ,
Verse: e   Line of ed.: 30       და შეუძლებელ მათთჳს მიცემად ესე.

Strophe: 18.  
Verse: a   Line of ed.: 31    18.   უკუეთუ სიტყუა შეიქმნა პირველ არსთა,
Verse: b   Line of ed.: 32       რადღა სადამე ეწოდების მას სიტყუა?
Verse: c   Line of ed.: 33       არცა სადამე უზენაეს იყოსმცა!
Verse: d   Line of ed.: 34       ვინაჲთგან მზისა უცხო არს გამოკრთოლვის,
Verse: e   Line of ed.: 35       რად შარავანდად მზისა უწოდეს ცოფთა?

Page of ed.: 138  
Strophe: 19.  
Verse: a   Line of ed.: 1    19.   უკუეთუ სიტყუა მამისა არს სიტყუაი,
Verse: b   Line of ed.: 2       უგონებოი არა იყოსმცა იგი!
Verse: c   Line of ed.: 3       ნაწილ სადამე აქუს მამის გონებისა
Verse: d   Line of ed.: 4       და ცხოვრებისა ზესთა მისისა ზიარ
Verse: e   Line of ed.: 5       იყოსმცა, ვითარ თანაარსი მამისა.

Strophe: 20.  
Verse: a   Line of ed.: 6    20.   ევნომი ზიარ არიანოსთა, უწყით,
Verse: b   Line of ed.: 7       რომელთა ჰგონეს სიტყჳს შექმნა მამისგან,
Verse: c   Line of ed.: 8       გარნა თქუა პირველ მათთჳს დამჴობად დავით:
Verse: d   Line of ed.: 9       "საშოჲთ, მთიების უწინარესო გშევ შენ",
Verse: e   Line of ed.: 10       ხოლო სიტყჳთა თქუა ცათა დამტკიცება.

Strophe: 21.  
Verse: a   Line of ed.: 11    21.   სული წმიდა არს ღმერთი, ღმრთისაგან მამის
Verse: b   Line of ed.: 12       მხოლოჲსგან წყაროჲს გამოსრულ არს ძეებრ,
Verse: c   Line of ed.: 13       რომელსა ძისგან მოვიღებთ მორწმუნენი,
Verse: d   Line of ed.: 14       ვითარცა ბროლსა, მდინარესა ცხოველსა,
Verse: e   Line of ed.: 15       უკუდავების და განცხოველების მიზეზს.

Strophe: 22.  
Verse: a   Line of ed.: 16    22.   ძე -- მამისაგან, სულიც -- მისგანვე მამის,
Verse: b   Line of ed.: 17       ორნივ დაღათუ -- სხუა და სხუა-გუარად ესე,
Verse: c   Line of ed.: 18       ვით მჴურვალება და ნათელი ცეცხლისგან
Verse: d   Line of ed.: 19       სხუა და სხუა-გუარად ჩანან სახილველობით,
Verse: e   Line of ed.: 20       მცნობელობითთა ძალთაებრ უწყებულნი.

Strophe: 23.  
Verse: a   Line of ed.: 21    23.   დაღათუ სული ძისადცა იწამების,
Verse: b   Line of ed.: 22       ვითარ ვისწავეთ საკჳრველისგან პავლჱს,
Verse: c   Line of ed.: 23       გარნა არა თუ გამოსლვა აქუნდეს ძისგან,
Verse: d   Line of ed.: 24       არცაღა მიზეზ ძე სულისა არს იგი,
Verse: e   Line of ed.: 25       რამეთუ მხოლო მამა არს ორთა მიზეზ.

Strophe: 24.  
Verse: a   Line of ed.: 26    24.   სული წმიდაი ანუ თავით თჳსით მდგმოდ,
Verse: b   Line of ed.: 27       ან სხჳსა შორის ჯერ-არს სახილველობად.
Verse: c   Line of ed.: 28       ორთაგან ამათ ერთი ითქმის არსებად,
Verse: d   Line of ed.: 29       ხოლო მეორე შემთხუევითად გამოჩნდეს,
Verse: e   Line of ed.: 30       ღმრთის-მეტყუელისა გრიგორისთა თქმათაებრ.

Strophe: 25.  
Verse: a   Line of ed.: 31    25.   ესე ყოვლისა გმობისა არს უძჳრეს,
Verse: b   Line of ed.: 32       რათა შემთხუევა ითქუას ზედა ღმრთაების,
Verse: c   Line of ed.: 33       ხოლო სული არს ღმერთი, ვითარცა მამა,
Verse: d   Line of ed.: 34       და თანა-არსი მამისავე და ძისა.
Verse: e   Line of ed.: 35       აღივსნედ კდემით მაკედონეთნი პირნი!

Page of ed.: 139  
Strophe: 26.  
Verse: a   Line of ed.: 1    26.   ითქმოდედ ესე და იგალობებოდედ,
Verse: b   Line of ed.: 2       ვითარმედ: სული -- ღმერთ, ცათა დამამტკიცი,
Verse: c   Line of ed.: 3       მხოლოდ მამისაგან წარმო არს გამომავალ
Verse: d   Line of ed.: 4       და არა ძისგან, ვითა იჩქურა ახლად
Verse: e   Line of ed.: 5       ფლორენცას კოლტმან მგელთამან უსირცხჳლოდ.

Strophe: 27.  
Verse: a   Line of ed.: 6    27.   ურთიერთიდთა დატევნისა მქონებელ
Verse: b   Line of ed.: 7       არს პირობითი სამობა იგი გუამებთ
Verse: c   Line of ed.: 8       და უჟამონი ერთად დაუსაბამოდ.
Verse: d   Line of ed.: 9       ამისთჳს არა განწვალებასა ვჰგონებთ
Verse: e   Line of ed.: 10       აღმსარებელნი განუყოფელობისა.

Strophe: 28.  
Verse: a   Line of ed.: 11    28.   განწვალვას სამთა გუამთას არიოსისებრ
Verse: b   Line of ed.: 12       და შეწვალებას საბელიანთა წესით
Verse: c   Line of ed.: 13       განვაგდებთ, ვითარ გუასწავა სამღუდელომან
Verse: d   Line of ed.: 14       სამას ათრვამეტთ ნიკეას შეკრებამან
Verse: e   Line of ed.: 15       კოსტანტინესთა დროთა მეფობისათა.


Next part


This text is part of the TITUS edition of Antoni I. Bagrationi.

Copyright TITUS Project, Frankfurt a/M, 19.1.2017. No parts of this document may be republished in any form without prior permission by the copyright holder.