TITUS
Agathangelos
Part No. 16
Previous part

Chapter: 16  
Line: 30    Sentence: 1   Ընթերցեալ զԹորգոմայ ազգիս, զՀայաստան
Line: 31    աշխարհիս զաստուածապարգեւ աւետեացն
Line: 32    աւետարանին քարոգելոյ բանին կենաց,
Line: 33    թէ ո́րպէս կամ զիա́րդ ընկալան, եւ ո́րպիսի արամբ,
Line: 34    կամ ո́ ոք ուստեք, որ զայս նորոգատուր
Line: 35    զառաքելաբար շնորհս յանձին ցուցանելով, այնպիսի
Line: 36    աստուածեղէն շնորհեւք երեւեցաւ։ Sentence: 2   Եւ վասն
Line: 37    նորին լուսաւոր վարդապետութեանն եւ հրեշտակակրօն
Line: 38    վարուցն առաքինութեան եւ կարգացն,
Line: 39    ազնուական համբերութեանցն շնորհալից մեծազօր
Line: 40    նահատակին, որ եւ խոստովանող Քրիստոսի
Line: 41    գտեալ եւ վկայ ճշմարտութեան. Sentence: 3   եւ կամ ո́րպէս
Line: 42    յայնմ հետէ շինութիւն եւ խաղաղութիւն, լիութիւն
Line: 43    եւ պտղաբերութիւն եւ բժշկութիւն աղօթիւք նորա
Line: 44    շնորհեցաւ յԱստուծոյ։ Sentence: 4   Եւ թէ զիա́րդ նորուն
Line: 45    աստուածսիրութեամբ եւ Քրիստոսի զօրութեամբ
Line: 46    նմա տուելով անկան փշրեցան ունայնութեան
Line: 47    պաշտամունքն, եւ աստուածպաշտութիւն
Line: 48    տարածեցաւ ընդ ամենայն երկիրս Հայոց։

Line: 49    Sentence: 5   Եւ կամ ո́րպէս շինեցան եկեղեցիք ի Հայաստան
Line: 50    աշխարհիս, եւ քակեցան ունայնութեան
Line: 51    պաշտամունքն, այն որ ի սովորական մոլորուենէ
Line: 52    նախնեացն, ընդվայրակոշկոճ, գրթախաղաց
Line: 53    քարանցն եւ փայտիցն յիմարութիւնքն էին,
Line: 54    եւ ուրուապաշտ թմբրութիւնքն անզգայութեանց.

Line: 55    Sentence: 6   իբրեւ արբեալք անմտութեամբքն, պակուցեալք
Line: 56    շռայլութեամբն մեղաց, դիւցախելառ մրրովն
Line: 57    գնային ի մէջ ծովացեալ մեղացն չարութեան։

Line: 58    Sentence: 7   Որ կամօքն Քրիստոսի քարող գտեալ արդարուսոյց
Line: 59    ամենեցուն Հայաստան աշխարհիս, չկապել
Line: 60    ընդ գարշապարս մեղաց ի ծովանման յաշխարհիս
Line: 61    յայսմիկ։ Sentence: 8   Այլ ի հողմախաղաղ յանքոյթ
Line: 62    նաւահանգիստն հասեալ աստուածահօրն շինուեան,
Line: 63    կենաց մշտնջենականաց անդ պատրաստեաց
Line: 64    օթեվանս նոցա։

Next part


This text is part of the TITUS edition of Agathangelos.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.