TITUS
Antoni I. Bagrationi
Part No. 23
Previous part

Chapter: 3  
Page of ed.: 210  
Line of ed.: 17  თავი III


Line of ed.: 18  თუესა ნოემბერსა 10.


Line of ed.: 19  წმიდისა დიდისა მოწამისა კოსტანტინე მთავრისა


Strophe: 436.  
Verse: a   Line of ed.: 20    436.   კოსტანტინემან მთავარმან ბრწყინვალემან
Verse: b   Line of ed.: 21       ჯუარით მორთხმულ ჰყო თავი თჳსი წყობასა
Verse: c   Line of ed.: 22       არა-ხილულთა მტერთა სპარაზენთასა,
Verse: d   Line of ed.: 23       ლახუარ ჴელთ-იდვა, უშიშ-ყოფა -- ბრძენ-მჴნემან
Verse: e   Line of ed.: 24       და დასცნა ესრეთ სამ-მდგომნი უნივთონი.

Strophe: 437.  
Line of ed.: 25    437.   ვითარმე ვსთქმიდე შესხმად მძრველი ბაგითა
Line of ed.: 26       ანუ ღრამითა ნიშნოვანითა, მჴნეო,
Page of ed.: 211   Line of ed.: 1       ვნებათა შენთა ყუავილთა ფერადობას,
Line of ed.: 2       რომელი-იგი იყნოსა სუნად სუნნელ
Line of ed.: 3       მეწალკოტემან, მზემან ზესთა ღმერთთამან?

Strophe: 438.  
Verse: a   Line of ed.: 4    438.   სული ტრფის შენდა, გონება რბის მსწრაფლიად,
Verse: b   Line of ed.: 5       ვინ სატრფიალოს ნამდვილსა ეტრფიალე;
Verse: c   Line of ed.: 6       კუალად გონება აკრთოლვებს არა-ღირსთა
Verse: d   Line of ed.: 7       სიტყუათა, გარნა სურვილისაებრ ვითარ
Verse: e   Line of ed.: 8       ღირსი რაიმე ძღუენი მიიღენ, მჴნეო.

Strophe: 439.  
Verse: a   Line of ed.: 9    439.   გწყუროდა სიბრძნით სიკუდილი სიბრძნისათჳს
Verse: b   Line of ed.: 10       ანტლია-ქმნილსა წყლისა ცხოველისასა,
Verse: c   Line of ed.: 11       ვინა შინაგნით გხადოდა, კოსტანტინე,
Verse: d   Line of ed.: 12       მისლვად მამისა ნათელთასა, წმიდაო,
Verse: e   Line of ed.: 13       რომლით სიზმარნი სცვალენ უკუდავ-ცხოვრებად.


Line of ed.: 14  დიდება


Strophe: 440.  
Verse: a   Line of ed.: 15    440.   მოსაგებელნი ძლევისანი მარტჳლმან,
Verse: b   Line of ed.: 16       ძლევისა სიმჴნით მოყუარემან იკუთნა,
Verse: c   Line of ed.: 17       სწამა ქრისტესი ღმრთაება ურცხუენელად;
Verse: d   Line of ed.: 18       ამისთჳს ქრისტეს სუფევისა ზიარმან
Verse: e   Line of ed.: 19       ნივთნი აქ დაჰჴსნნა, სული აღაღმრთის-ჴელა.


Line of ed.: 20  აწდა ჯუარ-ღმრთისმშობლისა


Strophe: 441.  
Verse: a   Line of ed.: 21    441.   ჯუარნი ვნებათა აღვიკიდენ მე ნებსით,
Verse: b   Line of ed.: 22       ხოლო რომელი აღვსთქჳ აღებად ჯუარი
Verse: c   Line of ed.: 23       ჯუარცმულისა და ძისა შენისა, სძალო,
Verse: d   Line of ed.: 24       დავსდევ, გარნა შენ მიძღოდე მისვე მიმართ
Verse: e   Line of ed.: 25       და მყავ ღირს ტჳრთვად მასვე, მიმადლებულო.


Page of ed.: 212  
Line of ed.: 1  თთუესა ნოემბერსა 17.



Line of ed.: 2  წმიდისა დიდისა მოწამისა მიხაილისა,
Line of ed.: 3  რომელსა ეწოდა გობრონ


Strophe: 442.  
Verse: a   Line of ed.: 4    442.   განდიდნა ჯილდო ქრისტეს მჴედართა მდიდრად,
Verse: b   Line of ed.: 5       იმკო ბრწყინვალედ დიადიმა ქვათაგან
Verse: c   Line of ed.: 6       უსასყიდლოთა, რამეთუ მათ გუელისა
Verse: d   Line of ed.: 7       შემუსრეს თავი, მთხეველი წყალთა ბილწთა,
Verse: e   Line of ed.: 8       რომელთა შორის საჩინოებს მიხაილ.

