TITUS
Frik, Diwan
Part No. 2
Previous part

Poem: 2   Բ.
Line: 1  Verse: 1  
ՏԱՂ ՖՐԿԱՆՆ ԱՍԱՑԵԱԼ.
Line: 2  Verse: 2  
ԽՐԱՏ ԲԱՐՈՅ Ի ԴԷՄ ԶՂՋՄԱՆ ՄԵՂԱՑ ԵՒ ՀԱՌԱՉԱՆՔ
Line: 3  Verse: 3  
Ի ԽՈՐՈՑ ՍՐՏԷ ԱՌ ԱՍՏՈՒԱԾ։
Line: 4 
4--4 \\ 4-4


Line: 5  Verse: 4     Աններելի հուր վառեցի ւ̆անոհգ յաշխարհս ի շուռ կուգամ,
Line: 6  Verse: 5     
Վախեմ, թէ յայն աւրն ատենին ես բարեխաւս զոք չունենամ։
Line: 7  Verse: 6     
Վասն իմ բազում մեղք ու չարին զաւր ու գիշե́րըն կու հոգամ,
Line: 8  Verse: 7     
Յահէն ահեղ դատաստանին զինչ սեւացեալ ամպ կու ցաւղամ։
Line: 9  Verse: 8     
Յորժամ յիշեմ զինչ գործեցի տարակուսեալ կամ ւ̆երերամ,
Line: 10  Verse: 9     
Երբ զահաւոր Դատողն յիշեմ՝ ես յայն յահէն քան զուռ դողամ։
Line: 11  Verse: 10     
Կու սարսափի ոսկերքս ամէն, ջերմըն կալնու՝ հիւանդանամ,

Page: 252  
Line: 1  Verse: 11     
Ի սպառնալեացն եմ զարհուրել, չեմ ի գիտեր թ̆ ու՞ր կը գընամ։
Line: 2  Verse: 12     
Ահն ու անդոհն է զիս պատել, վասն այն զարեան գետըն կու լամ,
Line: 3  Verse: 13     
Երբ խաբեցայ յանցաւորէս, ես ինձ բարոյ այլ չը մընամ։
Line: 4  Verse: 14     
Երբ հըրեղէն գետն ելանէ, ես յայն հըրոյն մէջըն մընամ,
Line: 5  Verse: 15     
Երբ հրեշտակին փողըն գոչէ, ես յարութեան չարժանանամ։
Line: 6  Verse: 16     
Եղուկ թէ յայն ձայնէն լըսեմ, թ̆ "Երթայք յինէն" ւ̆ ի ձախ մընամ։
Line: 7  Verse: 17     
Տանեն զիս յիմ որդունքն ի մաւտ, որ ճանաչեմ եւ գիտենամ։
Line: 8  Verse: 18     
Ես տընկեցի հոգոյ զաւակ, բեստէ հիմիկ քեզ կեր կու գամ,
Line: 9  Verse: 19     
Ասեմ՝ թէ ինձ հարկիք արէք, գեմ ձեր ծնաւղն եմ, որ կու լամ։

Page: 253  
Line: 1  Verse: 20     
Որդունքըն չեն ինձ ողորմիլ, թող թէ հազար երդումըն տամ,
Line: 2  Verse: 21     
Մութն ու խաւարն է զիս պատել, որ այլ լուսոյ ճար չունենամ։
Line: 3  Verse: 22     
Դառն եւ ողորմ եմ մընացել, զաւրըն հոգոյս իմ վայ կու տամ,
Line: 4  Verse: 23     
Սառնամանեաց դողն է կալել ու կու փըշրէ կըզակ ւ̆ատամ։
Line: 5  Verse: 24     
Բաստէ ես այս չարիս դիպիմ, որ ի յառաջ զայս չիմանամ,
Line: 6  Verse: 25     
Ի մանկութեան խեղ կատակին հիմիկ մէկ մէկ համար կու տամ։
Line: 7  Verse: 26     
Երբ ի Դատո́ղըն կու նայիմ, կու կարկափիմ եւ մընջանամ,
Line: 8  Verse: 27     
Ամաւթալից եւ սեւերես, զինչ մոմ հալիմ, զերդ կուպր եռամ։
Line: 9  Verse: 28     
Վասն Աստուծոյ՝ ճարա́կ ցուցէք, ողորմեցէք թ̆ի՞նչ լինենամ,