Strophe: 443.  
Verse: a   Line of ed.: 9    443.   სისხლნი არმაღნად, ვნებანი ძჳრფას სპეკლად,
Verse: b   Line of ed.: 10       იგიც მისართმოდ მოისიბრძნა მიხაილ
Verse: c   Line of ed.: 11       ქრისტესდა, მისმან ტრფიალმან ტრფიალებით;
Verse: d   Line of ed.: 12       ცანი ქუემონი აღვლნა სიმჴნისა ფრთითა
Verse: e   Line of ed.: 13       უზემოესად დადგრომილმან დიდებით.

Strophe: 444.  
Verse: a   Line of ed.: 14    444.   მზეობს მიხაილ, ვარსკულავებენ მოყუასნი
Verse: b   Line of ed.: 15       სფერასა ზედა ვნებისასა ბრწყინვალედ,
Verse: c   Line of ed.: 16       სად-ა სქეტ ქრისტე, სიბრძნე ღმრთისა მამისა;
Verse: d   Line of ed.: 17       ეჰა, საკჳრვო საიდუმლო წყალობის,
Verse: e   Line of ed.: 18       ვითარ მონანი ზიარ იქმნნეს უფლისა!

Strophe: 445.  
Verse: a   Line of ed.: 19    445.   მარტჳლთა ბრძენთა, ქრისტეს -- ღმრთისა სიბრძნისა _
Verse: b   Line of ed.: 20       ზიართა ვნების წარმოდგა ერის კრება,
Verse: c   Line of ed.: 21       ჴელთა მქონენი შესხმისა ყუავილებთა.
Verse: d   Line of ed.: 22       განშუენდით ცანი, შეიმკვენით მნათობნი
Verse: e   Line of ed.: 23       და ქუეყნიერნი აღივსენით მადლითა!


Line of ed.: 24  დიდება


Strophe: 446.  
Verse: a   Line of ed.: 25    446.   ტკბილ-საამებელ პირით შესხმის-მოქმედთა
Verse: b   Line of ed.: 26       ჴსენება შენთა მოწამეთა, უფალო,
Verse: c   Line of ed.: 27       რამეთუ ვნებად იტრფეს შენთჳს და სიკუდიდ,
Verse: d   Line of ed.: 28       ვითარ ესერა დღეინდელმან კრებამან
Verse: e   Line of ed.: 29       მიხაილისნი ცხად-ჰყო შენთჳს თმენანი.


Line of ed.: 30  აწდა ჯუარ-ღმრთისმშობლისა


Strophe: 447.  
Line of ed.: 31    447.   ერმან ოდესმე მკუთნველმან ღმრთის-მკლველობის
Line of ed.: 32       ტარიგი ვნებად, მტჳრთველი ჭირთა ჩუენთა
Page of ed.: 213   Line of ed.: 1       აღიღო ჯუარად. მაშინ ტარიგი წმიდა,
Line of ed.: 2       უბიწოდ მეშვი, ტკივილთა ჯუარსა ზედა
Line of ed.: 3       მვნები, ისრითა მოწყლულ იყო მწარითა.


Line of ed.: 4  თუესა ნოემბერსა 19.



Line of ed.: 5  ღირსისა მამისა ჩუენისა ილარიონ საკჳრველთ-მოქმედისა


Strophe: 448.  
Verse: a   Line of ed.: 6    448.   ცისკარ დიდ-ნათელ ჩუენდა გამოჰბრწყინდი შენ
Verse: b   Line of ed.: 7       ელვითა მდიდრად მოძღურებათაჲთა, ბრძენო;
Verse: c   Line of ed.: 8       წიგნთა თარგმნითა და სწავლათა ხუავითა,
Verse: d   Line of ed.: 9       წრფელ დოღმატითა აღგუავსენ მოწაფენი,
Verse: e   Line of ed.: 10       ჩუენ -- შედგომილნი შენთა მოძღურებათანი.

Strophe: 449.  
Verse: a   Line of ed.: 11    449.   ნაპრალით კლდისაჲთ გარესჯისაჲთ, მამაო,
Verse: b   Line of ed.: 12       აღმაღლდი ზენა სიმაღლედ, ილარიონ;
Verse: c   Line of ed.: 13       ველით უდაბნოჲთ იორდანისაჲთ, დიდო,
Verse: d   Line of ed.: 14       ანგელოსთასა საზღვარსა მისწუეთ კნინღა.
Verse: e   Line of ed.: 15       აქ დაჰხედ, მზეო, იმსრბოლე ცად მესამედ.

Strophe: 450.  
Verse: a   Line of ed.: 16    450.   საბუნებოჲსა სიყუარულისა სჯულსა
Verse: b   Line of ed.: 17       ჰკუეთდ მახჳლითა, რომელ მიჰფინა სიტყუამ,
Verse: c   Line of ed.: 18       ცეცხლსა მათისა სურვილისასა სიბრძნით
Verse: d   Line of ed.: 19       ცეცხლისა მიერ სურვილისა საღმთოჲსა
Verse: e   Line of ed.: 20       ჰშრეტდი სხუა ვინმე შეცურეული ბაბილონს.

Strophe: 451.  
Verse: a   Line of ed.: 21    451.   აღმოსავალსა მიუთხრობს დასავალი
Verse: b   Line of ed.: 22       და ცანი -- ცათა შრომათა შენთა, ბრძენო,
Verse: c   Line of ed.: 23       რამეთუ აქაჲთ დაღათუ აღმობრწყინდი,
Verse: d   Line of ed.: 24       დასავალადმდე შარავანდითა მისწუეთ
Verse: e   Line of ed.: 25       და ეკლესიით -- პირმშოდმდი ეკლესიად.

Strophe: 452.  
Verse: a   Line of ed.: 26    452.   მძნობმან რა   იმსთო   აქაჲთგან   ცემად ალქატ,
Verse: b   Line of ed.: 27       არ შენდა   ლაღმან,   ვინ ზე აღჰჴდი,   ეანტო,
Verse: c   Line of ed.: 28       მამათა   აწ სამ   ილარიონ დიდ,   ვინ შენ
Verse: d   Line of ed.: 29       ადგილთ მათგან   რტო,   შენ გარნა   აქაჲთ წარჰჴდი,
Verse: e   Line of ed.: 30       ორ   ირის,   ერმი   ნიადაგ ძლევას იმოს.


Page of ed.: 214  
Line of ed.: 1  თთუესა ნოემბერსა 29.



Line of ed.: 2  წმიდისა მღუდელ-მოწამისა აბიბოს ნეკრესელ ეპისკოპოსისა


Strophe: 453.  
Verse: a   Line of ed.: 3    453.   აბიბოს ბრძენსა, მცხინვარედ აღმომზესა,
Verse: b   Line of ed.: 4       ნათლისა ძესა, ვნებათა ზესთა-ზესა,
Verse: c   Line of ed.: 5       გონება-დღესა, ცნობათა განმადღესა,
Verse: d   Line of ed.: 6       ბრკმულთა მაგესა მადლ-მადენსა ბაგესა,
Verse: e   Line of ed.: 7       მმარხველთა მზესა, ვუძღუნი დღეს შესხმა-ლექსსა.

Strophe: 454.  
Verse: a   Line of ed.: 8    454.   მარტჳლთა შენთა, სიტყუაო, სისხლ-ნადენთა,
Verse: b   Line of ed.: 9       ყოვლად მრთელ-ბრძენთა, მკურნალ მაოტთა სენთა,
Verse: c   Line of ed.: 10       მარად საჴსენთა, მირონთ აღმომაცენთა,
Verse: d   Line of ed.: 11       ბნელთა მათენთა, მადლთ სოლინარ-სადენთა,
Verse: e   Line of ed.: 12       მეოხთა ჩუენთა ვუძღვნი სიტყჳერ ძღუენთა.

Strophe: 455.  
Verse: a   Line of ed.: 13    455.   პირ-ოქრო ქსული, ნივთი, ზენაით ქმნული,
Verse: b   Line of ed.: 14       არ-წმასნით სთული, მარტივ რაიმე თხზული,
Verse: c   Line of ed.: 15       დოღმატი თნული, შენი ჩუენდამო თქმული,
Verse: d   Line of ed.: 16       შენ მიერ ზმნული, მოძღურება საღმრთოდ ბრძნული!
Verse: e   Line of ed.: 17       მას უკუე სული სწამებს ზეცით მოსრული.


Next part


This text is part of the TITUS edition of Antoni I. Bagrationi.

Copyright TITUS Project, Frankfurt a/M, 19.1.2017. No parts of this document may be republished in any form without prior permission by the copyright holder.