Page: 254  
Line: 1  Verse: 29     
Այս տանջանաց վըճար չըկայ, ես յաւիտեան ի հոն մընամ։
Line: 2  Verse: 30     
Արդարքն ի լոյսն ուրախանան, ես ի խաւա՜րըն մորմոքամ.
Line: 3  Verse: 31     
Յիս նայելով՝ ձե́զ խըղճացէք, զի լի սըրտիւ խըրատ կուտամ,
Line: 4  Verse: 32     
Որ դուք չի գայք ի յիս ի մօտ, ես ի հըրոյ ծով կու ծփամ։
Line: 5  Verse: 33     
Ես եմ զըրկող եւ պարտական, թող թէ ի սուգ կամ ու կենամ,
Line: 6  Verse: 34     
Յաստէնս չունիմ հանգըստութիւն, անդ վիշապաց կեր լինենամ։
Line: 7  Verse: 35     
Ֆըրիկն ասէ ողորմագին, արժան եմ ես թ̆ի հոն կենամ.
Line: 8  Verse: 36     
Զայս խորխորատս ե́ս փորեցի, որ իմ անձամբս ի ներս կենամ։
Line: 9  Verse: 37     
Գիտեմ, որ հուրն է ինձ վառած, երբ քարոզին չը հաւատամ.
Line: 10  Verse: 38     
Տէ՛ր, ողորմած ես եւ գըթած, ողորմութեանդ Քո ես մընամ,
Line: 11  Verse: 39     
Որ տաս Դու ինձ համբերութիւն, որ սատանին գերի չըլնամ։
Line: 12  Verse: 40     
Թէպէտ ունիմ մեղք անիհուն, բայց ի նոյն Տէ՛րըդ ես յուսամ,
Line: 13  Verse: 41     
Զի հաւատամ, թէ զերծանիմ, զինչ ազատեաց Տէրըն զԱդամ։
Line: 14  Verse: 42     
Երրորդութեանն երկըրպագեմ ւ̆ըզնըմանէ միշտ գոհանամ,

Page: 255  
Line: 1  Verse: 43     
Որ կու լըսէ մեղաւորիս՝ այնոր վըստահ յառաջ կու գամ։
Line: 2  Verse: 44     
Դու ասացեր, "Եկայք առ իս, զանանց դըրա́խտըն ձեզ կուտամ",
Line: 3  Verse: 45     
Զիս որ արեա́մբըդ գընեցեր, այլ չերկընչիմ ւ̆ոչ վախենամ։
Line: 4  Verse: 46     
Փառք Աստուծոյ վեր առաքեմ եւ բիւր հազար հետ գոհանամ,
Line: 5  Verse: 47     
Որ ինձ երետ միտք ու հոգի, որ զայս բանե́րըս կու սըգամ։
Line: 6  Verse: 48     
Եւ զաւրըն զայս խընդրեմ լալով, որ ի գեհենըն չի մընամ,
Line: 7  Verse: 49     
Գիտեմ, որ Տէրըն կու կամի, որ ես լուսոյ որդի լինամ։
Line: 8  Verse: 50     
Ետուր բըղխումն ինձ արտասուաց, որ ի հըրոյն անահ մընամ,
Line: 9  Verse: 51     
Երբ ծուլանամ կամ յապաղիմ, յայնժամ այսու ազատ կենամ։
Line: 10  Verse: 52     
Տէ՛ր, ողորմեա մեղաւորիս, թէ կամենաս՝ առ Քեզ կու գամ,

Page: 256  
Line: 1  Verse: 53     
Ով իմ ողբոյս ականջ դընէ, ես լըսողին ծառայ կենամ։
Line: 2  Verse: 54     
Զայս ի վերայ ինձ ասացի, մի́ մեղադրէք խըրատ կու տամ,
Line: 3  Verse: 55     
Երեսըս ձեր ոտից կոխան, զիս յիշեցեք ամենեքեան։
Line: 4  Verse: 56     
Աստուած ի ձեր գործքըն հանգչի, որ դուք լինիք մարդ բարեկամ,
Line: 5  Verse: 57     
Փառք Աստուծոյ մարդասիրին եւ յամենայն ժամ գոհանամ։
Line: 6  Verse: 58     
Եւ բարեխաւս առ Տէր ունիմ ըզսըրբուհի կոյս Մարիամ,
Line: 7  Verse: 59     
Միջնորդ ընդ մարդ եւ ընդ Աստուած, մայր Աստուծոյ զինքն հաւատամ։
Line: 8  Verse: 60     
Մեղաւորաց թափող է նա, եւ զիս յինքըն յանձնին կու տամ,
Line: 9  Verse: 61     
Փառք Աստուծոյ Հաւր եւ Որդոյ եւ Սուրբ Հոգոյն միշտ յաւիտեան։ Ամէն։


Line: 10  ***


Page: 257  
Next part



This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.